کے الیکٹرک کا 3 ارب روپے مالیت کے سکوک
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)کے-الیکٹرک لمیٹڈ، سکوک بانڈز عوامی پیشکش کے ذریعے جاری کرنے کا منصوبہ رکھتی ہے۔کے الیکٹرک نے یہ اطلاع پاکستان اسٹاک ایکسچینج کو اپنے درجہ بند، غیر ضمانتی، قلیل مدتی سکوک سرٹیفکیٹس کی لسٹنگ کے لیے درخواست جمع کراتے ہوئے دی۔اجراء کا کل حجم 3,000 ملین روپے ہے جس میں سے 1,000 ملین روپے پری آئی پی او سرمایہ کاروں کو جاری کیے جاچکے ہیں جب کہ باقی 2,000 ملین روپے، جس میں 1,000 ملین روپے کا گرین شو آپشن بھی شامل ہے، عوامی پیشکش کے ذریعے عام سرمایہ کاروں کے لیے جاری کیے جارہے ہیں۔سکوک سرٹیفکیٹس 10,000 روپے یا اس کے مضاعف کی مالیت میں پیش کیے جائیں گے جب کہ کم از کم سرمایہ کاری کی حد 50,000 روپے مقرر کی گئی ہے، یعنی کم از کم 5 سکوک سرٹیفکیٹس کی خریداری ضروری ہوگی۔کے-الیکٹرک بنیادی طور پر بجلی کی پیداوار، ترسیل اور تقسیم کے کام سے وابستہ ہے اور یہ امور بجلی سے متعلق 1910 کے ایکٹ اور 1997 کے ’’بجلی کی پیداوار، ترسیل اور تقسیم کے ضوابط‘‘ کے ایکٹ (XL of 1997) نیز نیپرا کے تحت انجام دیے جاتے ہیں۔کے-الیکٹرک نے بتایا کہ سکوک اجرا سے حاصل ہونے والی رقم کا بنیادی مقصد کمپنی کی معمول کی ورکنگ کیپیٹل ضروریات کو پورا کرنا ہے جو عموماً ادائیگیوں اور متوقع وصولیوں کے وقت میں فرق کی وجہ سے پیدا ہوتی ہیں۔پراسپیکٹس میں کہا گیا کہ ورکنگ کیپٹل کی ضروریات میں ایندھن کی ادائیگیاں اور بجلی کی خریداری شامل ہیں، جنہیں اس مالیاتی انسٹرومنٹ سے حاصل ہونے والی رقم سے جزوی طور پر پورا کیا جائے گا۔کمپنی نے بتایا ہے کہ اس نے مالی سال 2024 سے 2030 کے دوران دو ارب ڈالر کے نیٹ ورک سرمایہ کاری منصوبے کی تیاری کی ہے، جس کا مقصد گرڈ انفرااسٹرکچر کی توسیع، تکنیکی نقصانات میں کمی اور قابلِ تجدید توانائی کا حصہ 30 فیصد تک بڑھانا ہے۔
.
ذریعہ
ذریعہ: Jasarat News
کلیدی لفظ: 000 ملین روپے کے الیکٹرک
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
بھارت سے جنگ اور افغانستان میں کارروائی خارج ازامکان نہیں، وزیردفاع