data-id="863a0a8" data-element_type="widget" data-widget_type="theme-post-content.default">
پاکستان بہت سارے معاملات میں دنیا سے مختلف اور یکتا ہے، اور مختلف معاملات میں حیرت انگیز ریکارڈ کا حامل ہے، وہ عالمی معاملات، سیاست اور تجارت ہوں یا کورونا جیسی وبا، پاکستان نے ان سب معاملات میں حسن وخوبی سے کردار ادا کیا ہے۔ دوسری طرف دنیا میں اپنے شہریوں کے جان مال، عزت آبرو کے معاملے میں جنگیں ہوچکیں اور چھوٹے چھوٹے ممالک نے قوم کی غیرت، بیٹیوں کی عزت اور اپنے شہریوں کے تحفظ کے لیے اپنے سے بڑی طاقتوں سے پنجہ آزمائی کی اور قومی غیرت کا تحفظ کیا۔ لیکن اس معاملے میں پاکستان کے تقریباً تمام حکمران بشمول فوجی آمر اور سویلین ناکام ہی ہیں، اور وہ معاملہ ہے قوم کی بیٹی ڈاکٹر عافیہ صدیقی کا، اسے ایک فوجی آمر جنرل پرویز مشرف نے چند ڈالروں کے عوض فروخت کردیا، اس کے بعدکئی سال تک اس کا کوئی اتا پتا نہیں تھا کہ بگرام کے ایک قیدی نے رہائی کے بعد انکشاف کیا کہ میں نے وہاں ایک قیدی خاتون کی چیخیں سنی ہیں، شاید وہ ڈاکٹر عافیہ صدیقی ہیں، اور پھر برطانوی صحافی ایوون ریڈلی نے سابق وزیر اعظم عمران خان (اس وقت وزیر اعظم نہیں تھے) کے ساتھ پریس کانفرنس میں عافیہ کی وہاں موجودگی کی تصدیق کی، اس کے بعد جنرل پرویز کے ایک وزیر اعظم میر ظفراللہ جمالی نے اس امر کی تصدیق کردی کہ عافیہ کو بیچا گیا ہے۔
اس وقت سے آج تک عافیہ کا معاملہ حکومتی ایوانوں کی غلام گردشوں ہی میں گردش کررہا ہے، یہ بات اگرچہ ہر ایک کی سمجھ میں آرہی ہے کہ ڈور کہاں سے الجھی ہوئی ہے لیکن اس کا اظہار کوئی برملا نہیں کرتا۔ جب پاکستان میں جنرل پرویز مشرف کے بعد سویلین حکومت آئی اور وزیر اعظم یوسف رضا گیلانی تھے ان کو یہ سمجھانے میں کافی دقت ہوئی کہ عافیہ پاکستانی ہے اور اس کے پاس کوئی دوسری شہریت نہیں ہے۔ عافیہ کی سزا کے بعد امریکی وکیل ٹینا فوسٹر پاکستان آئیں اور اس نے بتایا کہ امریکی صدر عافیہ کو رہا کر نے کے لیے تیار ہیں، بشرطیکہ پاکستانی صدر، وزیر اعظم، وزیر خارجہ، کوئی بھی ایک جملہ لکھ دے، جی ہاں بس ایک جملہ، اور جملہ بھی بے ضرر سا، کہ ’’عافیہ صدیقی پاکستانی ہے اس کو انسانی ہمدردی کی بنیاد پر رہا کردیا جائے‘‘، لیکن دنیا بھر کی ڈگریوں کے حامل، پڑھے لکھے لوگوں سے یہ ایک جملہ نہیں لکھا جاسکا، اور عافیہ واپس نہ آسکی۔
ایک مرتبہ پھر اسلام آباد ہائی کورٹ میں عافیہ رہائی کا مقدمہ زیر سماعت ہے، جسٹس اعجاز اسحاق نے مسلسل پیچھا کیا ہے اور ڈاکٹر عافیہ کے امریکی وکیل کلائیو اسٹافورڈ اسمتھ، ماریہ کاری اور فوزیہ صدیقی کے وکیل عمران شفیق، جماعت اسلامی کے مشتاق احمد خان اور عوام کی بڑی تعداد کے دباؤ کا یہ نتیجہ نکلا کہ بیس سال بعد ڈاکٹر فوزیہ اور ڈاکٹر عافیہ کی ملاقات ہوگئی، وکیل کو رسائی مل گئی، لیکن اس عرصے میں بیٹی کے دیدار کو ترستی عصمت صدیقی کی آنکھیں بند ہوگئیں، اور وہ اللہ کے پاس اپنا مقدمہ لے کر پہنچ گئیں اللہ نے یقینا ان کے دل کو تسلی دیدی ہوگی کہ جنت میں دونوں کی ملاقات ہوگی۔
لیکن ایک ایسا ظلم اب بھی جاری ہے جس کا کوئی جواز کسی کی سمجھ میں نہیں آتا اور وہ یہ ہے کہ ایسا محسوس ہونے لگا ہے کہ عافیہ کے اغوا سے اب تک کے سارے مظالم کی ذمے دار پاکستانی حکومتیں ہی ہیں، اسی لیے طرح طرح کے بہانے تراشے جارہے ہیں، سرکاری افسروں کا رویہ تو نہایت قابل مذمت ہے، عدالت میں پیش ہوکر ایک مظلوم پاکستانی شہری کے بارے میں یہ کہنا کہ ہم نے عافیہ کے لیے بہت کچھ کرلیا، اب کیس بند کردیں شقاوت قلبی کی زندہ مثال ہے، بہر حال اسلام آباد ہائی کورٹ میں گزشتہ جمعہ کے روز امریکا میں قید ڈاکٹر عافیہ صدیقی کی رہائی اور وطن واپسی سے متعلق کیس کی سماعت کے دوران عدالت نے ایڈیشنل اٹارنی جنرل سے چند سوالات کے جوابات طلب کر لیے۔ کیا حکومت ِ پاکستان امریکی عدالت میں عافیہ صدیقی کی رہائی سے متعلق عدالتی معاونت کا جواب جمع کروائے گی؟ کیا حکومت عافیہ صدیقی کی اپنی رہائی کے لیے دائر کردہ درخواست میں بطور معاون عدالتی بیان جمع کرانے کے لیے تیار ہے؟ تاکہ انہیں انسانی بنیادوں پر رہا کیا جا سکے؟
ڈاکٹر فوزیہ صدیقی کی جانب سے ایڈوکیٹ عمران شفیق عدالت میں پیش ہوئے، انہوں نے عدالت سے استدعا کی کہ حکومت کو ہدایت دی جائے کہ وہ امریکا میں عدالتی معاونت پر رضا مندی ظاہر کرے۔ حکومت پاکستان سے محض اتنا مطالبہ ہے کہ وہ عافیہ صدیقی کی درخواست کے مندرجات سے قطع نظر محض مختصر سی استدعا کرے کہ عافیہ صدیقی کو انسانی بنیادوں پر رہا کیا جائے۔ جسٹس سردار اعجاز اسحاق خان نے استفسار کیا کہ اس معمولی سی استدعا سے حکومت پاکستان کو آخر کیا نقصان ہو سکتا ہے؟۔ پاکستان کے اٹارنی جنرل منصور عثمان اعوان گزشتہ ایک پیشی پر اسی عدالت میں بیان دے چکے ہیں۔ اٹارنی جنرل پہلے کہہ چکے حکومت امریکا میں عدالتی معاونت کی درخواست دائر کرے گی تو پھر اب کیا مسئلہ ہے؟ یہ بڑا اہم سوال ہے، اگر حکومت کی جانب سے صرف ایک جملہ لکھ دیا جائے کہ ہمیں عافیہ کی انسانی ہمدردی کی بنیاد پر رہائی کی درخواست پر کوئی اعتراض نہیں اور ہم معاونت کریں گے تو پھر مشکل آسان ہو جائے گی، عدالت کے سوالات کو سامنے رکھیں اور غور کریں کہ جواب کیا آیا ہے یہ مثبت ہوگا یا منفی یا سرے سے جواب ہی نہیں آئے گا، ان تینوں صورتوں میں حکومت کی پوزیشن واضح ہوگی۔ ایک جملہ لکھ دیا تو سرخ رو اور انکار کیا تو سیاہ رو، اور خاموشی، (جو ناممکن ہے) تو منافقت عیاں ہوجائے گی۔ یہ بھی ذہن میں رہے کہ جو سرکاری اہلکار عدالت میں پیش ہوتے ہیں وہ سرکار کے ملازم ہوتے ہیں اپنی طرف سے کچھ نہیں کہتے، جو بتایا اور ہدایت نامہ دیا جاتا ہے وہی عدالت میں آکر بولتے ہیں، عدالت نے ہدایت کی ہے کہ اگلی سماعت پر حکومتی موقف سے آگاہ کریں اور عدالت کو دلیل سے مطمئن کریں کہ اس میں حکومت کا نقصان کیا ہے؟ جب میاں صاحب اپوزیشن میں تھے تو انہوں نے اس وقت کے وزیر اعظم کو خطوط لکھے کہ عافیہ کی رہائی کے لیے قانونی اقدامات کریں۔ عدالت نے استفسار کیا کہ حکومت ملنے کے بعد حالات میں ایسی کیا تبدیلی ہے کہ حکمران جماعت کا موقف بدل گیا؟ ایسی نظیریں موجود ہیں کہ حکومت پاکستان ماضی میں ایسے معاون عدالتی بیان داخل کر چکی ہے۔ جب پہلے معاون عدالتی بیان داخل ہوتے رہے ہیں تو اب کیا پیچیدگی ہے۔ کسی ملک کی بیٹی بائیس سال سے غیر ملک میں قید ہو، اس کا کوئی پرسان حال نہ ہو، اور جب گھر والے اور عوام اپنی بہن، بیٹی کے لیے کھڑے ہوں تو عدالتی پیشیاں، تاریخیں وقت گزاری، ٹالم ٹول اور دھونس دھمکیاں، بہت کچھ کرلیا کا طعنہ، صرف ایک جملہ لکھنے سے بچنے کے لیے کہ عافیہ کی انسانی ہمدردی کی بنیاد پر رہائی میں معاونت کریں گے۔
جسٹس اعجاز اسحاق کا یہ سوال بظاہر عام سوال ہے لیکن درحقیقت بہت گہرا ہے کہ حکومت کا کیا نقصان ہے، اور کیا پیچیدگی ہے۔ اس پر کسی غور کی ضرورت نہیں، حکومت کیسے بنتی ہے پارلیمان کی تشکیل کیسے ہوتی ہے، آئین اور عوام کے خلاف فیصلے کیسے اور کہاں سے ہوتے ہیں، یہ جاننے والوں کو فوراً سمجھ میں آجائے گا کہ ایسا جملہ جس سے عافیہ کی رہائی کا امکان ہو لکھنے میں کیا کیا نقصانات ہوسکتے ہیں، حکومت جاسکتی ہے، مقدمات کھل سکتے ہیں، عمران خان باہر اور یہ اندر ہوسکتے ہیں، اور مشکل تو یہ ہے کہ اتنے طاقتور حکمران کچھ بول بھی نہیں سکتے، گویا اظہار بھی مشکل ہے، چپ رہ بھی نہیں سکتے مجبور ہیں اف اللہ کچھ کہہ بھی نہیں سکتے۔ پھر سوچ لیں یہ چھوٹا سا جملہ کیوں پندرہ سال سے بھاری پڑ رہا ہے۔
ذریعہ: Jasarat News
کلیدی لفظ: عافیہ صدیقی کی ڈاکٹر عافیہ میں عافیہ عدالت میں ایک جملہ کی رہائی کہ حکومت عافیہ کی نہیں ا کے لیے کے بعد پر رہا
پڑھیں:
ہماری موثر سفارت کاری نے بھارت کو دنیا میں بے نقاب کر دیا، سینیٹر عرفان صدیقی
ہماری موثر سفارت کاری نے بھارت کو دنیا میں بے نقاب کر دیا، سینیٹر عرفان صدیقی WhatsAppFacebookTwitter 0 31 July, 2025 سب نیوز
اسلام آباد (سب نیوز)سینیٹ میں مسلم لیگ (ن)کے پارلیمانی پارٹی لیڈر اور قائمہ کمیٹی امور خارجہ کے چیئرمین سینیٹر عرفان صدیقی نے کہا ہے کہ ہماری موثر سفارت کاری نے بھارت کو دنیا میں بے نقاب کر دیا۔
یہ بات انہوں نے سیکرٹری وزارت خارجہ آمنہ بلوچ سے گفتگو کرتے ہوئے کہی جنہوں نے آج سینیٹر عرفان صدیقی کے دفتر میں ان سے ملاقات کی۔سیکریٹری خارجہ نے چیئرمین قائمہ کمیٹی سینیٹر عرفان صدیقی کو پاک بھارت جنگ کے تناظر میں عالمی سطح پر پاکستانی موقف کو اجاگر کرنے کی تفصیل سے آگاہ کیا۔سیکریٹری خارجہ نے سیاسی اور سفارتی سطح پر فلسطین کا مقدمہ پیش کرنے کیلئے نائب وزیراعظم اور وزیر خارجہ سینیٹر اسحاق ڈار کے حالیہ دوروں کی تفصیل سے بھی آگاہ کیا۔
انہوں نے غزہ کے متاثرہ عوام کیلئے خوراک اور دیگر سامان کی ترسیل کے حوالے سے بھی پاکستان کی کوششوں پر روشنی ڈالی۔سینیٹر عرفان صدیقی نے وزارت خارجہ کی کوششوں کو سراہتے ہوئے کہا کہ ہماری مثر اور کامیاب سفارت کاری نے بھارت کو بے نقاب کر دیا ہے، دنیا کے کسی ملک نے پہلگام کے بارے میں اس کے جھوٹے موقف کو تسلیم نہیں کیا۔سینیٹر عرفان صدیقی نے کہا کہ اس وقت غزہ کے عوام کو شدید غذائی قلت کا سامنا ہے۔ اس سلسلے میں حکومت پاکستان کے اقدامات عوامی امنگوں کی ترجمانی کرتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد کی ممتاز کاروباری شخصیات کے نمائندہ وفد کی گروپ لیڈر چکوال چیمبر قاضی محمد اکبر مرحوم کی قبر پرحاضری ، پھولوں کی چادر چڑھائی اسلام آباد کی ممتاز کاروباری شخصیات کے نمائندہ وفد کی گروپ لیڈر چکوال چیمبر قاضی محمد اکبر مرحوم کی قبر پرحاضری ، پھولوں کی... چیئرمین سی ڈی اے محمد علی رندھاوا سے سعودی سفیر کی ملاقات، باہمی دلچسپی کے امور پرتبادلہ خیال پی ٹی آئی نے 5اگست کو ایف9پارک میں جلسے کی اجازت مانگ لی ، ضلعی انتظامیہ کو درخواست احتجاج کیس ، علی امین گنڈاپور کا اشتہاری کا اسٹیٹس برقرار، اسلام آباد پولیس کو گرفتار کرنے کا حکم پنجاب حکومت کا اشیا کی قیمتوں پر قابو پانے کیلئے نئی وزارت تشکیل دینے کا فیصلہ کچھ لوگ سسٹم لپیٹنا چاہتے ہیں ، سزائوں کا فیصلہ چیلنج کریں گے ، بیرسٹر گوہرCopyright © 2025, All Rights Reserved
رابطہ کریں ہمارے بارے ہماری ٹیم
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی