بھارتی فلم اسٹار کے گھر چوری کی واردات، چور اپنا نکلا؟
اشاعت کی تاریخ: 19th, June 2025 GMT
جرائم سے کون ہی شخص اس دنیا میں بچ سکتا ہے اور جب بات ہو کسی امیر انسان کی تو اس کو چوری اور ڈکیتی جیسے جرائم کا اکثر سامنا کرنا ہی پڑتا ہے کیونکہ صرف چور اور ڈکیتوں کی کیا بلکہ اس کے ارد گرد موجود لوگوں کی بھی اس کی مال و دولت پر نظر ہوتی ہے۔
بھارت میں بھی ایک فلم سٹار ایسی ہی ایک واردات کا شکار ہوئے ہیں جن کو لوٹنے والا کوئی اور نہیں بلکہ ان کے ساتھ ساتھ رہنے والا ہی شخص تھا۔
چور کے ہاتھوں اپنی دولت کھونے والے کوئی اور نہیں بلکہ بھارتی فلم سٹار تنوج وروانی ہیں جنہوں نے اس واقعے کے بارے میں لب کشائی بھی کی ہے۔
تنوج وروانی نے 2013 میں فلم ‘لَو یو سونیو’ سے بالی وڈ کی دنیا میں قدم رکھا جس کے بعد 2014 میں ‘پرانی جینز’ سے اپنی پہچان بنائی لیکن 2017 ویب سیریز ‘انسائیڈ ایج’ سے انکا خاص پہچان ملی۔
تنوج وروانی نے زندگی میں پیش آنے والا ایک ایسا واقعہ بتایا جس نے انکو گہرا صدمہ پہنچایا اور انہیں آج بھی اس کے بارے میں سوچ کر دھوکا ملنے کی تکلیف ہوتی ہے۔
انہوں نے بتایا کہ ان کے گھر چوری کرنے والا شخص انکا اسپاٹ بوائے تھا جو ان کے ساتھ ‘انسائیڈ ایج’ کے دنوں سے کام کر رہا تھا، وہ عموماً انکے ساتھ ہی رہتا تھا اور کھانا پینا بھی ساتھ ہی کرتا تھا۔’
تنوج وروانی نے انکشاف کیا کہ ‘انہیں اس واقعے سے زیادہ دکھ اس لیے پہنچا کیوں کہ اس شخص کو برابری کا درجہ دیا تھا اور اپنے خاندان کے لوگوں جیسا ہی سمجھتا تھا لیکن اس نے دھوکا دے دیا۔’
تنوج نے بتایا کہ چوری کا سلسلہ جیکٹس اور والد کی قیمتی گھڑیوں سے شروع ہوا لیکن پھر چوری کا اندازہ اس دن ہوا جب وہ برطانیہ سے واپس لوٹے اور دیکھا کے کچھ پیسے غائب ہیں۔’
انہوں نے کہا کہ ‘میرا تعلق اس فیملی سے ہے جہاں چیزوں کو تالوں میں بند نہیں کیا جاتا کیونکہ سب کا ایک دوسرے پر اعتماد ہے، اس چوری کی وجہ اسپاٹ بوائے کا شراب نوشی کا عادی ہونا تھا’۔
تنوج نے مزید بتایا کہ ‘ یہ صرف مالی نقصان نہیں بلکہ بھروسہ ٹوٹنا بھی تھا جس نے میرے گھر کا سکون چھین لیا، میرے گھر میں میری ماں، بیٹی اور اہلیہ رہتی ہیں، نشے کے عادی شخص کو انکے آس پاس بھی آنے نہیں دے سکتا، میں اکلوتا بیٹا ہوں اس لیے میں لوگوں سے جلد قریبی تعلقات بنا لیتا ہوں، اس کو دل سے محبت دی تھی اس لیے مجھے غصے سے زیادہ غم ہے۔’
تنوج نے یہ بھی بتایا کہ ‘وہ کام پر تھے جب والد نے پولیس سے رابطہ کیا، اسپاٹ بوائے کے بیگ سے غیر ملکی کرنسی، پرفیومز اور دیگر چوری شدہ اشیاء برآمد ہوئیں لیکن قیمتی گھڑیاں اب تک نہیں مل سکیں، اسپاٹ بوائے نے اعتراف جرم کر لیا اور پولیس کی تحویل میں ہے۔’
انہوں نے حفاظتی اقدام کے حوالے سے بتایا کہ ‘وہ اب تک پرائیوٹ سکیورٹی رکھنے کا فیصلہ نہیں کرسکے ہیں کیونکہ وہ مڈل کلاس فیملی سے تعلق رکھتے ہیں اور انکے اقدار بھی مڈل کلاس فیملیز والے ہی ہیں، انہوں نے یہ فیصلہ کیا ہے کہ اب اسٹاف رکھتے ہوئے احتیاط کریں گے۔’
Post Views: 6.
ذریعہ
ذریعہ: Daily Mumtaz
کلیدی لفظ: تنوج وروانی انہوں نے بتایا کہ
پڑھیں:
بھارتی سرپرستی میں ملک دشمن پروپیگنڈا، کالعدم بی ایل اے سے منسلک ملک دشمن شاعرہ حبیبہ پیرجان کی گرفتاری کے لیے 10 لاکھ روپے انعام کا اعلان
سیکیورٹی اداروں نے کالعدم بلوچ لبریشن آرمی (بی ایل اے) سے منسلک ملک دشمن شاعرہ حبیبہ پیرجان کی گرفتاری کے لیے معلومات فراہم کرنے والے شخص کے لیے 10 لاکھ روپے انعام کا اعلان کیا ہے، جبکہ ان کی تلاش کے لیے مختلف علاقوں میں کارروائیاں جاری ہیں۔
سیکیورٹی ذرائع کے مطابق کارروائی کے دوران حبیبہ پیرجان کی رہائش گاہ سے ڈائریاں، کالعدم بی ایل اے کے ہلاک دہشتگردوں سے متعلق ریکارڈ، ریاست مخالف مواد اور بھارتی فنڈنگ کے شواہد برآمد ہوئے۔ تحقیقات سے حبیبہ پیرجان کے کالعدم بی ایل اے کے اہم کمانڈروں، خصوصاً رستم پیرجان، کے ساتھ روابط سامنے آئے۔
مزید پڑھیں: آسٹریلیا کی جانب سے بی ایل اے اور 3 سینیئر رہنماؤں پر دہشتگردی کے الزامات کے تحت پابندیاں عائد
سیکیورٹی حکام کا کہنا ہے کہ ان کی پروپیگنڈا شاعری اور زہریلی سوشل میڈیا سرگرمیاں معصوم نوجوانوں میں ریاست مخالف بیانیے اور باغیانہ سوچ کو فروغ دینے کے لیے استعمال کی جاتی رہی ہیں۔
حبیبہ پیرجان، زوجہ حنیف ضلع کیچ کے علاقے دشت کی رہائشی ہیں۔ انہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا تھا، تاہم علاقے کا محاصرہ مکمل ہونے سے قبل وہ فرار ہونے میں کامیاب ہوگئیں۔
کارروائی کے دوران ان کی رہائش گاہ کی تلاشی لی گئی جہاں سے ڈائریاں، کالعدم بی ایل اے کے ہلاک شدہ عسکریت پسندوں سے متعلق تحریری ریکارڈ اور دیگر مواد برآمد ہوا۔ سیکیورٹی ذرائع کا دعویٰ ہے کہ برآمد شدہ مواد میں بھارتی مالی معاونت اور ریاست مخالف سرگرمیوں سے متعلق بعض اہم شواہد بھی شامل ہیں جن کا مزید تجزیہ کیا جا رہا ہے۔
ذرائع کا کہنا ہے کہ ابتدائی تحقیقات اور انٹیلیجنس معلومات سے حبیبہ پیرجان کے کالعدم بی ایل اے کے متعدد اہم کمانڈروں، بالخصوص رستم پیرجان، کے ساتھ مبینہ قریبی روابط کی نشاندہی ہوئی ہے۔ انہوں نے ضلع کیچ کے دشت کے پہاڑی علاقوں میں رستم پیرجان سے کم از کم 2 ملاقاتیں کیں، جن میں ایک ملاقات رواں سال 14 فروری کو ہونے کا دعویٰ کیا گیا۔
سیکیورٹی ذرائع کے مطابق دستیاب ریکارڈ سے یہ بھی معلوم ہوا ہے کہ وہ اسلحہ اور دیگر سامان کی ترسیل میں سہولت کاری، بلوچ یکجہتی کمیٹی (بی وائی سی) سے وابستہ متعدد شخصیات سے روابط اور سوشل میڈیا پر بی ایل اے سے منسلک پلیٹ فارمز کے ذریعے ریاست مخالف مواد کی تشہیر میں سرگرم کردار ادا کرتی رہی ہیں۔
ذرائع کے مطابق حبیبہ پیرجان کی شاعری اور تحریروں کا بھی جائزہ لیا جا رہا ہے۔ سیکیورٹی حکام کا کہنا ہے کہ دستیاب مواد میں ایسی نظمیں اور اشعار شامل ہیں جن میں مسلح عناصر کی تعریف، ریاستی اداروں کے خلاف بیانیے کی ترویج اور نوجوانوں کو باغیانہ سوچ کی جانب راغب کرنے کے عناصر پائے جاتے ہیں۔
ان کی اکثر نظموں میں مسلح گروہوں اور شدت پسندوں کو خراجِ تحسین پیش کیا گیا ہے، جبکہ بعض تحریروں میں نوجوانوں کو انتخابی عمل سے دور رہنے، ریاستی اداروں کے خلاف نفرت پیدا کرنے اور مسلح جدوجہد کی حمایت پر آمادہ کرنے کی کوشش کی گئی ہے۔ کالعدم بی ایل اے کے ایک گروپ کے اشتہاری سربراہ حربیار مری کی تحسین میں بھی ایک نظم لکھی گئی ہے، جس کا اردو ترجمہ اور عکس بھی موجود ہے:
حربیار مری کے نام
ٹوٹا ہوا وطن کا آواز ہے حربیار
کالی رات کا خوف ہے حربیار
پہاڑوں میں کھڑا ہوا ہے اپنی بات کہ اوپر
ایک آگ کی طرح ہے حربیار
اسکو خبر ہے اس راستہ کا
آجاؤ ہمسفر ہماری آواز ہے حربیار
حبیبہ سو دفعہ سوچ چکی ہے
ہر بلوچ کا درد وار ہے حربیار
حکام کے مطابق ایسے مواد کو شدت پسندی اور دہشتگردی کے لیے ہمدردی پیدا کرنے کی کوشش کے طور پر دیکھا جا رہا ہے۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
سیکیورٹی اداروں کا کہنا ہے کہ حبیبہ پیرجان کے خلاف دستیاب شواہد اور برآمد شدہ مواد کا فرانزک و قانونی جائزہ جاری ہے، جبکہ ان کی گرفتاری کے لیے مختلف علاقوں میں کارروائیاں تیز کر دی گئی ہیں۔ حکام کے مطابق مطلوب خاتون کے بارے میں مصدقہ معلومات فراہم کرنے والے شخص کے لیے 10 لاکھ روپے انعام مقرر کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
10 لاکھ روپے انعام انٹیلیجنس معلومات بلوچ یکجہتی کمیٹی پروپیگنڈا شاعری حبیبہ پیرجان رستم پیرجان سیکیورٹی ادارے عسکریت پسند کالعدم بلوچ لبریشن آرمی کالعدم بی ایل اے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ