جنسی اسکینڈل: برطانوی پرنس اینڈریو سے ’پرنس‘ کا لقب سمیت تمام شاہی اعزازت واپس لے لیے گئے
اشاعت کی تاریخ: 31st, October 2025 GMT
برطانوی شاہی خاندان ایک بار پھر تنازعے کی زد میں آ گیا ہے۔ جنسی اسکینڈل کے سنگین الزامات کے بعد شاہ چارلس سوم نے اپنے بھائی شہزادہ اینڈریو سے ’پرنس‘ کا لقب اور دیگر شاہی اعزازات واپس لے لیے ہیں۔
یہ بھی پڑھیں:پرنس ہیری کی کنگ چارلس سے ملاقات نے میگھن مارکل کے خدشات بڑھا دیے
انٹرنیشنل میڈیا کے مطابق یہ فیصلہ 30 اکتوبر 2025 کو باضابطہ طور پر جاری کیا گیا، جس کے تحت شہزادہ اینڈریو اب عوامی طور پر اپنے شاہی القابات استعمال نہیں کر سکیں گے۔
برطانوی ذرائع ابلاغ کے مطابق ان کا نیا نام ’اینڈریو ماؤنٹ بیٹن ونڈسر‘ کے طور پر درج کیا گیا ہے۔
یاد رہے کہ شہزادہ اینڈریو پر امریکی مجرم جیفری ایپسٹین کے ساتھ تعلقات اور ایک نابالغ لڑکی ورجینیا جیوفری کے ساتھ جنسی بدسلوکی کے الزامات عائد ہیں۔
یہ بھی پڑھیں:پرنس اینڈریو کو جلاوطنی کا خطرہ! شاہ چارلس سے تعلقات نازک موڑ پر پہنچ گئے
اگرچہ اینڈریو نے تمام الزامات کی تردید کی ہے، مگر مسلسل دباؤ اور عوامی ردعمل کے باعث شاہی خاندان کو شدید تنقید کا سامنا تھا۔
بکنگھم پیلس کا مؤقف
بکنگھم پیلس کی جانب سے جاری بیان میں کہا گیا ہے کہ شاہ چارلس کے حکم پر شہزادہ اینڈریو اپنے تمام شاہی عہدے، القابات اور مراعات سے دستبردار ہو گئے ہیں۔
بیان میں مزید کہا گیا کہ شاہی خاندان عوامی اعتماد کے تحفظ کے لیے شفافیت اور جواب دہی کے اصولوں پر کاربند ہے۔
رپورٹس کے مطابق شہزادہ اینڈریو سے ان کی سرکاری رہائش گاہ بھی واپس لے لی گئی ہے، اور انہیں شاہی مراعات سے محروم کر دیا گیا ہے۔ بین الاقوامی ذرائع ابلاغ نے اس فیصلے کو شاہی تاریخ کا غیر معمولی قدم قرار دیا ہے۔
ورجینیا جیوفری کے اہلِ خانہ نے اس فیصلے کا خیر مقدم کرتے ہوئے اسے انصاف کی سمت ایک اہم قدم قرار دیا ہے۔ ان کا کہنا ہے کہ یہ فیصلہ ان تمام متاثرہ خواتین کے لیے حوصلہ افزا پیغام ہے جو انصاف کے منتظر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: شہزادہ اینڈریو گیا ہے
پڑھیں:
برطانوی جڑواں بھائیوں نے دنیا کا سب سے وزنی کدو اُگا کر عالمی ریکارڈ بنا دیا
data-id="863a0a8" data-element_type="widget" data-widget_type="theme-post-content.default">
لندن: برطانیہ میں دو جڑواں بھائیوں نے دنیا کے سب سے وزنی کدو اگا کر سب کو حیران کر دیا۔
ہیمپشائر سے تعلق رکھنے والے آئن اور اسٹورٹ پیٹن گزشتہ 5 دہائیوں سے کدو اگانے کے شوقین ہیں اور اب بالآخر انہوں نے اپنی محنت کے بدلے وہ مقام حاصل کر لیا جس کا خواب وہ برسوں سے دیکھ رہے تھے۔ دونوں بھائیوں نے 1278 کلوگرام وزنی کدو پیدا کر کے گینیز ورلڈ ریکارڈ اپنے نام کر لیا۔
دلچسپ بات یہ ہے کہ اس دیو قامت کدو نے نہ صرف وزن بلکہ سائز کے لحاظ سے بھی تاریخ رقم کی۔ کدو کی لمبائی 21 فٹ 3.8 انچ ناپی گئی، جو اب تک کا سب سے بڑا ریکارڈ ہے۔ اس حیرت انگیز پھل کا وزن انگلینڈ کے علاقے رِیڈنگ کے قریب ایک مخصوص مقام پر ناپا گیا جہاں گینیز ورلڈ ریکارڈ ٹیم بھی موجود تھی۔
آئن پیٹن نے میڈیا سے گفتگو کرتے ہوئے بتایا کہ انہوں نے اور ان کے بھائی نے بچپن میں ہی کدو اگانے کا شوق اپنایا تھا۔ ابتدائی طور پر وہ صرف مقابلوں میں حصہ لینے کے لیے یہ کام کرتے تھے، مگر وقت کے ساتھ ساتھ ان کا شوق جنون میں بدل گیا۔
آئن نے بتایا کہ ہم نے ہمیشہ سوچا تھا کہ ایک دن ہم دنیا کا سب سے بڑا کدو اگائیں گے اور آج وہ دن آ گیا۔
دونوں بھائیوں کے مطابق مقابلے میں شرکت کے لیے انہیں دو گھنٹے کا طویل سفر طے کرنا پڑا۔ راستے میں بارہا یہ خدشہ لاحق رہا کہ کہیں کدو ٹوٹ نہ جائے یا اس کی ساخت متاثر نہ ہو، لیکن جب وہ منزل پر پہنچے اور دیکھا کہ کدو بالکل سالم ہے، تو ان کے چہروں پر اطمینان اور خوشی کے آثار نمایاں تھے۔
یہ ریکارڈ توڑنے والا کدو محض ایک پھل نہیں بلکہ دونوں بھائیوں کی نصف صدی پر محیط محنت، صبر اور شوق کی علامت ہے۔ برطانوی میڈیا کے مطابق آئن اور اسٹورٹ نے اس کامیابی کے بعد اعلان کیا ہے کہ وہ اگلے سال ایک اور بڑا کدو اگانے کی کوشش کریں گے تاکہ یہ ریکارڈ مزید مضبوطی سے اپنے نام رکھ سکیں۔
گینیز ورلڈ ریکارڈ انتظامیہ نے بھی دونوں بھائیوں کی کاوش کو سراہتے ہوئے کہا کہ اس قدر بڑے سائز اور وزن کا کدو اگانا محض قسمت نہیں بلکہ مستقل مزاجی اور زراعت سے گہری محبت کی دلیل ہے۔
میرپورخاص میں ایس ایچ او کی خاتون سے مبینہ زیادتی