پاکستان: بچوں کے کینسر کا مفت علاج
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
پاکستان میں صحت کے شعبے کو ہمیشہ سے چیلنجز کا سامنا رہا ہے، خصوصاً بچوں کی صحت سے متعلق معاملات میں جہاں مالی مشکلات، طبی سہولتوں کی کمی اور ماہرین کی عدم دستیابی ایک مستقل رکاوٹ رہے ہیں۔ ان ہی مسائل میں ایک بڑا مسئلہ بچوں میں کینسر کا بھی ہے، جو ہر سال تقریباً 8,000 معصوم جانوں کو اپنی لپیٹ میں لیتا ہے۔ علاج کے مہنگے اخراجات اور ادویات کی عدم دستیابی کے باعث سیکڑوں بچے بروقت علاج نہ ملنے کی وجہ سے زندگی کی بازی ہار جاتے ہیں۔ ایسے حالات میں پاکستان کا Global Platform for Access to Childhood Cancer Medicines (GPACCM) میں شمولیت ایک غیر معمولی پیش رفت ہے۔ اس بین الاقوامی پلیٹ فارم کے تحت پاکستان میں بچوں کے لیے کینسر کی دوائیں مفت فراہم کی جائیں گی، ماہرین ِ صحت کو عالمی معیار کے مطابق تربیت دی جائے گی، اسپتالوں کے نظام کو بہتر بنایا جائے گا اور بچوں کو جدید علاج تک رسائی حاصل ہوگی۔ وفاقی وزیر ِ صحت کی سرپرستی میں، عالمی ادارۂ صحت اور جی پی اے سی سی ایم کی مدد سے یہ اقدام شروع کیا گیا ہے جو پاکستان کے لیے ایک اہم پیش رفت ہے۔ صحت کے شعبے میں ایسی بین الاقوامی شراکتیں نہ صرف وسائل مہیا کرتی ہیں بلکہ ہمارے نظام کو بہتری کی جانب بھی لے جاتی ہیں۔ اگر اس پروگرام کو دیانت داری سے چلایا جائے، تو یہ نہ صرف بچوں کی کینسر سے اموات میں کمی لائے گا، پریشان والدین کی معاشی تکلیف کو کم کرے گا بلکہ ہمارے مجموعی صحت کے نظام میں اصلاحات کا آغاز بھی بن سکتا ہے۔ یہ ماڈل آگے چل کر دیگر مہلک امراض جیسے تھیلے سیمیا، امراض دل اور دیگر بیماریوں کے علاج کے لیے بھی رہنمائی فراہم کر سکتا ہے۔ لیکن ہماری بد قسمتی یہ ہے کہ اس طرح کے پروگرام میں بھی بدیانتی سامنے آتی رہتی ہے اور رشوت اور کمیشن یہاں بھی شروع ہوجاتا ہے اور اس میں بسا اوقات خاص طور پر سرکاری عملے کے ساتھ ڈاکٹرز تک ملوث ہوتے ہیں۔ اب وقت ہے کہ حکومت اس پروگرام کی مکمل نگرانی کرے، اس میں شفافیت کو یقینی بنائے اور اس کی توسیع کے لیے مزید اقدامات کرے۔ نجی شعبے اور سول سوسائٹی کو بھی اس موقع پر اپنی ذمے داری نبھانی ہوگی، تاکہ یہ خواب صرف شہروں تک محدود نہ رہے بلکہ دیہی علاقوں میں بھی معصوم چہروں پر زندگی کی روشنی واپس لوٹ سکے۔
.ذریعہ: Jasarat News
کلیدی لفظ: کے لیے
پڑھیں:
روس کے یوکرین پر فضائی حملے، 2 بچوں سمیت 9 افراد ہلاک
روس نے یوکرین پر تازہ فضائی حملے کیے ہیں، جس کے نتیجے میں بچوں سمیت 9 افراد ہلاک اور متعدد زخمی ہوگئے۔
حکام نے بتایا کہ ہفتے کے روز روسی فضائی حملے میں ایک دکان کو نشانہ بنایا گیا جس کے نتیجے میں آگ بھڑک اٹھی اور 4 افراد جاں بحق ہوگئے، جن میں 11 اور 14 سال کے 2 بچے بھی شامل ہیں۔
مزید پڑھیں: ملازمت کے نام پر روس یوکرین جنگ کا ایندھن بنائے جانے والے بھارتی شہری کی ویڈیو وائرل
یوکرینی حکام کا کہنا ہے کہ روسی جنگی طیاروں نے اوڈیسا کے جنوب مغربی علاقے میں کئی ٹرکوں اور دیگر گاڑیوں کو بھی نشانہ بنایا، جس میں 2 افراد ہلاک اور 3 زخمی ہوئے۔
’روسی افواج نے 20 سے زیادہ علاقوں پر ڈرون، توپ خانے اور فضائی حملے کیے، جن میں ایک شخص ہلاک اور 2 زخمی ہوئے۔‘
مقامی حکام نے بتایا کہ میکولائیو کے نواحی علاقے میں مبینہ طور پر کلَسٹر وار ہیڈ والے اسکندر ایم بیلسٹک میزائل کے حملے میں 20 سالہ نوجوان ہلاک اور 2 بچوں سمیت 19 افراد زخمی ہوئے۔
فرنٹ لائن زاپورژیا ریجن میں بھی صورتحال سنگین رہی، جہاں گورنر ایوان فیدوروف کے مطابق روسی حملوں میں 18 علاقوں کو نشانہ بنایا گیا، جس کے نتیجے میں ایک شہری ہلاک اور 3 زخمی ہوئے جبکہ گھروں کو بھی نقصان پہنچا۔
ان حملوں کے نتیجے میں ہزاروں افراد بجلی سے محروم ہو گئے۔ فیدوروف کا کہنا تھا کہ قریباً 60 ہزار شہریوں کو بجلی کی فراہمی منقطع ہوئی ہے، اور مرمت کا کام سیکیورٹی کی صورتحال بہتر ہوتے ہی شروع کیا جائے گا۔
دوسری جانب یوکرین نے بھی روسی افواج اور تنصیبات پر حملے کرنے کا دعویٰ کیا ہے۔
مزید پڑھیں: ٹرمپ پیوٹن ملاقات: امن معاہدے پر پیشرفت، روس یوکرین جنگ بندی کا اعلان نہ ہوسکا
روسی وزارتِ دفاع نے دعویٰ کیا کہ اس کی فضائی دفاعی فورسز نے ایک ہی رات میں 164 یوکرینی ڈرون مار گرائے، جن میں 39 بلیک سی اور 26 کریمیا کے اوپر مارے گئے۔
یوکرین کی فوجی انٹیلی جنس نے دعویٰ کیا کہ اس نے ماسکو ریجن میں واقع کولتسیوئے پائپ لائن پر حملہ کرکے روس کی فوجی لاجسٹکس کو ’سنگین نقصان‘ پہنچایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews روس روس یوکرین جنگ ہلاک وی نیوز یوکرین پر فضائی حملے
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں