سجاد علی نے کانسرٹ میں ناراض کو منانے کا طریقہ بتادیا
اشاعت کی تاریخ: 16th, June 2025 GMT
پاکستانی معروف گلوکار سجاد علی نے اپنے لاہور کانسرٹ میں ناراض کو منانے کیلئے خاص طریقہ دے دیا۔
سجاد علی پاکستانی پاپ میوزک میں اپنے ہنر کا لوہا منوانے والے معروف گلوکار ہیں جنکا تاحال ہر گانا اور غزل شائقینِ کے لیے انکی گانوں کی فہرست میں اولین ترجیح ہوتا ہے۔
سجاد علی نے اپنی آواز اور چاکلیٹی ہیرو لُک سے عوام کا دل جیتا اور سونے پر سہاگا انکے ڈانس کا منفرد انداز بھی ہر دل کو لبھاتا تھا۔
سجاد علی کے مشہور گانوں میں ‘لاری اڈّا’ ، ‘سنڈریلا’ ، ‘چیف صاحب’ ، ‘دن پریشان ہے’ ، ‘تیرا نام’ ، ‘بیبیا’ ، ‘یاد تو آتی ہوگی’ ، ‘بولو بولو’ ، ‘چل رہن دے’ اور ‘ہر ظلم تیرا یاد ہے’ شامل ہیں یا یوں کہیے کہ انہوں نے جو بھی گانا گایا وہ سپرہٹ بنا۔
سجاد علی نے میوزک کو کبھی الوداع نہیں کہا بلکہ وقت کے ساتھ ساتھ نئے انداز میں بھی گیت گائے۔
سجاد علی کے بچے بھی اسی فیلڈ میں آچکے ہیں لیکن والد جتنی کامیابی حاصل کرنا فی الحال ایک خواب جیسا لگتا ہے۔
سجاد علی کے دنیا بھر میں منعقد ہونے والے کانسرٹ سولڈ آؤٹ کے ٹیگ کے ساتھ شروع ہوتے ہیں اور فینز ہر گانے کو ساتھ ساتھ گائے بغیر رہ بھی نہیں پاتے۔
ان دنوں سجاد علی پاکستان میں کانسرٹس کرتے دکھ رہے ہیں۔ اٹھارہ سال بعد 31 مئی کی رات میں کراچی میں کامیاب کانسرٹ کے بعد اب انہوں نے لاہور میں اپنی آواز کا جادو جگایا۔
فوٹو اینڈ ویڈیو شیئرنگ ایپ انسٹاگرام پر اس دن کی جھلکیاں بھی شیئر کیں اور ساتھ ساتھ ایک ویڈیو کو دلچسپ کیپشن دے کر سب کی توجہ حاصل کرلی۔
View this post on InstagramA post shared by Sajjad Ali Official (@thesajjadali)
ویڈیو میں سجاد علی 1990 میں ریلیز ہونے والے اپنے گیت ‘ناراض’ گاتے نظر آئے جسکا انہوں نے سالوں بعد کوک اسٹوڈیو کے سیزن 7 میں ری میکس ورژن پیش کیا تھا۔
سجاد علی نے ویڈیو شیئر کرتے ہوئے لکھا کہ ‘یہ آپ کیلئے اشارہ ہے کہ جو کوئی بھی آپ سے ناراض ہے اس کو یہ بھیج دیں۔’
ساتھ ہی انہوں نے کیپشن میں یہ بھی لکھا کہ ‘کیا تم ناراض ہو؟’ اور اس سوال کا جواب فینز کمنٹ سیکشن میں دیتے دکھے کہ ‘سر آپ کی آواز سن کر کون ناراض ہوسکتا ہے۔’
کمنٹ سیکشن میں فینز دلچسپ تبصرے کرتے دکھ رہے ہیں۔ ایک صارف نے لکھا کہ ‘اگر وہ مجھے یہ ویڈیو بھیج دے تو میں زندگی بھر اس سے ناراض نہ ہوں۔’
ایک اور صارف نے لکھا کہ ‘میں نے اسے تمام سوشل میڈیا پلیٹ فارمز پر بلاک اگر وہ کوئی فیک اکاؤنٹ بنا کر یہ ویڈیو مجھے بھیج دے تو قسم سے میں اسکو ایک اور موقع دے کر اس کے ساتھ رہوں گی۔’
Post Views: 4.ذریعہ: Daily Mumtaz
کلیدی لفظ: سجاد علی نے انہوں نے لکھا کہ
پڑھیں:
شاہد آفریدی کون ہیں؟ میں نہیں جانتا، حکم شہزاد لوہا پاڑ کی نئی ویڈیو وائرل
معروف ٹک ٹاکر اور حکیم شہزاد لوہا پاڑ نے ایک حالیہ پوڈکاسٹ کے دوران کہا ہے کہ وہ قومی کرکٹ ٹیم کے سابق کپتان شاہد آفریدی کو نہیں جانتے، البتہ ان کا نام سنا سنا لگتا ہے۔
پوڈکاسٹ میں میزبان کی جانب سے جب ان سے شاہد آفریدی سے متعلق سوال کیا گیا تو حکیم شہزاد کا کہنا تھا کہ ’میں شاہد آفریدی کو نہیں جانتا، مگر ان کا نام سنا سنا سا لگتا ہے‘۔ تاہم اگلے ہی لمحے انہوں نے یہ بھی کہا کہ ’یہ نام تو میں پہلی بار سن رہا ہوں‘۔
میزبان نے بعدازاں انہیں ایک ویڈیو دکھائی جس میں وہ خود شاہد آفریدی کے حوالے سے گفتگو کرتے نظر آ رہے تھے۔ اس پر حکیم شہزاد نے مؤقف اختیار کیا کہ وہ ویڈیو جعلی ہے اور ٹیمپرڈ کی گئی ہے۔
یہ بھی پڑھیں: حکیم شہزاد لوہا پاڑ کو میڈل دینا گورنر خیبر پختونخوا کو مہنگا پڑگیا، سوشل میڈیا پر تنقید
اسی پوڈکاسٹ میں جب میزبان ریحان طارق نے ان سے اداکارہ حبا بخاری کے بارے میں پوچھا تو حکیم شہزاد نے کہا کہ وہ انہیں بھی نہیں جانتے۔ میزبان نے یاد دلایا کہ ایک وائرل ویڈیو میں انہوں نے دعویٰ کیا تھا کہ حبا بخاری ان کی دی ہوئی دوا استعمال کرنے کے بعد اُمید سے ہوئیں، جس پر حکیم شہزاد نے پھر سے کہا کہ وہ ویڈیو بھی ٹیمپرڈ ہے اور ان کی نہیں ہے۔
یہ بھی پڑھیں: شوہر کا پانچواں نکاح کرانے جا رہی ہوں، دانیہ شاہ کی ویڈیو وائرل
میزبان نے حکیم شہزاد کو چند دوائیوں کے نام بتائے اور کہا کہ یہ ان کی ویب سائٹ سے لی گئی ہیں جس پر ان کا کہنا تھا کہ یہ ویب سائٹ میری نہیں ہے اور میں نے نہیں جانتا یہ کس کی ہے۔ انہوں نے بتایا کہ اس ویب سائٹ کے خلاف میں نے ایف آئی اے میں پرچہ کٹوایا ہوا ہے۔
انٹرویو کے بعد سوشل میڈیا پر ایک اور ویڈیو وائرل ہوئی جس میں حکیم شہزاد نے الزام عائد کیا کہ ریحان طارق نے پوڈکاسٹ کے لیے انہیں پچاس لاکھ روپے دینے کا وعدہ کیا تھا، مگر انٹرویو کے بعد ادائیگی سے انکار کر دیا۔ حکیم شہزاد کا کہنا ہے کہ انہوں نے اس معاملے پر ہائی کورٹ ملتان سے رجوع کر لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حبا بخاری حکیم شہزاد انٹرویو حیم شہزاد لوہا پاڑ دانیہ شاہ ریحان طارق شاہد آفریدی
پاکستان اور افغان طالبان کے درمیان استنبول میں مذاکرات ناکام، عطا تارڑ