سکھر،پولیس کا ڈاکوؤں کیخلاف بڑا آپریشن ، متعدد کمین گاہیں نذر آتش
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) سکھر پولیس کا ڈاکوؤں کے خلاف بڑا آپریشن، متعدد کمین گاہیں نذر آتش، ضلع سکھر کے کچے کے علاقے باگڑجی میں پولیس کی بھاری نفری نے منظم اور بھرپور آپریشن کرتے ہوئے ڈاکوؤں کی متعدد کمین گاہوں کو نذر آتش کردیا۔ آپریشن میں جدید اسلحے، بکتر بند گاڑیوں اور خصوصی تربیت یافتہ اہلکاروں نے حصہ لیا۔تفصیلات کے مطابق پولیس اور ڈاکوؤں کے درمیان آپریشن کے دوران شدید فائرنگ کا تبادلہ ہوا، جس کے بعد پولیس نے متعدد ٹھکانے تباہ کر دیے اور علاقے کا کنٹرول حاصل کرلیا۔ پولیس حکام کے مطابق یہ ایک ٹارگیٹڈ آپریشن تھا، جس کا مقصد کچے کے علاقے کو جرائم پیشہ عناصر سے مکمل طور پر پاک کرنا ہے۔ایس ایس پی سکھر اظہر خان نے کہا کہ پولیس کے حوصلے بلند ہیں اور اہلکار ہر قسم کی صورت حال سے نمٹنے کے لیے مکمل طور پر مستعد ہیں۔ انہوں نے واضح کیا کہ ڈاکو جرائم کی دنیا سے کنارہ کشی اختیار کرتے ہوئے ہتھیار پھینک دیں، ریاست ان کی ہر ممکن قانونی مدد کرے گی، بصورت دیگر ان کے پاس کوئی راستہ نہیں بچے گا۔ایس ایس پی سکھر کا کہنا تھا کہ جب تک کچے کا علاقہ مکمل طور پر ڈاکوؤں سے پاک نہیں ہوجاتا، آپریشن جاری رہے گا۔ انہوں نے عوام سے بھی اپیل کی کہ وہ قانون نافذ کرنے والے اداروں سے تعاون کریں تاکہ دیرپا امن کو یقینی بنایا جاسکے۔پولیس حکام نے بتایا کہ جلد ہی علاقے میں مزید سرچ آپریشنز کیے جائیں گے تاکہ باقی بچ جانے والے جرائم پیشہ عناصر کو بھی قانون کے کٹہرے میں لایا جا سکے۔
.
ذریعہ: Jasarat News
کلیدی لفظ: ڈاکوو ں
پڑھیں:
میرپورماتھیلو،ڈی آئی جی سکھر کی زیرصدارت اجلاس
data-id="863a0a8" data-element_type="widget" data-widget_type="theme-post-content.default">
میرپورماتھیلو(نمائندہ جسارت) محرم الحرام کے ایام میں امن وامان کے سلسلے میں جامع حکمت عملی تشکیل دینے کی غرض سے کانفرنس ہال ڈی آئی جی آفس سکھر میں خصوصی اجلاس منعقد کیا گیا جس میں سکھر رینج کے تینوں اضلاع سکھر ،خیرپور و گھوٹکی سے شیعہ رہنماؤں ،سید رکھیل شاہ،سید مسرور شاہ ، بابر ابڑو ضلع سکھر سید ناصر شاہ، سید دربار علی شاہ ضلع خیرپور،مولوی اختر علی لونڈ،عبدالجبار حسینی،ارباب علی لونڈ ضلع گھوٹکی سمیت ضلع سکھر،خیرپور اور گھوٹکی کے ڈی آئی بی انچارجز اور پی ایس اشفاق لغاری نے شرکت کی۔محرم الحرام کے حوالے سے میٹنگ کا آغاز تلاوتِ کلامِ پاک سے کیا گیا ۔بعد ازاں محرم الحرام کے دوران منعقد ہونے والی مجالس اور جلوسوں کی سیکورٹی و دیگر مسائل پر تبادلہ خیال کیا گیا ۔ مجالس و جلوسوں کے مجموعی سیکورٹی انتظامات سمیت ممکنہ درپیش مسائل سے نمٹنے کیلئے تفصیلی گفتگو کی گئی،اس ضمن میں تمام شرکاسے فرداً فرداً مسائل دریافت کیے اور محرم الحرام کے دوران سابقہ تجربات کی روشنی میں نشاندھی کردہ کم و بیشی و مزید بہتری کی تجاویز کو زیرِ غور لاتے ہوئے ان پر عمل درآمد کو یقینی بنائے جانے کا یقین دلایا۔ڈی آئی جی سکھر نے تمام شرکاکو سیکورٹی کے حوالے سے فول پروف اقدامات کرنے اور ہر ممکن تعاون کی یقین دہانی کراتے ہوئے کہا کہ محرم الحرام کے دوران امن وامان بحال رکھنا اہم ترجیح ہے اس حوالے سے فول پروف سیکورٹی پلان کو حتمی شکل دی جا رہی ہے،تمام امام بارگاہوں پر سینئر پولیس افسران کی زیرِ نگرانی سیکورٹی کے بہترین انتظامات یقینی بنائے جائیں گے، عزاداری کے جلوسوں کی تمام گزگاہوں کو محفوظ بنانے کیلئے روٹس کی سویپنگ اور سرچنگ کے خصوصی اقدامات کیے جائیں گے، مزید برآں عزاداری تنظیموں کی طرف سے مقرر کردہ مرد اسکاؤٹس و رضا کار لیڈیز کی بھی سینئر پولیس افسران کی زیر نگرانی میں محرم الحرام کے حوالے سے جلوسوں و مجالس کی سیکورٹی کے حوالے سے خصوصی ٹریننگ کا بھی بندوبست کیا جا رہا ہے،خواتین کی مجالس پر لیڈیز پولیس اہلکاروں کی تعیناتی سمیت رضا کار خواتین کو بھی مقرر کرنا پلان کا حصہ ہے،کسی بھی ایمرجنسی کی صورت میں فوری ردعمل دینے کیلئے ریپڈ رسپانس فورس کے کثیر تعداد میں خصوصی دستے موجود رہیں گے۔
ایران کے کیمیکل پلانٹ میں آتشزدگی، 3 افراد جاں بحق