برطانوی خفیہ ایجنسی ایم آئی 6 کی پہلی خاتون سربراہ کون ہیں؟
اشاعت کی تاریخ: 16th, June 2025 GMT
برطانوی وزیرِاعظم کیئر اسٹارمر نے اعلان کیا ہے کہ برطانیہ کی غیر ملکی انٹیلیجنس سروس یعنی ایم آئی6 کی سربراہی کے لیے بلیز میٹریویلی کا تقرر کیا گیا ہے۔ وہ برطانوی خفیہ ایجنسی کی 18ویں سربراہ ہونے کے ساتھ ساتھ اس عہدے پر فائز ہونے والی پہلی خاتون ہوں گی۔
بلیز میٹروویلی 1999 سے ایم آئی6 کا حصہ ہیں اور اس وقت ٹیکنالوجی اور جدت سے متعلق شعبہ ’کیو سیکشن‘ کی سربراہی کر رہی ہیں، انہوں نے کیمبرج یونیورسٹی سے سوشیالوجی کی تعلیم حاصل کی، اور مشرق وسطیٰ اور یورپ میں خفیہ آپریشنز میں حصہ لیا ہے، وہ برطانیہ کی داخلی انٹیلیجنس ایجنسی ایم آئی5 میں بھی مختلف عہدوں پر کام کر چکی ہیں۔
یہ بھی پڑھیں:
اپنی نامزدگی پر بلیز میٹریویلی کا کہنا تھا کہ انہیں اپنی سروس کی قیادت کا موقع ملنے پر فخر اور اعزاز محسوس ہو رہا ہے۔ ’ایم آئی5 اور جی سی ایچ کیو کے ساتھ مل کر ایم آئی6 برطانوی عوام کو محفوظ رکھنے اور ملک کے مفادات کو بیرونِ ملک فروغ دینے میں اہم کردار ادا کرتا ہے۔‘
برطانوی وزیر اعظم کیئر اسٹارمر نے کہا کہ یہ تقرری ایسے وقت میں ہوئی ہے جب برطانیہ کو بے مثال نوعیت کے خطرات مثلاً دشمن ممالک کی جاسوس کشتیوں کی موجودگی یا سائبر حملوں کا سامنا ہے۔
سابق سربراہ سر رچرڈ مور، جنہوں نے 2020 میں عہدہ سنبھالا تھا، تقریباً 5 سالہ مدت مکمل کرنے کے بعد سبکدوش ہو رہے ہیں, وہ ایک سفارتکار کی حیثیت سے ترکیہ میں برطانیہ کے سفیر بھی رہ چکے ہیں۔
مزید پڑھیں:
قابلِ ذکر بات یہ ہے کہ ایم آئی5 اور جی سی ایچ کیو کی قیادت پہلے بھی خواتین سنبھال چکی ہیں، مگر ایم آئی6 کی تاریخ میں یہ پہلا موقع ہے، اس تقرری کو بعض مبصرین نے ’زندگی میں فن کی عکاسی‘ قرار دیا ہے — جیسا کہ فلموں میں جیمز بانڈ کی باس یعنی ایم کا کردار، جسے طویل عرصے تک جوڈی ڈینچ نے نبھایا تھا۔
بلیزمیٹریویلی کا موجودہ کردار ایم آئی6 کے کیو برانچ کی سربراہی ہے، وہی کیو جسے جیمز بانڈ فلموں میں نئی ٹیکنالوجی فراہم کرنے والے ماہر کے طور پر دکھایا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم آئی5 ایم آئی6.ذریعہ: WE News
کلیدی لفظ: ایم ا ئی5 ایم ا ئی6 ایم ا ئی6 ایم ا ئی5
پڑھیں:
خاتونِ اول آصفہ بھٹو سے برطانوی ہائی کمشنر جین میریٹ کی ملاقات؛ تعلیم سمیت اہم شعبوں پر گفتگو
سٹی 42 : خاتون اول بی بی آصفہ بھٹو سے برطانوی ہائی کمشنر جین میریٹ کی بلاول ہاؤس میں ملاقات ہوئی۔
آصفہ بھٹو زرداری اور جین میریٹ کے درمیان باہمی دلچسپی کے امور سمیت مختلف ایشوز پر تبادلہ خیال کیا گیا۔ اسکے علاوہ دونوں کے درمیان تعلیم، صحت، خواتین کو بااختیار بنانے اور نوجوانوں کی ترقی کے شعبوں پر بھی بات چیت ہوئی۔
آصفہ بھٹو زرداری نے کہا کہ غزہ کی صورتحال پر برطانوی وزیرِاعظم کا مؤقف قابل ستائش ہے۔ انہوں نے کہا کہ دنیا میں قیام امن کا فروغ ضروری ہے۔
تبادلوں کے منتظر اساتذہ کے لئےاچھی خبر
برطانوی ہائی کمشنر جین میریٹ کے ہمراہ برطانیہ کے ڈپٹی ہائی کمشنر لینس ڈوم اور ہائی کمشنر کی سیاسی مشیر ہدٰی اکرام بھی موجود تھے۔ اسکے علاوہ ملاقات میں سندھ کی وزیر صحت ڈاکٹر عذرا پیچوہو، رکنِ قومی اسمبلی شازیہ مری اور رکنِ صوبائی اسمبلی قاسم سومرو نے شرکت کی۔
شاہینوں کا پلٹ کا وار، بنگلہ دیش کو 74 رنز سے شکست دیدی