سلامتی کونسل اسرائیلی جارحیت کو بند کروائے، امیر سعید ایروانی
اشاعت کی تاریخ: 14th, June 2025 GMT
ایران کیخلاف اسرائیلی رژیم کی جارحیت پر منعقدہ سلامتی کونسل کے ہنگامی اجلاس کیساتھ خطاب میں ایرانی سفیر و مستقل نمائندے نے صیہونی جارحیت پر خاموشی کو اس جرم میں برابر کی شراکتداری قرار دیتے ہوئے مطالبہ کیا ہے کہ سلامتی کونسل فوری ایکشن لیتے ہوئے اور اسرائیل کے ان جارحانہ اقدامات کیخلاف عملی اقدامات اٹھائے! اسلام ٹائمز۔ ایران کے خلاف غاصب اسرائیلی رژیم کی جارحیت پر تشکیل پانے والے اقوام متحدہ کی سلامتی کونسل کے ہنگامی اجلاس کے ساتھ خطاب میں اقوام متحدہ میں ایرانی سفیر و مستقل نمائندے امیر سعید ایروانی نے اعلان کیا کہ میں اسرائیلی رژیم کی جارحیت پر اس ہنگامی اجلاس کے انعقاد کی حمایت کے حوالے سے پاکستان، الجزائر، چین و روسی فیڈریشن کا شکریہ ادا کرتا ہوں۔
اس حوالے سے انجام پانے والے امیر سعید ایروانی کے خطاب کے اہم نکات درج ذیل ہیں:
1- اسرائیل نے متعدد ایرانی شہروں میں نہ صرف عوامی و عسکری علاقوں بلکہ ایرانی جوہری تنصیبات پر بھی منظم فوجی حملے کئے ہیں، جن میں نطنز کا جوہری مرکز بھی شامل ہے جس کی عالمی جوہری توانائی ایجنسی و سیفگارڈ پروٹوکولز کے ذریعے مسلسل نگرانی کی جاتی ہے، نیز ان حملوں میں 78 افراد شہید اور 320 سے زائد زخمی ہوئے ہیں جن میں اکثریت عام شہریوں، خواتین اور بچوں کی ہے۔
2- یہ حملے بین الاقوامی قوانین، اقوام متحدہ کے منشور، اور جوہری توانائی ایجنسی کے اصولوں کی کھلی خلاف ورزی پر مبنی ہیں۔
3- غاصب اسرائیلی رژیم کی بار بار کی جارحیت کے سامنے اقوام متحدہ و عالمی قانونی اداروں کی خاموشی نے اس بدمعاش رژیم کو مزید شہہ دی ہے کہ جس کے باعث اسے اپنے جارحانہ اقدامات کو مزید تیز کرنے اور تمام سرخ لکیروں کو عبور کر جانے کا حوصلہ ملا ہے لہذا اس خاموشی کا مطلب ان جرائم میں برابر کی شراکتداری ہے۔
4 - امریکہ نے قابض اسرائیلی رژیم کو مکمل سیاسی و انٹیلیجنس مدد فراہم کی ہے لہذا امریکہ بھی قابض اسرائیلی رژیم کے ان جرائم میں برابر کا شریک ہے۔
5- ایران اپنے دفاع کے مسلمہ حق پر تاکید اور اعلان کرتا ہے کہ وہ مناسب وقت و مناسب طریقے سے بھرپور جواب دے گا۔
6- یہ حملہ صرف ایران پر ہی نہیں بلکہ عالمی امن پر بھی حملہ ہے۔
7- ایران مطالبہ کرتا ہے کہ سلامتی کونسل اسرائیلی جارحیت کی فی الفور مذمت کرے اور اسے رکوانے کے لئے فوری طور پر عملی اقدامات اٹھائے۔
8- اسلامی جمہوریہ ایران خبردار کرتا کہ اگر اسرائیلی رژیم کو اب بھی نہ روکا گیا تو عالمی نظام درہم برہم ہو سکتا ہے جس کی مکمل ذمہ داری غاصب اسرائیلی رژیم اور اس کے اندھے حامیوں کی گردن پر عائد ہو گی۔
9- نیز یہ کہ یہ قابض اسرائیلی رژیم ہی ہے کہ جس نے ایران پر حملہ کیا ہے اور یہ قابض اسرائیلی رژیم ہی ہے کہ جس نے بین الاقوامی قوانین کی خلاف ورزی کی ہے لہذا قابض اسرائیلی رژیم کو اس کے تمام غیر قانونی اقدامات پر فی الفور جوابدہ بنانا ناگزیر ہے۔
ذریعہ: Islam Times
کلیدی لفظ: قابض اسرائیلی رژیم اسرائیلی رژیم کی سلامتی کونسل اقوام متحدہ جارحیت پر کی جارحیت رژیم کو
پڑھیں:
اسرائیل سے خطرات،عرب ممالک متحرک،اہم سیکیورٹی اقدامات کا اعلان,مشترکہ فضائی نظام،خلیج دفاعی اتحاد کی تشکیل شامل
اسرائیل سے خطرات،عرب ممالک متحرک،اہم سیکیورٹی اقدامات کا اعلان,مشترکہ فضائی نظام،خلیج دفاعی اتحاد کی تشکیل شامل WhatsAppFacebookTwitter 0 18 September, 2025 سب نیوز
جمعرات (آئی پی ایس )خلیج جوائنٹ دفاعی کونسل نے جمعرات کو دوحہ میں ایک ہنگامی اجلاس کے دوران علاقائی سلامتی کے خدشات، بالخصوص قطر پر حالیہ اسرائیلی حملے کے تناظر میں، متعدد اہم سکیورٹی اقدامات کا اعلان کیا۔عرب نیوز کے مطابق دفاعی کونسل کی جانب سے اعلان کیے گئے اقدامات درج ذیل ہیں،متحدہ کمانڈ کے ذریعے انٹیلیجنس کے تبادلے کو بہتر بنانا، فضائی صورت حال کی تصویر تمام جی سی سی آپریشن سینٹرز کو منتقل کرنا، بیلسٹک میزائلوں کے خلاف ابتدائی انتباہی نظام کی تیاری میں تیزی لانا،، متحدہ عسکری کمان کے ساتھ ہم آہنگی میں مشترکہ دفاعی منصوبوں کو اپ ڈیٹ کرنا، اور آئندہ تین مہینوں میں فضائی آپریشن سینٹرز کے مابین مشترکہ مشقیں کروانا، جن کے بعد مکمل مشترکہ فضائی مشق ہو گی۔کونسل کے ارکان نے ابھرتے ہوئے خطرات سے نمٹنے اور خلیج دفاعی اتحاد کو مضبوط بنانے کے لیے ہر سطح پر کام اور ہم آہنگی جاری رکھنے کا عزم ظاہر کیا۔
یہ اجلاس قطر کے وزیر مملکت برائے امورِ دفاع، شیخ سعود آل ثانی کی صدارت میں منعقد ہوا، جس میں خلیجی ممالک کے وزرائے دفاع اور اعلی عسکری حکام نے شرکت کی۔ اجلاس میں اسرائیلی حملے کو نہ صرف قطر بلکہ تمام رکن ممالک کے لیے خطرہ قرار دیا گیا۔کونسل نے حملے کی شدید مذمت کرتے ہوئے اسے بین الاقوامی قانون کی سنگین خلاف ورزی قرار دیا اور کہا کہ یہ حملہ علاقائی استحکام اور غزہ میں قطر کی سفارتی کوششوں کے لیے خطرہ ہے۔کونسل نے دوحہ حملے کی شدید مذمت کرتے ہوئے اسے بین الاقوامی قانون کی سنگین خلاف ورزی قرار دیا۔ (فوٹو: عرب نیوز)یہ اجلاس بدھ کو ہونے والی جی سی سی کی سپریم ملٹری کمیٹی کے اجلاس کا تسلسل تھا، جس کا مقصد مشترکہ دفاع کو مضبوط بنانا اور خلیج کی دفاعی صلاحیت کو بڑھانا تھا۔اس اجلاس میں میجر جنرل عیسی بن راشد المحندی، معاون سیکرٹری جنرل برائے عسکری امور، اور میجر جنرل عبدالعزیز بن احمد البلوی، کمانڈر، متحدہ عسکری کمان، نے شرکت کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاک-سعودیہ دفاعی معاہدہ: سرمایہ کاروں کے اعتماد میں اضافہ، 100 انڈیکس تاریخی سطح پر پہنچ گیا پاک-سعودیہ دفاعی معاہدہ: سرمایہ کاروں کے اعتماد میں اضافہ، 100 انڈیکس تاریخی سطح پر پہنچ گیا نومئی مقدمات: عمر ایوب، شبلی فراز، زرتاج گل سمیت 18 پی ٹی آئی رہنما اشتہاری قرار یمن کے ساحل پر پانچ انٹرنیٹ کیبلز کٹ گئیں جس کی وجہ سے ملکی انٹرنیٹ متاثر ہے، سیکریٹری آئی ٹی جوائنٹ ایکشن کمیٹی اور بھارتی تعلق کو نقاب کردیا: وزیراعظم آزاد کشمیر سعودیہ سے معاہدے کی تیاری و تکمیل میں فیلڈ مارشل کا کلیدی کردار ہے دریائے چناب میں سیلاب سے بندبوسن کے حالات سنگین، کئی بستیاں پانی میں ڈوب گئیںCopyright © 2025, All Rights Reserved
رابطہ کریں ہماری ٹیم
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان