فلسطینی طلبہ کی تعلیمی مدد کو وسعت دینے کی تجاویز پر غور
اشاعت کی تاریخ: 14th, June 2025 GMT
---فائل فوٹو
پاکستان کی جانب سے فلسطینی عوام کو دی جانے والی امداد کا جائزہ لینے سے متعلق اجلاس ہوا۔
دفترِ خارجہ کے ترجمان کے مطابق اجلاس کی صدارت نائب وزیرِ اعظم و وزیرِ خارجہ اسحاق ڈار نے کی۔
اجلاس کے دوران اسرائیل کی انسانی حقوق کی سنگین خلاف ورزیوں پر پاکستان نے شدید ردعمل کا اظہار کیا۔
اسحاق ڈار نے غزہ اور مغربی کنارے میں بگڑتی انسانی صورتحال پر گہری تشویش کا اظہار کیا۔
دفترِ خارجہ کے ترجمان کے مطابق پاکستان نے فلسطینی کاز کے لیے اخلاقی، سیاسی اور سفارتی حمایت دہرانے کا اعادہ کیا اور فلسطینی عوام کو انسانی امداد بڑھانے اور تعلیمی معاونت فراہم کرنے پر زور دیا۔
اجلاس میں فلسطینی طلبہ کی تعلیمی مدد کو وسعت دینے کی تجاویز پر بھی غور کیا گیا۔
.ذریعہ: Jang News
پڑھیں:
سعودی وزیر خارجہ کا اقوام متحدہ میں دوٹوک مؤقف: فلسطینی ریاست کے قیام کے بغیر امن ممکن نہیں
سعودی وزیر خارجہ شہزادہ فیصل بن فرحان نے واضح الفاظ میں کہا ہے کہ امن اور سلام کا قیام اس وقت تک ممکن نہیں جب تک فلسطینی عوام کو ان کے جائز حقوق اور مکمل خودمختار ریاست کا حق نہ دیا جائے۔
اقوام متحدہ کے اجلاس سے خطاب کرتے ہوئے انہوں نے کہا کہ طاقت کے زور پر صورتحال مسلط کرنے سے نہ امن قائم ہوگا اور نہ ہی سلامتی میسر آئے گی۔
یہ بھی پڑھیں: اسحاق ڈار اور شہزادہ فیصل بن فرحان کے درمیان ٹیلی فونک رابطہ، ولی عہد کے دورہ پاکستان پر تبادلہ خیال
شہزادہ فیصل نے فلسطینی صدر محمود عباس کے امن کے لیے خلوص اور اصلاحاتی کوششوں کی تعریف کی اور فلسطینی حکومت کی وحدت پر زور دیا۔ انہوں نے مزید کہا کہ سعودی عرب فلسطینی اتھارٹی کو مختلف شعبوں میں مضبوط بنانے کے لیے مستقل تعاون کر رہا ہے تاکہ فلسطینی عوام اپنی سرزمین پر ایک باوقار زندگی گزار سکیں۔
وزیر خارجہ نے عالمی بینک گروپ کے اس فیصلے کا بھی خیرمقدم کیا جس کے تحت فلسطین کو سالانہ 300 ملین ڈالر کی گرانٹ دی جا رہی ہے جسے غزہ اور مغربی کنارے کی تعمیر و ترقی کے لیے استعمال کیا جائے گا۔
انہوں نے اس بات پر زور دیا کہ سعودی عرب 2 دہائیوں سے زائد عرصے سے عرب امن منصوبے کی بنیاد پر ایک خودمختار فلسطینی ریاست کے قیام کی حمایت میں مسلسل کردار ادا کر رہا ہے۔ اس سلسلے میں انہوں نے فرانس کی جانب سے فلسطین کو ریاست کے طور پر تسلیم کرنے کے عزم کو سراہتے ہوئے دیگر ممالک سے بھی اس ذمہ دارانہ اقدام کی پیروی کا مطالبہ کیا۔
مزید پڑھیے: پاک بھارت جنگ بندی میں شہزادہ محمد بن سلمان کا کردار اور سعودی ڈیجیٹل انقلاب
شہزادہ فیصل بن فرحان نے اپنے خطاب میں اس بات پر زور دیا کہ دو ریاستی حل کے نفاذ کے بغیر مشرقِ وسطی میں پائیدار امن اور استحکام ممکن نہیں۔ سعودی عرب عالمی برادری سے مطالبہ کرتا ہے کہ وہ اس تاریخی موقع پر مؤثر اور فیصلہ کن اقدام کرے تاکہ خطے کو تشدد اور بے یقینی کے دائرے سے نکالا جا سکے۔
یہ خطاب سعودی عرب کی قیادت کی مسئلہ فلسطین کے حوالے سے مستقل اصولی پالیسی اور عالمی سطح پر فلسطینی عوام کی حمایت کے عزم کا واضح اظہار تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ سعودی وزیر خارجہ شہزادہ فیصل بن فرحان شہزادہ فیصل بن فرحان
بجلی کی تقسیم کار کمپنیوں کی جانب سے اووربلنگ کے ذریعے 244 ارب بٹورنے کا انکشاف