واٹس ایپ میں اشتہارات کا آغاز، میٹا نے صارفین کے لیے بڑی تبدیلی کا اعلان کردیا
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
کیلیفورنیا: دنیا کی مقبول ترین میسجنگ ایپ واٹس ایپ اب اشتہارات سے پاک نہیں رہے گی، میٹا نے واٹس ایپ اسٹیٹس میں اشتہارات متعارف کرانے کا اعلان کر دیا ہے، جس سے واٹس ایپ کے صارفین کے طرزِ استعمال میں نمایاں تبدیلی آئے گی۔
میٹا کی جانب سے جاری بیان کے مطابق ابتدائی طور پر یہ اشتہارات واٹس ایپ اسٹیٹس فیچر میں نظر آئیں گے، بالکل اسی انداز میں جیسے انسٹاگرام اسٹوریز میں اشتہارات دکھائے جاتے ہیں۔
میٹا کے مطابق اس فیچر کا مقصد کمپنیوں اور برانڈز کو اپنے واٹس ایپ چینلز کو پروموٹ کرنے کا موقع دینا ہے، جبکہ صارفین کو ان کے ملک، شہر، زبان، اور فالو کیے گئے چینلز کی بنیاد پر اشتہارات دکھائے جائیں گے۔
صارفین کی پرائیویسی کیا محفوظ رہے گی؟
کمپنی کا کہنا ہے کہ صارفین کے نجی ڈیٹا، جیسے کہ فون نمبرز، میسجز، کالز اور گروپس کو اشتہارات کی بنیاد نہیں بنایا جائے گا۔ البتہ اگر صارف اپنا واٹس ایپ اکاؤنٹ میٹا کے اکاؤنٹ سینٹر سے جوڑتا ہے تو پھر اشتہارات میں اس کی ترجیحات کو مدنظر رکھا جا سکتا ہے۔
ایپ سے آمدنی کا نیا ماڈل
واٹس ایپ کی نائب صدر ایلس نیوٹن ریکس کے مطابق مختصر اشتہارات مستقبل میں کمپنی کی آمدنی کا اہم ذریعہ بن سکتے ہیں۔
اب تک واٹس ایپ بزنس پلیٹ فارم اور کلک ٹو واٹس ایپ اشتہارات سے آمدنی حاصل کر رہا تھا، جبکہ اب سرچ اشتہارات اور چینل سبسکرپشنز بھی آمدنی کے ذرائع میں شامل ہوں گے۔
کب سے اشتہارات دکھائی دیں گے؟
میٹا کا کہنا ہے کہ یہ فیچر آئندہ مہینوں میں بتدریج دنیا بھر میں متعارف کرایا جائے گا۔
خیال رہے کہ میٹا (جو اس وقت فیس بک کہلاتا تھا) نے واٹس ایپ کو 2014 میں 19 ارب ڈالرز کے عوض خریدا تھا، اور اب 11 سال بعد اشتہارات کو باقاعدہ واٹس ایپ کا حصہ بنا دیا گیا ہے۔
.
ذریعہ
ذریعہ: Jasarat News
کلیدی لفظ: واٹس ایپ
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
پاکستان نے ورلڈ کپ 2028 کیلیے براہ راست کوالیفائی کر لیا