ایمپریس مارکیٹ کراچی میں 400 گاڑیاں پارک کرنے کی فزیبلٹی بنا لی: مرتضیٰ وہاب
اشاعت کی تاریخ: 15th, June 2025 GMT
میئر کراچی مرتضیٰ وہاب—فائل فوٹو
میئر کراچی مرتضیٰ وہاب نے کہا ہے کہ ایمپریس مارکیٹ میں پارکنگ سب سے بڑا چیلنج تھا، آج یہاں 400 گاڑیاں پارک کرنے کی فزیبلٹی بنائی ہے۔
ایمپریس مارکیٹ میں گوشت سیکشن کے افتتاح کے موقع پر گفتگو میں مرتضیٰ وہاب نے کہا کہ کراچی کے تاریخی ورثے کو محفوظ بنانے کےلیے کام کر رہے ہیں۔
انہوں نے کہا کہ وعدہ کیا تھا کہ کراچی کے عوام کے مسائل حل کریں گے، کراچی والوں کی مدد سے بہت کچھ کرنے میں کامیاب ہوئے ہیں۔
میئر کراچی نے مزید کہا کہ ماضی میں لوگ مافیاز کے سامنے سر جھکا دیتے تھے، ہم مافیاز سے لڑ رہے ہیں، کارروائی کرتے ہیں تو یہ الزام لگاتے ہیں، اسٹے لے آتے ہیں۔
اُن کا یہ بھی کہنا ہے کہ رواں سال مزید 6 تاریخی مارکیٹوں کی تزئین و آرائش کریں گے، چند روز میں کے ایم سی کا بجٹ پیش کرنے جا رہے ہیں، پلاسٹک کی تھیلیوں پر پابندی ہے اوراس پر کارروائی کریں گے۔
.
ذریعہ
ذریعہ: Jang News
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم