حیدرآباد،گیس سلنڈر کی دکان میں دھماکا،بچہ جاں بحق
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد:حیدرآباد میں گیس سلنڈر کی دکان میں دھماکے سے ایک بچہ جاں بحق 3افراد زخمی ، زخمیوں کو تشویشناک حالت میں سول اسپتال منتقل کردیا گیا۔
بچے کے ورثاءکا ایس ایس پی آفس کے سامنے دھرنا،غیر قانونی دھندے میں ملوث ملزمان کی فوری گرفتاری کا مطالبہ۔
حیدرآ باد کے گنجان آباد علاقے ریلوے پھاٹک گجراتی پاڑہ کے قریب گیس سلنڈر کی دکان میں دھماکے سے دس سالہ بچہ عامر جاں بحق جبکہ تین افراد زخمی ہوگئے جنہیں تشویشناک حالت میں سول اسپتال منتقل کردیا گیا جہاں تین زخمیوں کی حالت خطرے سے باہر بتائی جاتی ہے۔
دھماکا ایل پی جی کی دکان میں بڑے سلنڈر چھوٹے سلنڈر میں گیس منتقلی کے دوران ہوا، دھماکے کی آواز دور دور تک سنائی دی، لوگ گھروں سے نکل آئے اور اپنی مدد آپ کے تحت زخمیوں کواسپتال منتقل کیا.
دھماکے سے علاقے میں خوف وہراس پھیل گیا، ہلاک ہونے والے بچے کے ورثاءنے نعش کے ساتھ ایس ایس پی آفس پر دھرنا دیا.
ان کا کہنا تھا کہ ڈپٹی کمشنر کے حکم کے باوجود پھلیلی پولیس کی سرپرستی میں غیر قانونی ایل پی جی فلنگ کا کاروباری جگہ جگہ جاری ہے جس کے باعث حادثہ ہوا۔
اس سے قبل بھی کئی حادثات ہوچکے لیکن پولیس نے اس غیر قانونی کاروبار کو اپنی کمائی کا دھندا بنا ہوا ہے جبکہ متعلقہ ادارے بھی مجرمانہ خاموشی اختیار کیے ہوئے ہیں ۔
انہوں نے فوری طور پر ان عناصر کے خلاف کاروائی کا مطالبہ کیا، دھرنے کے باعث شہر کی مرکزی شاہراہ بلاک ہوگئی، اس حوالے سے ایس ایس پی کا کہنا ہے کہ مذکورہ گودام کو سیل کردیا گیا، معاملے کی تحقیقات کررہے ہیں ،واضح رہے کہ گزشتہ رات حالی روڈ پر بھی گیس سلنڈر دھماکے سے ایک بچہ زخمی ہوا تھا
ذریعہ: Jasarat News
کلیدی لفظ: کی دکان میں گیس سلنڈر دھماکے سے
پڑھیں:
پشاور سی ٹی ڈی تھانے میں دھماکا، پاک افغان مذاکرات کے دوران دہشتگردی کا نیا واقعہ
افغانستان کے ساتھ حالیہ سیکیورٹی مذاکرات اور سرحدی رابطوں کے حساس مرحلے میں پشاور کے یونیورسٹی روڈ پر واقع کاؤنٹر ٹیررازم ڈیپارٹمنٹ (سی ٹی ڈی) کے تھانے میں دھماکا ہوا ہے۔
ابتدائی اطلاعات کے مطابق دھماکے سے عمارت کے ایک حصے کو نقصان پہنچا، تاہم فوری طور پر کسی جانی نقصان کی اطلاع نہیں ملی۔
پولیس کی کارروائی اور سیکیورٹی اقدامات
ایس ایس پی آپریشنز پشاور کے مطابق واقعے کے فوراً بعد علاقے کو گھیرے میں لے لیا گیا، بم ڈسپوزل اسکواڈ نے جائے وقوعہ کا معائنہ کیا، اور تھانے میں موجود تمام ملزمان کو حفاظتی اقدام کے طور پر سی ٹی ڈی ہیڈکوارٹرز منتقل کر دیا گیا۔
دہشتگردی کے تناظر میں واقعہ
یہ واقعہ ایسے وقت میں پیش آیا ہے جب پاکستان اور افغانستان کے درمیان دہشتگردی کے خاتمے اور سرحدی تعاون کے حوالے سے اعلیٰ سطح کے مذاکرات جاری ہیں۔
سیکیورٹی ماہرین کا کہنا ہے کہ ایسے حملے ممکنہ طور پر مذاکراتی عمل کو متاثر کرنے یا پاکستان میں عدم استحکام پیدا کرنے کی کوشش کا حصہ ہو سکتے ہیں۔
پولیس اور قانون نافذ کرنے والے اداروں نے دھماکے کی نوعیت جاننے کے لیے تحقیقات شروع کر دی ہیں، جبکہ ابتدائی شبہ داخلی تخریب کاری یا تخریبی مواد کے غیر ارادی دھماکے کی جانب کیا جا رہا ہے۔
مزید تفصیلات تفتیش مکمل ہونے کے بعد سامنے آئیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے