ٹیسٹ چیمپئین شپ فائنل؛ ہیڈن، اسٹین نے کمنز کو تنقید کا نشانہ بناڈالا
اشاعت کی تاریخ: 14th, June 2025 GMT
سابق آسٹریلوی اوپنر متھیو ہیڈن اور جنوبی افریقی فاسٹ بولر ڈیل اسٹین نے ورلڈ ٹیسٹ چیمپئین شپ فائنل میں پیٹ کمنز کی جانب سے دفاعی حکمت عملی اپنانے پر انہیں تنقید کا نشانہ بناڈالا۔
لارڈز کے تاریخی کرکٹ گراؤنڈ میں کھیلے جارہے میچ میں جنوبی افریقا نے 2 وکٹوں کے نقصان پر 213 رنز بنا لیے اور جیت کے لیے مزید 69 رنز درکار ہیں۔ ایڈن مارکرم 102 اور کپتان ٹیمبا باوما 65 رنز کے ساتھ کریز پر موجود ہیں۔
آسٹریلوی کپتان پیٹ کمنز نے کھیل کے تیسرے روز دفاعی حکمت عملی اپنائی، جس کے باعث جنوبی افریقی ٹیم پہلی ٹیسٹ چیمپئین شپ جیتنے سے محض 70 رنز دور ہے جبکہ انکی 8 وکٹیں باقی ہیں۔
مزید پڑھیں: ٹیسٹ چیمپئین شپ فائنل؛ اسمتھ کی صورت میں آسٹریلیا کو بڑا دھچکا
ٹیسٹ چیمپئین شپ کے فائنل میں آسٹریلیا نے پہلے اور دوسرے روز کھیل پر اپنا قبضہ برقرار رکھا تاہم تیسرے روز ایڈن مارکرم 102 اور کپتان ٹیمبا باوما 65 رنز نے آسٹریلیا کو بیک فٹ پر دھکیل دیا ہے۔
مزید پڑھیں: ورلڈ ٹیسٹ چیمپئن شپ فائنل، تیسرا روز: جنوبی افریقا کو جیت کے لیے مزید 69 رنز درکار
سابق آسٹریلوی کرکٹر متھیو ہیڈن نے دوران کمنڑی پیٹ کمنز کی دفاعی حکمت عملی پر انہیں تنقید کا نشانہ بناتے ہوئے کہا کہ آپ حریف کو پریشر میں لائے بغیر میچ نہیں جیت سکتے، انہیں باوما اور مارکرم پر دباؤ ڈالنا تھا لیکن ایسا نہیں کیا گیا۔
مزید پڑھیں: ورلڈ ٹیسٹ چیمپئین شپ؛ بابراعظم کی "کور ڈرائیو" کے چرچے
اس موقع پر جنوبی افریقی فاسٹ بولر ڈیل اسٹین نے بھی آسٹریلوی کپتان پر تنقید کے نشتر چلائے اور کہا کہ مجھے انکی حکمت عملی نے حیران کردیا ہے، انکا کہنا تھا کہ بلےبازوں پر دباؤ بڑھانے کیلئے انہیں شارٹ کور، شارٹ مڈ وکٹ کے علاوہ دیگر پلئیرز کو بھی قریب کرنا چاہیے تھا تاکہ وکٹیں مل سکیں لیکن ایسا نہیں ہوا۔
.ذریعہ: Express News
کلیدی لفظ: ٹیسٹ چیمپئین شپ حکمت عملی ا سٹریلوی شپ فائنل
پڑھیں:
ورلڈ ٹیسٹ چیمپئین شپ؛ بابراعظم کی کور ڈرائیور کے چرچے
قومی ٹیم کے سابق کپتان بابراعظم کی کور ڈرائیو کے چرچے آئی سی سی ورلڈ ٹیسٹ چیمپئین شپ فائنل میں بھی گونجنے لگے۔
لارڈز کے تاریخی کرکٹ گراؤنڈ میں کھیلے جارہے ورلڈ ٹیسٹ چیمپئین شپ کے فائنل میں جنوبی افریقا اور آسٹریلیا کی ٹیمیں مدمقابل ہیں اور معرکہ دلچسپ مرحلے میں داخل ہوچکا ہے۔
ہائی پروفائل میچ کے دوران انگلش کمنٹیٹر ناصر حسین نے آسٹریلوی بیٹر مارنس لیبوشن اور جنوبی افریقی بیٹر ریان رکلٹن کے آؤٹ ہونے کے پیچھے تکنیکی خامیوں کا ذکر کرتے ہوئے کہا کہ دونوں پلئیرز نے ایک ہی شاٹ کھیلتے ہوئے اپنی وکٹیں گنوائیں۔
مزید پڑھیں: بابراعظم کو بھارتی اسپورٹس نصاب میں شامل کرلیا گیا
ناصر حسین نے کہا کہ ٹھیک ہے، کور ڈرائیور آنکھوں کیلئے پرسکوں شاٹ ہے، ویرات کوہلی، بابراعظم کا خیال آتا ہے۔
مزید پڑھیں: سابق انگلش کپتان کا نوجوانوں کو بابر اعظم سے تکنیک سیکھنے کا مشورہ
انہوں نے جنوبی افریقی کپتان ٹیمبا باوما کی مثال دی کہ شاٹ کھیلتے وقت انکے ہینڈ آئی کوارڈینشن بلکل درست تھا لیکن لیبوشن اور رکیلٹن میں اسکی کمی دیکھائی دی۔
مزید پڑھیں: وسیم اکرم کا اپنے مجسمے پر ردعمل سامنے آگیا
خیال رہے کہ سابق انگلش کرکٹر و کمنٹیٹر ناصر حسین غیر معمولی طور پر بابراعظم کی کور ڈرائیو کے بڑے مداح رہے ہیں، انہوں نے 2022 میں کہا تھا کہ بچوں کو سکھانے کیلئے پاکستان کے سابق کپتان کا ٹریڈ مارک شاٹ استعمال کریں گے۔
وزیراعظم کا ترکیہ کے صدر سے ٹیلی فونک رابطہ، اہم فیصلوں پر عملدر آمد پر اتفاق