کراچی: راشد منہاس روڈ پر تیز رفتار ڈمپر کار پر الٹ گیا، ماں بیٹی جاں بحق، بچی شدید زخمی
اشاعت کی تاریخ: 19th, June 2025 GMT
کراچی:راشد منہاس روڈ پر تیز رفتار ریتی بجری سے بھرا ڈمپر ڈبل کیبن پر الٹ گیا، خاتون اور بچی جاں بحق جبکہ ایک خاتون اور ڈبل کیبن کا ڈرائیور زخمی ہوگئے، حادثے کے بعد ڈمپر کی ہمیشہ کی طرح فرار ہونے میں کامیاب ہوگیا۔
شارع فیصل تھانے کی حدود راشد منہاس روڈ سی او ڈی کے قریب ریتی بجری سے بھرا تیز رفتار ڈمپر ڈرائیور سے بے قابو ہو کر فٹ پاتھ پر چڑھ کر برابر سے گزرنے والی ڈبل کیبن پر جا گرا، ڈبل کیبن نمبر KT-9478 گاڑی ڈمپر اور ریتی کے نیچے دب گئی جس کے نتیجے میں ڈبل کیبن گاڑی میں سوار دو خواتین، ایک بچی اور ڈرائیور دب گئے۔
حادثے کی اطلاع ملنے پر ڈسٹرکٹ پولیس، ٹریفک پولیس، رینجرز، چھیپا، ایدھی اور ریسکیو 1122 کے رضا کار موقع پر پہنچ گئے اور امدادی کام شروع کر دیا، حادثے کے باعث ملینیئم مال سے شارع فیصل کی طرف جانے والا روڈ ٹریفک کے لیے بند ہوگیا جبکہ دوسری جانب کی سڑک پر بھی بدترین ٹریفک جام ہوگیا۔
چھیپا کے رضا کاروں نے سب پہلے گاڑی کے ڈرائیور کو باہر نکالا جو معمولی زخمی تھا بعدازاں ایک خاتون کو شدید زخمی حالت میں نکلا کر جناح اسپتال منتقل کیا جہاں سے ابتدائی طبی امداد کے بعد اسٹیڈیم روڈ پر واقعے نجی اسپتال منتقل کر دیا جبکہ حادثے کے تین گھنٹے سے زائد دیر کے بعد کرین اور لفٹر کی مدد سے ڈمپر اور ریتی سے دبی ہوئی ڈبل کیبن کو باہر نکال کر اس میں سے ایک خاتون اور ایک بچی کی لاش نکال کر ایدھی ایمبولینسوں کے ذریعے جناح اسپتال منتقل کی۔
اس دوران متاثرہ فیملی کے رشتے داروں نے مختلف ٹی وی چینلز کے کیمرہ مینوں اور موبائل فون سے ویڈیو بانے والوں سے بدتمیزی کی جبکہ ایک شہری کو مار مار کر لہو لہان بھی کر دیا۔
حادثے میں جاں بحق ہونے والی خاتون کی شناخت 55 سالہ شاہینہ نعیم جبکہ جاں بحق ہونے والی بچی کی شناخت 7 سالہ عائشہ دختر خرم کے نام پر کی گئی۔ حادثے میں شدید زخمی ہونے والی خاتون کی شناخت 30 سالہ انعم کے نام سے کی گئی، جاں بحق و زخمی ہونے والوں کا تعلق ایک ہی خاندان سے بتایا جاتا ہے، متاثرہ فیملی اسکیم 33 سپرہائی وے روک کوآپریٹو ہاؤسنگ سوسائٹی کی رہائشی ہے۔
چھیپا فاؤنڈیشن کے ترجمان چوہدری شاہد نے بتایا کہ بدھ اور جمعرات کی درمیانی شب تقریباً سوا تین بجے حادثہ پیش آیا تھا، عینی شاہدین نے چھیپا کے رضاکاروں کو بتایا کہ فرار ہونے والا ڈمپر ڈرائیور نشے میں لگتا تھا۔
پولیس کا کہنا ہے کہ حادثے کا ذمے دار ڈمپر کا ڈرائیو فرار ہوگیا جس کی تلاش جاری ہے، ٹریفک پولیس نے جاں بحق ہونے والی خاتون اور بچی کی لاشیں نکلنے کے دو گھنٹے سے زائد تاخیر کے بعد جائے حادثہ سے ریتی اور حادثے کے ذمے دار ڈمپر کو تھانے منتقل کیا جبکہ ڈبل کیبن کو بھی تھانے لے جایا گیا۔
واضح رہے کمشنر کراچی کی جانب سے ڈسٹرکٹ ملیر میں ریتی بجری نکالنے پر پابندی اور ڈسٹرکٹ ملیر کے جن مقامات سے ریتی بجری نکالی جاتی ہے ان مقامات پر دفعہ 144 نافذ کی ہوئی ہے جس کا ایس ایچ او گڈاپ سٹی انسپکٹر سرفراز نے بتایا تھا، پابندی کے باجود رات کے اوقات میں ڈسٹرکٹ ملیر کے تھانہ گڈاپ سٹی، میمن گوٹھ، ابراہیم حیدری، ملیر سٹی اور سکھن کے علاقوں سے مبینہ طور پر ریتی بجری نکال کر شہر بھر میں سپلائی کا کام مسلسل جاری ہے۔
مذکورہ حادثہ بھی ریتی بجری کے بھرے ڈمپر کے ڈرائیور کی غفلت و لاپروائی کے باعث پیش آیا، ڈرائیور تیز رفتاری سے ڈبل کیبن کو بائیں جانب سے اوور ٹیک کر رہا تھا کہ ڈرائیور سے بے قابو ہو کر اگلا وہیل فٹ پاتھ پر چڑھ گیا جس کے باعث ڈمپر برابر سے گزرنے والی ڈبل کیبن پر جا گرا، ڈمپر کے الٹنے کے باوجود ڈرائیور موقع سے فرار ہونے میں کامیاب ہوگیا۔
Post Views: 4.ذریعہ: Daily Mumtaz
کلیدی لفظ: ریتی بجری ہونے والی خاتون اور حادثے کے ڈبل کیبن کے بعد
پڑھیں:
اسلام آباد ایکسپریس حادثے میں 30 مسافر زخمی، ذمہ دار کون؟
اسلام آباد ایکسپریس حادثے میں 30 مسافر زخمی، ذمہ دار کون؟ WhatsAppFacebookTwitter 0 2 August, 2025 سب نیوز
لاہور سے راولپنڈی جانے والی اسلام آباد ایکسپریس کو گزشتہ رات کالا شاہ کاکو کے قریب خوفناک حادثہ پیش آیا، جس میں ٹرین کی سات بوگیاں پٹڑی سے اتر گئیں اور 30 سے زائد مسافر زخمی ہوئے۔ ابتدائی اطلاعات کے مطابق حادثے میں کوئی جانی نقصان نہیں ہوا، جبکہ تفتیشی رپورٹ میں ڈرائیور کو قصوروار قرار دیا گیا ہے۔
ذرائع کے مطابق حادثے کی ابتدائی انکوائری رپورٹ تیار کر لی گئی ہے جس میں ٹرین کے ڈرائیور کو قصوروار قرار دیا گیا ہے۔ رپورٹ کے مطابق ڈرائیور نے مقررہ رفتار کو نظر انداز کیا جبکہ ٹرین روانگی سے قبل ایک بوگی کی الائنمنٹ میں خرابی کی اطلاع دی گئی تھی جسے نظر انداز کیا گیا۔
ریلوے حکام کے مطابق حادثے میں مجموعی طور پر نو بوگیاں متاثر ہوئیں جبکہ ٹرین کا انجن محفوظ رہا۔ ڈی ایس ریلوے کے مطابق جائے حادثہ پر 800 میٹر ٹریک متاثر ہوا ہے اور ہیوی مشینری کی مدد سے عارضی ٹریک بچھانے کا کام جاری ہے تاکہ ٹرینوں کی آمدورفت جلد بحال کی جا سکے۔ ان کا کہنا تھا کہ ٹریک کی مکمل بحالی میں مزید پانچ گھنٹے لگ سکتے ہیں۔
ریلوے حکام نے حادثے کی تحقیقات کے لیے ایک ہائی لیول کمیٹی تشکیل دے دی ہے۔ ابتدائی طور پر شبہ ظاہر کیا جا رہا ہے کہ ٹریک میں کریک آنے کی وجہ سے بھی یہ حادثہ پیش آیا۔
حادثے کے بعد وفاقی وزیر برائے ریلوے نے حادثے کا سختی سے نوٹس لیتے ہوئے سی ای او ریلوے اور ڈی ایس ریلوے کو فوری جائے وقوعہ پر پہنچنے کی ہدایت کی۔ وزیر ریلوے نے ریلوے عملے کو امدادی کارروائیاں تیز کرنے، طبی ٹیموں کو فوری روانہ کرنے اور حادثے کی مکمل انکوائری رپورٹ سات روز میں پیش کرنے کا حکم دیا ہے۔
وزیراعظم شہباز شریف نے ٹرین حادثے پر اظہار افسوس کرتے ہوئے زخمیوں کی جلد صحت یابی کے لیے دعا کی اور متعلقہ حکام کو مکمل تعاون فراہم کرنے کی ہدایت کی ہے۔
حادثے کے باعث ریلوے ٹریک پر ٹرینوں کی آمدورفت معطل ہے اور مسافروں کو شدید مشکلات کا سامنا ہے۔ حکام کا کہنا ہے کہ ریلوے سروس جلد بحال کر دی جائے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرراولپنڈی: عمران خان کیخلاف توشہ خانہ ٹو کیس کی سماعت آج اڈیالہ جیل ہوگی راولپنڈی: عمران خان کیخلاف توشہ خانہ ٹو کیس کی سماعت آج اڈیالہ جیل ہوگی پاکستان کو ریکوڈک منصوبے کےلئے 5 ارب ڈالر کی غیر ملکی سرمایہ کاری کی پیشکش سکیورٹی خدشات، اسرائیل کا یو اے ای سے سفارتی عملہ واپس بلانے کا فیصلہ کراچی: وکیل خواجہ شمس الاسلام کے قتل کا مقدمہ درج، تحقیقات کیلئے 6 رکنی کمیٹی قائم ایرانی صدر دو روزہ سرکاری دورے پرآج پاکستان آئیں گے ایف آئی اے میں خود احتسابی کا نیا نظام متعارفCopyright © 2025, All Rights Reserved
رابطہ کریں ہمارے بارے ہماری ٹیم
حکومت چلانے کیلئے آپ کے مشوروں کی ضرورت نہیں، گورنر پنجاب کے خط پر عظمی بخاری کا ردعمل