ایران کا میزائلوں اور ڈرونز سے ایک اور حملہ، 9 اسرائیلی ہلاک، 200 سے زائد زخمی
اشاعت کی تاریخ: 15th, June 2025 GMT
تہران/تل ابیب ( اُردو پوائنٹ اخبارتازہ ترین۔ 15 جون 2025ء ) ایران کی جانب سے میزائلوں اور ڈرونز سے کیے جانے والے ایک اور حملے میں 9 اسرائیلی ہلاک اور 200 سے زائد زخمی ہوگئے، صورتحال انتہائی سنگین ہو چکی ہے اور خطے میں ایک بڑی جنگ کا خدشہ بڑھ گیا۔ عالمی میڈیا کے مطابق ایرانی حملے کے دوران پہلے مرحلے میں 100 اور دوسرے مرحلے میں 50 میزائل داغے گئے جس کے نتیجے میں 9 اسرائیلی شہری ہلاک اور 200 سے زائد زخمی ہو گئے، ان میزائل حملوں کے بعد مقبوضہ بیت المقدس، تل ابیب اور دیگر کئی اسرائیلی شہر دھماکوں سے گونج اٹھے، حملے کے نتیجے میں متعدد عمارتیں بھی تباہ ہو گئیں اور ساحلی شہر حیفہ میں واقع آئل ریفائنری سمیت کئی مقامات پر آگ بھڑک اٹھی جس سے بڑے پیمانے پر نقصان ہوا۔
اسرائیلی میڈیا نے بتایا ہے کہ ایرانی میزائل حیفہ اور تامرا بستی میں گرے جس سے کئی عمارتیں تباہ ہو گئیں، تل ابیب اور شمالی اسرائیل میں دھماکوں کی آوازیں دیر تک سنی جاتی رہیں، پورے ملک میں خطرے کے سائرن ایک بار پھر بج اٹھے، ایرانی حملے میں استعمال کیے گئے میزائلوں میں عماد، غدر اور خیبر شکن شامل تھے، ایران نے جدید ہائبرڈ ڈرون میزائل سسٹم کا بھی استعمال کیا۔(جاری ہے)
بتایا گیا ہے کہ کچھ ایرانی میزائلوں کو اردن کی حدود میں روکا گیا تاکہ وہ اسرائیلی سرزمین تک نہ پہنچ سکیں تاہم اسرائیلی آئرن ڈوم دفاعی نظام ان ایرانی ڈرونز کو مکمل طور پر روکنے میں ناکام رہا، اسرائیلی فوج نے بھی حملے کی تصدیق کرتے ہوئے کہا کہ ایرانی جنگی طیارے شمالی اسرائیل کی فضائی حدود میں داخل ہوئے، مقبوضہ بیت المقدس میں بھی زوردار دھماکوں کی آوازیں سنی گئیں، اسرائیلی شہر بیت یام میں ایرانی حملوں کے بعد 35 افراد لاپتا ہو گئے۔.ذریعہ: UrduPoint
کلیدی لفظ: تلاش کیجئے
پڑھیں:
آتشزدگی کے باعث اسرائیلی ریلوے اسٹیشن ایک بار پھر تعطل کا شکار
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسلام ٹائمز۔ عبرانی ذرائع ابلاغ کے مطابق اسرائیلی ریلوے کمپنی نے اعلان کیا ہے کہ تل ابیب ریلوے اسٹیشن کے قریب زبردست آتشزدگی کے باعث ٹرینوں کی روانگی میں کئی تاخیر ہوئی ہے اور تل ابیب کے علاقے میں کچھ ٹرینوں کی نقل و حرکت میں تبدیلیاں آئی ہیں۔ مقامی فائر فائٹرز نے کہا ہے کہ فی الحال ان کا بنیادی مقصد ریلوے لائنوں کے نزدیک لگنے والی آگ کو پھیلنے سے روکنا ہے، کیونکہ اس سے ریلوے کے بنیادی ڈھانچے کو بھی نقصان پہنچنے کا امکان ہے۔ آگ کی بڑی مقدار کی وجہ سے دونوں سمتوں میں ٹرینیں روک دی گئی ہیں اور ٹریک 1 کو بند کر دیا گیا ہے۔
صہیونی حکومت کے چینل 12 ٹی وی نے بھی ایک رپورٹ میں بتایا ہے کہ اسرائیلی ریلوے کے نزدیک وسیع پیمانے پر آگ لگنے کی وجہ سے منگل کے روز تل ابیب سے جنوب (مقبوضہ فلسطین) کی طرف جانے والی ٹرینیں روک دی گئیں۔ اسرائیلی ریلوے کمپنی کا کہنا ہے کہ تل ابیب ہگانہ اسٹیشن کے قریب ٹرین کی پٹریوں کے کنارے میں زبردست آگ لگنے کی وجہ سے تل ابیب کے علاقے میں افراتفری پیدا ہوئی اور تمام ٹرینوں کو ری شیڈول کر دیا گیا ہے، جبکہ حکام نے صورتحال کے معمول پر آنے کا وقت بتانے سے گریز کیا ہے۔ آگ لگنے کے بعد یروشلم سے تل ابیب جانے والی تمام ٹرینوں کو لود اسٹیشن پر روک دیا گیا اور مسافروں کو اتار دیا گیا، انہیں بس کے ذریعے باقی راستے کا سفر کرنا پڑا۔
عبرانی ذرائع ابلاغ نے اعتراف کیا ہے کہ اسرائیل میں ٹرین کی آمدورفت گزشتہ ایک ماہ کے دوران بری طرح متاثر ہوئی ہے، جیسا کہ کچھ عرصہ قبل جب ایک مال بردار ٹرین نے دو مختلف علاقوں میں ٹرینوں کی برقی پریشر کیبلز سے ٹکرا کر لائن پر ٹرینوں کی نقل و حرکت کو مکمل طور پر روک دیا تھا، اور تکنیکی ماہرین کو ٹرینوں کے انجنوں میں سینکڑوں میٹر بجلی کی ترسیل کی کیبلز کو دوبارہ نصب کرنا پڑا اور ان کی مرمت کرنا پڑی۔
9 مئی و توشہ خانہ کیسز؛ عمران خان اور بشریٰ بی بی کی عبوری ضمانتوں میں توسیع