حیدرآباد،سابق اساتذہ کی وزیراعلیٰ ہائوس کے گھیرائو کی دھمکی
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) گورنمنٹ ریٹائرڈ ٹیچرز ایسوسی ایشن (گرٹا) نے مطالبات کی عدم منظوری کے خلاف وزیر اعلی کے گھر کا گھیراؤ کرنے کی وارننگ دے دی گورنمنٹ ریٹائرڈ ٹیچرز ایسوسی ایشن (گرٹا)حیدرآباد کی جانب سے مطالبات کی منظوری کے لیے نیول رائے ہائی اسکول میں احتجاجی مظاہرہ کیا گیا۔ مظاہرے سے قبل گرٹا کا اجلاس ایسوسی ایشن کے مرکزی صدر ضمیر خان کی صدارت میں ہوا، جس میں مبارک عباسی، محمد حنیف، نگہت عباسی، اعجاز مصطفی اور دیگر نے شرکت کی۔اس موقع پر رہنمائوں نے کہا کہ یہ انتہائی افسوسناک بات ہے کہ مہنگائی کے اس دور میں ریٹائرڈ اساتذہ کی پنشن میں 100فیصد اضافے کے بجائے صرف 8فیصد معمولی اضافہ کیا گیا ہے، جبکہ ریٹائرڈ ملازمین گروپ انشورنس اور بینیوولنٹ فنڈ سے بھی محروم ہیں۔انہوں نے کہا کہ دیگر صوبوں میں گروپ انشورنس کی ادائیگی کی جا رہی ہے لیکن سندھ کے ریٹائرڈ ملازمین اس حق سے محروم ہیں۔ رہنمائوں نے کہا کہ گروپ انشورنس اور بینیوولنٹ فنڈ کے لیے ملازمین کی تنخواہوں سے باقاعدگی سے کٹوتی کی جاتی ہے، اس کے باوجود ریٹائرڈ ملازمین کو ان رقوم سے محروم رکھ کر ان کا حق چھینا جارہا ہے۔انہوں نے مطالبہ کرتے ہوئے خبردار کیا کہ اگر رواں ماہ کے آخر تک مطالبات تسلیم نہ کیے گئے تو جلد وزیر اعلی سندھ سید مراد علی شاہ کے کراچی میں واقع گھر کے سامنے دھرنا دیا جائے گا، جو مطالبات کی منظوری تک جاری رہے گا۔
.ذریعہ: Jasarat News
پڑھیں:
سرکاری ملازمین کی تنخواہوں اور پنشن میں اضافہ،ادائیگی آج سے شروع
اسلام آباد(نیوز ڈیسک) سرکاری ملازمین کی تنخواہوں اور پنشن میں اضافہ کر دیا گیا ہے، جس کی باقاعدہ ادائیگی آج سے شروع ہوگی۔ تفصیلات کے مطابق صوبائی اور وفاقی حکومتوں کی جانب سے سرکاری ملازمین اور ریٹائرڈ افسروں کو دی جانے والی مراعات اور تنخواہوں میں اضافے کی ادائیگی آج سے شروع ہو رہی ہے۔ نئے مالی سال کے بجٹ میں سرکاری ملازمین کی بنیادی تنخواہوں میں 10 فیصد اضافہ کیا گیا تھا جبکہ صوبائی حکومت نے 15 فیصد ڈی آر اے اور وفاقی حکومت نے 30 فیصد ڈی آر اے کی منظوری دے دی تھی۔
اس سلسلے میں اداروں نے ملازمین کو جاری کئے گئے پے رولز کے مطابق تنخواہوں میں 4 ہزار روپے سے لے کر 1 لاکھ روپے تک اضافہ ہوا ہے، اس کے علاوہ انکم ٹیکس میں بھی کچھ رعایت دی گئی ہے، جس سے ملازمین کی خالص آمدنی میں بھی بہتری آئے گی۔
ذرائع نے بتایا ہے کہ اس صورتحال میں صرف موجودہ ملازمین ہی نہیں بلکہ ریٹائرڈ افسروں کو بھی اضافہ شدہ پنشن کی ادائیگی کل سے شروع ہو جائیگی، محکمہ خزانہ نے تمام متعلقہ اداروں کو ہدایات جاری کر دی ہیں، کہ وہ نئی تنخواہیں اور مراعات فوری طور پر جاری کریں جبکہ بینکوں کو بھی ہدایت کی گئی ہے کہ وہ ملازمین کے اکاؤنٹس میں رقم کی بروقت ترسیل کو یقینی بنائیں۔
یاد رہے کہ سرکاری ملازمین کی تنخواہوں اور پنشن میں اضافہ کر دیا گیا ہے، جس کی باقاعدہ ادائیگی کل سے شروع ہوگی، موجودہ ملازمین کی تنخواہوں کی ادائیگی سمیت ریٹائرڈ افسروں کو بھی اضافہ شدہ پنشن کی ادائیگی کل سے شروع ہو جائیگی.
حکومت کو پی ٹی آئی کی احتجاجی تحریک کا کوئی خوف نہیں،سینیٹر عرفان صدیقی