عوام کی خدمت کا حقیقی کام شہباز اور نواز شریف کے ادوار میں ہی ہوا، وزیراعلیٰ پنجاب
اشاعت کی تاریخ: 19th, June 2025 GMT
لاہور:
وزیراعلیٰ پنجاب مریم نواز شریف کا کہنا ہے کہ بڑے دعوے ہوئے مگر ہیلتھ میں عوام کی خدمت کا حقیقی کام شہباز شریف اور نواز شریف کے دور حکومت میں ہوا۔
کلینک آن ویل فیز ٹو لانچنگ تقریب سے خطاب کرتے ہوئے وزیراعلیٰ نے کہا کہ ہر غریب کا گھر کی دہلیز پر مفت اور فوری علاج میرا خواب تھا، اپنی طاقت اور اختیار کو ہمیشہ عوام کی فلاح و بہبود کے لیے استعمال کیا ہے۔ شہباز شریف صاحب کے جانے کے بعد چار سال پنجاب کے عوام رل گئے، کینسر کے مریضوں کو مفت ادویات نہ ملنے پر سڑکوں پر آنا پڑا۔
انہوں نے کہا کہ اللہ تعالیٰ کا شکر ہے کہ نہ صرف کینسر بلکہ ہیپاٹائٹس، امراض کلب، میڈیسن اور انسولین کی دو، دو ماہ کے لیے ڈوز گھروں کو پہنچا رہے ہیں۔ لوگوں کو کام چھوڑ کر، نوکری سے چھٹی لے کر علاج اور ادویات کے لیے لائنوں میں لگنا پڑتا تھا۔
مریم نواز نے کہا کہ 911 کلینک آن ویل آج پورے پنجاب میں پھیل جائیں گے۔ یہ حقیقی انقلاب ہے، عوام کو صحت کی بہترین سہولتوں تک رسائی کا انقلاب ہے۔ ادویات لیکر لوگوں کے گھروں تک پہنچ رہے ہیں۔ کلینک آن ویل فیز ٹو کے بروقت آغاز پر صوبائی وزیر خواجہ عمران نذیر، سیکریٹری صحت نادیہ ثاقب اور پوری ٹیم کو مبارکباد دیتی ہوں۔
انہوں نے کہا کہ چند ماہ پہلے 245 گاڑیوں سے شروع ہونے والے کلینک آن ویل پراجیکٹ کا شاندار عوامی فیڈ بیک آرہا ہے۔ کلینک آن ویل پر ڈاکٹر، ایل ایچ وی اور عملہ دیہات میں پہنچ کر فیلڈ اسپتال کی صورت میں کام کر رہے ہیں۔ کلینک آن ویل پر زچہ بچہ کا علاج اور چھوٹے میڈیکل پروسیجر کی سہولت بھی موجود ہے۔ کلینک آن ویل کے پہلے فیز میں گاڑی میں اے سی نہ ہونے پر دوسرے مرحلے کے لیے شاندار اے سی گاڑیاں خریدیں ہیں۔
مریم نواز نے کہا کہ سرکاری اسپتال میں عام مریض کی طرح علاج کروانا بہت اچھا لگا، خود پرچی بنوا کر میو اسپتال میں علاج کروایا، ایم آر آئی اسکین ہوئی اور انجیکشن لگے۔ مجھے خوشی ہے کہ میو اسپتال میں بہترین اور شاندار آرتھوپیڈک سرجن موجود ہیں۔
انہوں نے کہا کہ اللہ تعالیٰ کے فضل و کرم سے کلینک آن ویل پراجیکٹ کے ذریعے ایک کروڑ سے زائد مریضوں کا مفت اور فوری علاج کیا گیا۔ کلینک آن ویل میں بلڈ پریشر، اسکریننگ اور دیگر امراض کے علاج کی سہولت موجود ہے۔ جنوبی پنجاب میں غذائی قلت کا شکار بچوں کا کلینک آن ویل کے ذریعے فوری علاج کیا جائے گا، کلینک آن ویل گاڑیوں کا غیر ضروری استعمال روکنے کے لیے ٹریک بھی کیا جائے گا۔
وزیراعلیٰ مریم نواز کا کہنا تھا کہ فیلڈ اسٹاف اور کلینک آن ویل کے ذریعے روزانہ 45ہزار لوگوں کا مفت علاج ہو رہا ہے۔ ریاست نے خدمت کا امتحان پاس کرلیا ہے۔
انہوں نے بتایا کہ ہربنس پورہ میں کھڑے فیلڈ اسپتال کا اچانک معائنہ کر کے بہت خوشی ہوئی۔ فیلڈ اسپتال میں موجود مریضوں نے علاج پر خوشی اور مسرت کا اظہار کیا۔ فیلڈ اسپتال میں زچہ و بچہ، حفاظتی ٹیکے، فیملی پلاننگ، ملیریا، ذیابیطس، جلدی امراض اور بچوں کے امراض کی بہترین سہولت موجود ہے۔
مریم نواز نے کہا کہ سرکاری اسپتالوں میں مفت ادویات مل رہی ہیں وار نئے بجٹ میں 100ارب روپے دے رہے ہیں۔ ہر مریض کو اچھی سے اچھی اور مہنگی سے مہنگی ادویات مفت ملیں گی۔ 100 فیصد بہتری کا دعویٰ نہیں لیکن اسپتالوں میں جاکر ہر مریض سے خود فیڈ بیک لیتی ہوں۔ پنجاب کے اسپتال میں مریضوں سے درخواست کرتی ہوں کہ باہر سے میڈیسن اور ٹیسٹ نہیں کرانے۔
انکا کہنا تھا کہ لوگ اپنی اپنی فارمیسیاں چلا رہے ہیں اور سرکاری اسپتالوں میں مریضوں کو دوائی نہیں ملتی تھی۔ اسپتال کے اسٹور میں میڈیسن کے کاٹن پڑے تھے اور مریضوں کو دوائیاں نہیں مل رہی تھی لیکن اب پورے پنجاب کے ہر اسپتال میں مفت ادویات کے لیے اعلان کیا جاتا ہے، کوئی ڈاکٹر باہر سے ادویات نہیں منگوا سکتا۔
وزیراعلیٰ نے کہا کہ نئے سال 2025-26 میں صحت کی سہولتوں کا جال بچھا رہے ہیں۔ لاہور میں بننے والے نواز شریف میڈیکل ڈسٹرکٹ میں ہر مہلک مرض کا علاج ہوگا۔ اس کے علاوہ 100 بیڈ کا چلڈرن اسپتال، بلڈ ڈیزیز، بون میرو، آرتھو پیڈک اور دیگر اسپتال بن رہے ہیں۔ حقیقی خدمت کر رہے ہیں اور سیالکوٹ کے بائی الیکشن میں عوام نے فیصلہ سنا دیا ہے۔
قبل ازیں، وزیراعلیٰ مریم نواز شریف نے کلینک آن ویل فیز ٹو کا افتتاح کیا اور کلینک آن وہیل کی نئی وین میں مختصر سفر کرکے باقاعدہ آغاز بھی کیا۔ وزیراعلی کلینک آن ویل وین پر سوار ہوکر اسٹیج پر پہنچیں جبکہ وزیر صحت خواجہ عمران نذیر نے گاڑی ڈرائیو کی۔
وزیراعلیٰ مریم نواز شریف نے سی ای اوز کو متعلقہ ضلع کے لیے کلینک آن ویل وین کی چابیاں سپرد کیں اور کلینک آن ویل فیز ٹو کے لیے موجود نئی گاڑیوں کا تفصیلی معائنہ کیا۔ انہوں نے گاڑیوں میں موجود طبی آلات کا بھی جائزہ لیا جبکہ ڈاکٹر اور طبی عملے سے بات چیت بھی کی۔
مریم نواز نے ادویات کی لسٹ اور دستیاب میڈیسن، غذائی قلت کے لیے ایمرجنسی فوڈ وغیرہ کا معائنہ کیا۔ انہوں نے کلینک آن ویل کے ڈاکٹرز اور عملے کی خدمات کو سراہا اور شاباش دی۔ وزیراعلیٰ مریم نواز شریف نے ڈاکٹرز اور عملے کو مزید تندہی اور لگن کے ساتھ خدمت کرنے کی ہدایت کی۔
فورٹریس اسٹیڈیم میں تقریب کے لیے پہنچنے پر وزیراعلیٰ مریم نواز شریف کا پرتپاک خیر مقدم کیا گیا۔ تقریب میں کلینک آن ویل پراجیکٹ سے متعلق معلوماتی ڈاکو منٹری دکھائی گئی۔
وزیراعلیٰ مریم نواز شریف نے پنجاب بھر کے لئے کلینک آن ویل فیز ٹو کے لئے مزید گاڑیوں کی لانچنگ پر اظہار مسرت کیا جبکہ صوبائی وزیر پرائمری اینڈ سیکنڈری ہیلتھ خواجہ عمران نذیر نے خطاب میں پراجیکٹ کی تفصیلات بیان کیں۔
بریفنگ میں بتایا گیا کہ پنجاب میں مجموعی طور پر 911 کلینک آن وہیل ہیلتھ سروسز فراہم کریں گی۔ ڈی جی خان کے قبائلی علاقے میں ہیلتھ کیئر کے لیے 9 کلینک آن وہیل گاڑیاں مخصوص کی گئی ہیں۔ کلینک آن وہیل اب تک ایک کروڑ سے زائد مریضوں کو ہیلتھ سروسز فراہم کر چکی ہے۔
ڈیجٹیل مائیکرو پلان کے ذریعے کلینک آن وہیل وین گھر گھر پہنچے گی۔ کلینک آن وہیل اور دیگر پراجیکٹ کی وجہ ویکسینشن کی شرح 90 فیصد سے بڑھ چکا ہے۔
.ذریعہ: Express News
کلیدی لفظ: مریم نواز شریف نے مریم نواز نے اسپتال میں مریضوں کو نے کہا کہ انہوں نے کے ذریعے رہے ہیں کے لیے
پڑھیں:
وزیراعلیٰ مریم نواز سے جرمن پارلیمنٹ کی رکن کی ملاقات، مختلف امور اور تجاویز پر تبادلہ خیال
وزیراعلیٰ مریم نواز سے جرمن پارلیمنٹ کی رکن دِریا تُرک نَخباؤر (Derya Türk-Nachbaur) نے ملاقات کی۔
ملاقات میں دوطرفہ تعلقات، پارلیمانی تعاون، خواتین کی بااختیاری، تعلیم، نوجوانوں کے تبادلے، ماحولیات اور کلین انرجی کے منصوبوں پر تفصیلی بات چیت ہوئی۔
مریم نواز نے جرمن مہمان کا پرتپاک خیرمقدم کیا اور حالیہ سیلاب کے دوران اظہارِ یکجہتی پر شکریہ ادا کیا۔ انہوں نے کہا کہ پنجاب کے تاریخی و ثقافتی شہر لاہور میں جرمن مہمانوں کا خیرمقدم کرنا باعثِ اعزاز ہے۔
وزیراعلیٰ نے فریڈرک ایبرٹ فاؤنڈیشن کی 100 ویں سالگرہ پر مبارکباد دی اور پاکستان میں 35 سالہ خدمات کو سراہا۔ انہوں نے کہا کہ اس ادارے نے جمہوریت، سماجی انصاف اور مکالمے کے فروغ میں نمایاں کردار ادا کیا ہے۔
یہ بھی پڑھیں:مولانا فضل الرحمان نے مریم نواز کی جانب سے ائمہ کرام کو ماہانہ وظیفے دینے کا فیصلہ مسترد کردیا
مریم نواز نے کہا کہ فلڈ کے دوران اظہارِ ہمدردی اور یکجہتی پاک جرمن دوستی کا مظہر ہے۔ دونوں ممالک جمہوریت، برداشت اور پارلیمانی طرزِ حکمرانی پر یقین رکھتے ہیں جو ترقی و امن کی بنیاد ہیں۔
وزیراعلیٰ نے کہا کہ دِریا تُرک نَخباؤر کا کام شمولیتی پالیسی سازی، صنفی مساوات اور انسانی حقوق کے فروغ کی شاندار مثال ہے۔
تربیتی ورکشاپس اور پارلیمانی تبادلوں کی تجویز
مریم نواز نے فریڈرک ایبرٹ فاؤنڈیشن کے تحت قانون سازوں، نوجوان رہنماؤں اور خواتین ارکانِ اسمبلی کے لیے تربیتی ورکشاپس منعقد کرنے کی تجویز دی۔ ان کا کہنا تھا کہ پارلیمانی تبادلوں سے خود مختاری کے جرمن ماڈل سے سیکھنے کا موقع ملے گا۔
انہوں نے کہا کہ جرمنی 1951 سے پاکستان کا قابلِ اعتماد ترقیاتی شراکت دار ہے اور پنجاب میں ماحولیات، توانائی، صحت، تربیت اور خواتین کے معاشی کردار کے فروغ میں اہم کردار ادا کیا ہے۔
وزیراعلیٰ نے نوجوانوں کی روزگار صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا اظہار کیا۔
تجارتی تعلقات میں خوش آئند پیشرفت
مریم نواز نے کہا کہ پاکستان اور جرمنی کے درمیان تجارت 2024 میں 3.6 ارب امریکی ڈالر تک پہنچنا خوش آئند ہے۔ پنجاب جرمنی کی قابلِ تجدید توانائی، زرعی ٹیکنالوجی، آئی ٹی سروسز اور کلین مینوفیکچرنگ میں سرمایہ کاری کا خیرمقدم کرتا ہے۔
یہ بھی پڑھیں:ہتھیار اٹھانے والی جماعت سیاسی یا مذہبی نہیں رہتی، مریم نواز ٹی ایل پی کے خلاف کھل کر بول پڑیں
انہوں نے کہا کہ تعلیم حکومتِ پنجاب کے اصلاحاتی ایجنڈے کا بنیادی ستون ہے، نصاب کی جدت، ڈیجیٹل لرننگ اور عالمی تحقیقی روابط پر کام جاری ہے۔ 10 ہزار سے زائد پاکستانی طلبہ جرمن جامعات میں زیرِ تعلیم ہیں۔
مریم نواز نے کہا کہ ای بائیک اسکیم، ہونہار اسکالرشپ پروگرام اور ویمن اینکلیوز جیسے منصوبے خواتین کی باعزت معاشی شرکت کو یقینی بنا رہے ہیں۔
انہوں نے کہا کہ بادشاہی مسجد، لاہور قلعہ، شالامار گارڈن اور داتا دربار پنجاب کے مشترکہ تہذیبی ورثے کی علامت ہیں۔ ثقافتی تعاون مؤثر سفارت کاری ہے اور ہم جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں۔
وزیراعلیٰ مریم نواز نے کہا کہ پاکستان اور جرمنی امن، ترقی اور انسانی وقار کی مشترکہ اقدار کے حامل ہیں، اور پارلیمانی روابط و پائیدار ترقی کے ذریعے دوستی کو مزید مضبوط بنانے کے لیے پُرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمن پارلیمنٹ جرمنی دِریا تُرک نَخباؤر مریم نواز وزیراعلٰی پنجاب
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا