کیا پھوٹے آلو واقعی زہریلے ہوتے ہیں؟ استعمال سے پہلے ضرور پڑھیں
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
گھر میں رکھے رکھے پھوٹنے والے آلو اور پیاز کا استعمال اکثر لوگ معمول کی بات سمجھتے ہیں، لیکن طبی ماہرین کی تحقیق اس بارے میں کچھ مختلف اور اہم حقائق بتاتی ہے۔
آلو جب پھوٹنے لگتے ہیں، یعنی ان پر ننھے پودے (اسپراؤٹس) نکل آتے ہیں، تو ان میں گلائکوالکلائیڈز جیسی زہریلی کیمیکل کی مقدار بڑھ جاتی ہے۔ یہ کیمیکل آلو کو کیڑوں اور پھپھوندی سے بچانے کے لیے بنتا ہے، مگر انسان کے لیے نقصان دہ ثابت ہو سکتا ہے۔ ایسی حالت میں آلو کا ذائقہ کڑوا ہو سکتا ہے اور اس کے استعمال سے قے، متلی یا معدے کی تکالیف پیدا ہو سکتی ہیں۔ ماہرین کے مطابق سبز آلو یا وہ جن پر پودے نکل آئے ہوں، استعمال نہیں کرنے چاہییں۔
البتہ برطانوی فوڈ اسٹینڈرڈ ایجنسی کا کہنا ہے کہ اگر آلو سخت اور خراب نہ ہو، تو اس کے اُگے ہوئے حصے کو کاٹ کر باقی حصہ استعمال کیا جا سکتا ہے۔ لیکن یہ صرف تبھی جب آلو کے رنگ، سختی اور خوشبو میں کوئی فرق نہ آیا ہو۔
پیاز اور لہسن کے پھوٹنے کے معاملے میں اتنی سخت احتیاط کی ضرورت نہیں۔ یہ آلو کی طرح زہریلے نہیں ہوتے، اور اگر ان پر ننھے پودے نکل آئیں تو انھیں عام طور پر استعمال کیا جا سکتا ہے — بشرطیکہ وہ نرم، سڑے یا بدبو دار نہ ہوں۔
اگر آلو یا پیاز کو زیادہ دن محفوظ رکھنا ہو تو کچھ اہم احتیاطی تدابیر کا خیال رکھنا بہت ضروری ہے۔ آلو کو ایسی جگہ رکھنا چاہیے جہاں روشنی کم ہو، جگہ خشک ہو اور درجہ حرارت ٹھنڈا ہو، تقریباً 3 سے 10 ڈگری سینٹی گریڈ کے درمیان۔ آلو ذخیرہ کرنے سے پہلے ہرگز نہ دھوئیں، کیونکہ گیلا آلو جلد خراب ہو جاتا ہے۔ آلو کو پیاز کے ساتھ نہ رکھیں، کیونکہ پیاز نمی اور گیس خارج کرتا ہے، جو آلو کو جلد پھاڑ دیتا ہے۔ پیاز اور لہسن کو بھی خشک اور ہوادار جگہ پر رکھنا چاہیے تاکہ وہ زیادہ دیر محفوظ رہ سکیں۔ ان سب چیزوں کو اس طرح محفوظ کیا جائے کہ نہ دھوپ لگے، نہ نمی ہو، اور نہ قریب کوئی ایسی چیز ہو جو ان کے خراب ہونے کی رفتار کو تیز کرے۔
.ذریعہ: Jasarat News
پڑھیں:
پیپلز پارٹی، ن لیگ اور پی ٹی آئی کا خاتمہ ہو تو ملک سنبھل سکتا ہے، سراج الحق
سابق امیر جماعت اسلامی پاکستان سراج الحق نے کہا ہے کہ پیپلز پارٹی، ن لیگ اور پی ٹی آئی کا خاتمہ ہو تو پاکستان ٹھیک ہوسکتا ہے، اس وقت تینوں جماعتیں اقتدار میں ہیں مگر قوم کو کرپشن اور نعروں کے علاوہ کچھ نہیں دیا۔ لاہور میں عزم نو یوتھ کنونشن سے خطاب کرتے ہوئے سراج الحق نے کہا کہ ہم اس ملک میں انقلاب چاہتے ہیں، انقلاب اللہ کی اطاعت ہے تاکہ ہم لوگوں کی بجائے اللہ کی اطاعت سے ملک چلائیں۔ انہوں نے کہا کہ ہم ہر ظالم، چور، ڈاکو سے آزادی چاہتے ہیں، اسٹیبلشمنٹ کو آئین کے تابع رکھنا چاہتے ہیں، ہم کشمیر کو آزاد دیکھنا اور ڈاکٹر عافیہ صدیقی کو رہا کروانا چاہتے ہیں۔ جب پاکستان میں پی پی، ن لیگ اور پی ٹی آئی کا خاتمہ ہو تو پھر یہ ہو سکتا ہے۔ سراج الحق نے کہا کہ پنجاب میں پی ٹی آئی سندھ میں پی پی لمبے عرصے سے اقتدار میں ہے۔ اس وقت تینوں جماعتیں اقتدار میں ہیں، ان تین پارٹیوں نے ملک کو اس نہج پر پہنچایا ہے، جب اس ملک میں اسلامی حکومت آئے گی تو کوئی بھوکا نہیں سوئے گا۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید