شاہراہِ بھٹو عوام کیلیے پیپلز پارٹی حکومت کا تحفہ ہے، مراد علی شاہ
اشاعت کی تاریخ: 15th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)وزیراعلیٰ سندھ سید مراد علی شاہ نے کہا ہے کہ شاہراہِ بھٹو عوام کے لیے پیپلز پارٹی حکومت کا تحفہ ہے۔ جدید انفراسٹرکچر ترقی کی ضمانت ہے، اور عوام کو سہولت دینا ہی ہماری اصل خدمت ہے۔ ان خیالات کا اظہار انہوں نے شاہراہِ بھٹو کے دوسرے فیز کے افتتاح کے موقع پر کیا۔مراد علی شاہ نے کہا کہ آمد و رفت بہتر ہوگی تو معیشت مضبوط ہوگی۔ یہ سڑک صنعتی علاقوں تک رسائی بہتر بنانے میں مدد دے گی۔ ٹرانسپورٹ نظام کی بہتری سندھ حکومت کی اولین ترجیح ہے۔ ترقی کا سفر سڑکوں سے جْڑا ہے، ہم راستے آسان بنا رہے ہیں۔وزیراعلیٰ نے کہا کہ شہری اور صنعتی رابطوں کو تیز اور محفوظ بنانا ہمارا عزم ہے۔ یہ منصوبہ پبلک پرائیویٹ پارٹنرشپ کے تحت سب سے بڑا منصوبہ ہے، اور ہم جلد قائد آباد تا کاٹھور شاہراہِ بھٹو ایکسپریس وے کی تکمیل چاہتے ہیں۔وزیراعلیٰ مراد علی شاہ نے شاہراہِ بھٹو کے دوسرے فیز کا افتتاح کیا۔ انہوں نے انٹرچینج شاہ فیصل تا قائدآباد کا معائنہ کیا اور خود گاڑی چلا کر منصوبے کا جائزہ لیا۔وزیراعلیٰ کی گاڑی سینئر وزیر شرجیل میمن ڈرائیو کر رہے تھے جبکہ ناصر حسین شاہ اور سینیٹر وقار مہدی بھی ان کے ہمراہ تھے۔وزیراعلیٰ نے گاڑی کا ٹول ٹیکس بھی خود ادا کیا۔
.ذریعہ: Jasarat News
کلیدی لفظ: مراد علی شاہ
پڑھیں:
صدر زرداری نے پاکستان کھپپے کا نعرہ لگایا،جیالے تیار ہوجائیں اب خاموشی سے بیٹھنے کا وقت نہیں‘ سردار سلیم حیدر
لاہور(اُردو پوائنٹ اخبارتازہ ترین - این این آئی۔ 28 جولائی2025ء)گورنر پنجاب سردار سلیم حیدر خان نے کہا کہ پیپلز پارٹی کی قیادت نے 14سال جیل کاٹی۔ صدر زرداری نے پاکستان کھپپے کا نعرہ لگایا۔جیالے تیار ہوجائیں اب خاموشی سے بیٹھنے کا وقت نہیں۔بلاول بھٹو کو مستقبل کا وزیر اعظم بنانا ہے۔ ان خیالات کا اظہار انہوں نے راولپنڈی میں صدر مملکت آصف علی زرداری کی 70ویںسالگرہ کے حوالے سے منعقدہ تقریب سے خطاب کرتے ہوئے کیا۔ تقریب میں پیپلز پارٹی کے رہنما راجہ پرویز اشرف سمیت پارٹی قائدین اور ورکرز کی کثیر تعداد موجود تھی۔گورنر پنجاب سردار سلیم حیدر خان نے کہا کہ محترمہ بے نظیر بھٹو جو ہماری عظیم قائد تھیں ان کی شہادت کے بعد پیپلز پارٹی پر بہت مشکل وقت تھا ۔ انہوں نے کہا کہ بے نظیر بھٹو کی شہادت کے بعد آصف علی زرداری نے پیپلز پارٹی کو نہ صرف سنبھالادیا بلکہ اسے تقسیم ہونے سے بچایا۔(جاری ہے)
گورنر پنجاب نے کہا کہ اگرآج پیپلز پارٹی آپ کو اس مکمل حالت میں ملی ہے تو اس کا کریڈٹ آصف علی زرداری کو جاتا ہے ۔انہوں نے کہا کہ میں خراج تحسین پیش کرتا ہوں صدر آصف علی زرداری کو جنہوں نے محترمہ کی شہادت کے بعد پیپلز پارٹی کو اپنے بچوں کی طرح سنھال کر آگے لے کر چلے۔ گورنر پنجاب نے کہا کہ آصف علی زرداری کی فہم و فراست ، ویژن اور دلیری کی بدولت آج پیپلز پارٹی آزاد کشمیر ،گلگت بلتستان سمیت وفاقی اور صوبائی اسمبلیوں میں بھی نمائندگی کررہی ہے ۔ انہوں نے کہا کہ پارٹی قیادت سے آپ لوگوں کی والہانہ محبت اس بات کا ثبوت ہے کہ آنے والا وقت پیپلز پارٹی کا ہے اور ہم نے بلاول بھٹو زرداری کو اس ملک کا وزیر اعظم بنانا ہے۔تقریب سے پیپلز پارٹی کے رہنما راجہ پرویز اشرف اور دیگر نے بھی خطاب کیا۔ اس موقع پر گورنر پنجاب سردار سلیم حیدر خان نے پیپلز پارٹی کے رہنما راجہ پرویز اشرف اوردیگر قائدین کے ہمراہ صدر مملکت آصف علی زرداری کی 70ویںسالگرہ کا کیک بھی کاٹا۔
بیساکھیوں کی سیاست۔ مفاہمت یا مجبوری؟