وزیراعلیٰ سندھ کی پوسٹ بجٹ پریس کانفرنس؛ وفاق سے شکوہ ، عوام سے وعدے
اشاعت کی تاریخ: 14th, June 2025 GMT
کراچی:
وزیراعلیٰ سندھ مراد علی شاہ نے پوسٹ بجٹ پریس کانفرنس میں وفاق سے شکوہ اور عوام سے وعدے کیے ہیں۔
نئے مالی سال 2025-26 کا بجٹ گزشتہ روز پیش کیے جانے کے بعد وزیراعلیٰ سندھ سید مراد علی شاہ نے آج پوسٹ بجٹ پریس کانفرنس کرتے ہوئے بجٹ کی ترجیحات، منصوبوں اور وفاقی حکومت سے تحفظات پر تفصیلی گفتگو کی۔
انہوں نے واضح کیا کہ صوبائی بجٹ کا مجموعی حجم 3.
انہوں نے اعلان کیا کہ رواں سال 590 ارب روپے کی لاگت سے ترقیاتی اسکیمیں مکمل کی جائیں گی، جن کی تعداد 1460 ہوگی، جو کہ ایک ریکارڈ ہے۔ تنخواہوں کے باب میں بھی بڑی پیشرفت سامنے آئی جہاں گریڈ 1 سے 16 تک کے ملازمین کی تنخواہوں میں 12 فیصد اور گریڈ 17 سے 22 تک کے ملازمین کی تنخواہوں میں 10 فیصد اضافہ کیا گیا ہے۔
مجموعی طور پر تنخواہوں اور پنشن کے اخراجات 1.1 کھرب روپے ہوں گے۔
وزیراعلیٰ کے مطابق تعلیم کے بجٹ میں 18 فیصد، صحت میں 11 فیصد، مقامی حکومتوں میں 5 فیصد اور محکمہ توانائی میں 16.5 فیصد کا اضافہ کیا گیا ہے۔ زراعت کا ترقیاتی بجٹ ساڑھے 22 ارب روپے رکھا گیا ہے جبکہ محکمہ ٹرانسپورٹ کو 59.6 ارب روپے دیے جا رہے ہیں۔ مقامی حکومتوں کو 132 ارب اور آب پاشی کے لیے 43 ارب روپے مختص کیے گئے ہیں۔
کراچی کے لیے 236 ارب روپے کا خصوصی بجٹ مختص کیا گیا ہے، جس میں پبلک پرائیویٹ پارٹنرشپ کے 95 ارب کے جاری منصوبے شامل نہیں۔
سیلاب متاثرین کی بحالی پر بھی وزیراعلیٰ سندھ نے بڑے دعوے کیے، جن کے مطابق 5 لاکھ گھر مکمل ہو چکے ہیں، ساڑھے 8 لاکھ قریب تکمیل کے ہیں اور 13 لاکھ زیر تعمیر ہیں۔ اس منصوبے کو ورلڈ بینک سمیت بین الاقوامی ادارے دنیا کا سب سے کامیاب ماڈل قرار دے چکے ہیں۔
انہوں نے بتایا کہ دیہات میں 600 ارب روپے کی لاگت سے پانی و نکاسی کا بڑا منصوبہ بھی جاری ہے، جو دیہاتی خود تعمیر کریں گے اور اس کی نگرانی غیرسرکاری ادارے کریں گے۔
ٹیکس پالیسی کے حوالے سے مراد علی شاہ نے دعویٰ کیا کہ کوئی نیا ٹیکس نہیں لگایا گیا، بلکہ کئی ٹیکس ختم کیے گئے ہیں جیسے کہ ریسٹورانٹس اور انٹرٹینمنٹ ٹیکس۔ موٹر سائیکل پر تھرڈ پارٹی انشورنس کا استثنا دیا گیا ہے، اسٹامپ ڈیوٹی کم اور متعدد فیسز آدھی کر دی گئی ہیں۔
زراعت کے شعبے میں چھوٹے کاشت کاروں کو مفت لیزر لیولر دینے، بڑے کسانوں کو 80 فیصد سبسڈی دینے اور کلسٹر فارمنگ متعارف کرانے کا اعلان بھی کیا گیا۔ سندھ انسٹیٹیوٹ آف چائلڈ ہیلتھ کے نیٹ ورک کو دنیا کا سب سے بڑا قرار دیا گیا جب کہ معذور افراد کے لیے سہولیات بڑھانے، یوتھ ڈیولپمنٹ سینٹرز اور نئی اسکول اسکیموں کا بھی اعلان کیا گیا۔
کے-4 منصوبے، ڈی سالنیشن پلانٹس، سولر ٹیکس کی مخالفت اور سندھ کے منصوبوں کو وفاقی پی ایس ڈی پی میں شامل نہ کیے جانے پر وزیراعلیٰ نے کھل کر تنقید کی۔ ان کا کہنا تھا کہ ہم وفاق کی اتحادی حکومت کا حصہ نہیں بلکہ صرف حکومت کا ساتھ دے رہے ہیں۔ اگر سندھ کو باقی صوبوں کے برابر حصہ نہ ملا تو پیپلز پارٹی وفاقی بجٹ کی حمایت نہیں کرے گی۔
وزیراعلیٰ نے کہا کہ سندھ حکومت کی کارکردگی عوام اور عالمی اداروں کے سامنے ہے۔ انہوں نے ہیلی کاپٹر اور سرکاری گاڑیوں کی خریداری کی وضاحت بھی کی اور آئندہ سال سے گاڑیوں کی خریداری پر پابندی کا اعلان کیا۔
آخر میں وزیراعلیٰ نے کہا کہ حکومت سندھ عوام کی فلاح کے لیے واضح سمت میں کام کر رہی ہے اور یہ سب اس کا ثبوت ہے کہ عوام نے انہیں پچھلی بار سے زیادہ ووٹ دیے۔
ذریعہ: Express News
کلیدی لفظ: انہوں نے ارب روپے کیا گیا گیا ہے کے لیے
پڑھیں:
عوامی مسائل کا حل حکومت کی اولین ترجیح ہے، عمر عبداللہ
وزیراعلیٰ نے وفود کو یقین دہانی کرائی کہ حکومت تمام جائز عوامی مطالبات کو ترجیحی بنیادوں پر حل کریگی اور ہر ممکن کوشش کی جائیگی کہ لوگوں کو سہولیات میسر ہوں۔ اسلام ٹائمز۔ جموں و کشمیر کے وزیراعلٰی اور نیشنل کانفرنس کے نائب صدر عمر عبداللہ نے کہا ہے کہ حکومت ریاست کے عوام کو درپیش مسائل و مشکلات سے بخوبی واقف ہے اور ان کے ازالے کے لئے تمام تر حکومتی مشینری متحرک ہے۔ انہوں نے یقین دلایا کہ عوامی فلاح و بہبود حکومت کی اولین ترجیحات میں شامل ہے۔ عمر عبداللہ نیشنل کانفرنس ہیڈکوارٹر پر پارٹی لیڈران، عہدیداران اور کارکنان کے ساتھ ایک تفصیلی اجلاس میں تبادلہ خیال کر رہے تھے۔ اس موقع پر ملاقات کرنے والے وفود نے وزیر اعلیٰ کو مختلف علاقوں میں عوام کو درپیش بنیادی مسائل، ترقیاتی امور اور دیگر مشکلات سے آگاہ کیا۔ وزیراعلیٰ نے وفود کو یقین دہانی کرائی کہ حکومت تمام جائز عوامی مطالبات کو ترجیحی بنیادوں پر حل کرے گی اور ہر ممکن کوشش کی جائے گی کہ لوگوں کو سہولیات میسر ہوں۔ انہوں نے کہا کہ ہمیں آپ کے مسائل کا مکمل ادراک ہے اور ان کا حل ہماری اولین ترجیح ہے۔
عمر عبداللہ نے اس موقع پر تنظیمی معاملات اور پارٹی پروگراموں کے حوالے سے بھی مکمل تفصیلات حاصل کیں اور کارکنوں پر زور دیا کہ وہ نیشنل کانفرنس کی مضبوطی کے لئے مزید فعال کردار ادا کریں۔ انہوں نے کہا کہ نیشنل کانفرنس جموں و کشمیر اور لداخ کے عوام کی ترجمان جماعت ہے اور ہمیشہ عوام کو ہی طاقت کا سرچشمہ مانا ہے۔ انہوں نے کہا کہ ہمیں عوامی مسائل کو اجاگر کرنے میں ہر وقت پیش پیش رہنا چاہیئے۔ جموں و کشمیر کے وزیراعلٰی نے پارٹی کارکنوں سے اپیل کی کہ وہ زمینی سطح پر عوام سے قریبی روابط قائم رکھیں اور ترقیاتی عمل کو مؤثر طریقے سے آگے بڑھانے میں حکومت کا ہاتھ بٹائیں۔
اسلام آباد میں پہلی بار ڈرون کیمروں، عرق گلاب اور فنائل سے صفائی آپریشن، 2500 سے زائد عملہ سرگرم