کِیا اسٹونک EX کی ری لانچ، نئی قیمت سامنے آ گئی
اشاعت کی تاریخ: 14th, June 2025 GMT
کِیا موٹرز پاکستان نے اپنی گاڑی اسٹونک EX کو دوبارہ متعارف کرا دیا ہے، جس کی نئی قیمت 47 لاکھ 67 ہزار روپے مقرر کی گئی ہے۔
اس سے قبل کمپنی نے اسی ماڈل کی قیمت میں نمایاں کمی کی تھی، اور پھر کچھ عرصے بعد قیمت میں اضافہ کر دیا گیا تھا، جس کی وجہ سے صارفین خاصے حیران اور بعض پریشان بھی نظر آئے۔
یہ بھی پڑھیں:کیا اسٹونک کی بکنگ اب مزید آسان، کتنے پیسے دیکر گاڑی حاصل کی جاسکتی ہے؟
کئی صارفین نے اس حوالے سے سوشل میڈیا پر اپنے تجربات اور خیالات کا اظہار کیا۔ کچھ کا کہنا تھا کہ وہ آلٹو سے اسٹونک میں اپ گریڈ کرنا چاہتے ہیں لیکن انہیں گاڑی کی دوبارہ فروخت (ری سیل ویلیو) پر تحفظات ہیں۔
ایک صارف نے بتایا کہ اسٹونک ہائی وے پر 16 سے 17 کلومیٹر فی لیٹر مائلیج دیتی ہے جو کہ ایک اچھا اوسط ہے۔
تاہم کچھ لوگوں نے شکایت کی کہ جب وہ گاڑی خریدتے ہیں تو قیمت کچھ اور ہوتی ہے اور جب بیچتے ہیں تو قیمت کافی کم ہو جاتی ہے، جس سے مالی نقصان ہوتا ہے۔
یہ بھی پڑھیں:کیا نے مزید 2 گاڑیوں کا رعایتی قسطوں پر حصول کیسے ممکن بنادیا؟
یاد رہے کہ اپریل 2024 میں کِیا نے اسٹونک EX+ کی قیمت میں 15 لاکھ روپے کی بڑی کمی کرتے ہوئے اسے 47 لاکھ 67 ہزار روپے پر لے آیا تھا۔ تاہم جولائی میں اسی گاڑی کی قیمت بڑھا کر 55 لاکھ 50 ہزار روپے کر دی گئی، جس سے مارکیٹ میں ایک بار پھر بے یقینی کی صورتحال پیدا ہو گئی۔
صارفین کی جانب سے یہ سوال بھی اٹھایا جا رہا ہے کہ آیا قیمتوں میں یہ اتار چڑھاؤ کمپنی کی تجارتی حکمت عملی ہے یا کسی بڑے حکومتی یا اقتصادی فیصلے کا نتیجہ؟
بہت سے لوگ اب خریداری سے پہلے سوچ بچار میں لگے ہوئے ہیں اور مارکیٹ کے استحکام کا انتظار کر رہے ہیں تاکہ انہیں کوئی بڑا مالی نقصان نہ ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹونک EX+ کیا اسٹونک.ذریعہ: WE News
کلیدی لفظ: اسٹونک EX کیا اسٹونک اسٹونک EX
پڑھیں:
کراچی میں چینی کی نئی سرکاری قیمت مقرر، نوٹی فکیشن جاری
کمشنر کراچی نے کمشنر کراچی نے چینی قیمت مقرر کر کے نیا نوٹی فکیشن جاری کردیا۔
ایکسپریس نیوز کے مطابق کمشنر کراچی نے چینی کی ہول سیل اور ریٹیل قیمت مقرر کر کے نئی سرکاری قیمت کا نوٹی فکیشن جاری کردیا۔
نوٹی فکیشن کے مطابق کراچی میں چینی کی ہول سیل قیمت 170 روپے مقرر کی گئی ہے جبکہ فی کلو ریٹیل قیمت 173 روپے فی کلو مقرر کی گئی ہے۔
کمشنر کراچی نے کہا ہے کہ ہول سیلرز ریٹیلر ڈپارٹمینٹل اسٹورز سختی سے عمل کریں، خلاف ورزی کرنے پر قانونی کارروائی ہوگی۔
واضح رہے کہ اس سے قبل 15 اپریل کے نوٹی فیکیشن کے مطابق چینی کی ہول سیل قیمت 160 روپے اورریٹیل قیمت 163 روپے مقرر کی گئی تھی۔
تین ماہ میں ضلعی انتظامیہ کی جانب سے 3 ماہ میں چینی کی سرکاری قیمت میں 10 روپے فی کلو کا اضافہ کیا گیا ہے۔
حلف نہ اٹھانے پر نشست خالی ہونے کا قانون، مراد سعید کے ڈی سیٹ ہونے کی باتیں لیکن کیا اسحاق ڈار ڈی سیٹ ہوئے؟