پاکستان میں موبائل صارفین کی تعداد 20 کروڑ تک پہنچ گئی ، وفاقی وزیر شزہ فاطمہ خواجہ
اشاعت کی تاریخ: 19th, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 19 جون2025ء) وفاقی وزیر برائے انفارمیشن ٹیکنالوجی و ٹیلی کمیونیکیشن شزہ فاطمہ خواجہ نے کہا ہے کہ پاکستان میں موبائل صارفین کی تعداد 20 کروڑ تک پہنچ گئی ہے، وزیراعظم شہباز شریف کے وژن کے مطابق گورننس میں شفافیت اور کارکردگی میں بہتری کیلئے ملک میں ڈیجیٹائزیشن کیلئے کوشاں ہیں، موبائل فار آل پالیسی کی تشکیل اور تمام شہریوں کو بلاتعطل قابل بھروسہ انٹرنیٹ کی فراہمی کیلئے تمام وسائل بروئے کار لا رہے ہیں۔
ان خیالات کا اظہار انہوں نے جمعرات کو پاکستان ٹیلی کمیونیکیشن کے زیر اہتمام تقریب سے خطاب کرتے ہوئے کیا۔ وفاقی وزیر نے کہا کہ آج ٹیلی کام کے حوالے سے تاریخی دن ہے، پاکستان میں موبائل صارفین کی تعداد 20 کروڑ تک پہنچ گئی ہے، یہ پاکستان کی صلاحیت اور اس کیلئے مواقع ہیں، عوام کے پاس ان کی طاقت ڈیجیٹل ڈیوائس موجود ہے اور یہ ملک کو اس سے آگے لے کر بڑھیں گے۔(جاری ہے)
انہوں نے کہا کہ پاکستان میں 35 سال سے کم عمر نوجوانوں کی تعداد 70 فیصد ہے، وزیراعظم شہباز شریف کے وژن کے مطابق ڈیجیٹل پاکستان کیلئے کوشاں ہیں جس کی بنیاد سب کیلئے ڈیجیٹل رسائی ہے۔ شزہ فاطمہ نے کہا کہ انٹرنیٹ اور کنکٹیویٹی بنیادی سہولت ہے، ہم ہر شہری کیلئے قابل اعتماد تیز رفتار انٹرنیٹ کی فراہمی یقینی بنانے کیلئے اقدامات کر رہے ہیں، اس حوالے سے وزیراعظم نے کچھ اہداف مقرر کئے ہیں جس کی وہ باقاعدگی سے رپورٹ لیتے ہیں۔ انہوں نے کہا کہ موبائل براڈ بینڈ سب سے زیادہ استعمال کیا جاتا ہے، اس حوالہ سے سپیکٹرم کی نیلامی اولین ترجیح ہے۔ انہوں نے کہا کہ موبائل براڈ بینڈ سبسکرائبر کی تعداد 15 کروڑ ہے جو کہ یہ خوش آئند ہے، سپیکٹرم آکشن، نیشنل فائبریشن پالیسی اور سب میرین کیبل میں اضافہ سے موبائل آپریٹر پر دبائو کم ہو گا۔ انہوں نے کہا کہ پی ٹی اے کے تعاون سے سمارٹ فون فار آل پالیسی پر کام کر رہے ہیں جس کے ذریعے ہر شہری کو اقساط پر موبائل فون، لیپ ٹاپس اور ٹیبلٹس فراہم کئے جائیں گے، طلباء کو ہر سال ایک لاکھ لیپ ٹاپس مفت فراہم کئے جا رہے ہیں، اب تک اہل اور قابل طالب علموں میں میرٹ پر 12 لاکھ لیپ ٹاپس تقسیم کئے جا چکے ہیں۔ انہوں نے کہا کہ نیشنل ڈیجیٹائزیشن اور آئی ٹی برآمدات کا فروغ ہماری ترجیح ہے، خوشی کی بات یہ ہے کہ پاکستانی خواتین کی موبائل فون اور انٹرنیٹ تک رسائی میں اضافہ ہوا ہے، موبائل جینڈر گیپ 36 فیصد سے کم ہو کر 25 فیصد پر آ گیا ہے، ملک کی نصف آبادی خواتین پر مشتمل ہے، ان کی شمولیت سے ایکو سسٹم کو متوازن بنانے میں مدد ملے گی۔ انہوں نے کہا کہ رمضان پیکیج کے 16 ارب روپے ڈیجیٹل طریقے سے تقسیم کئے گئے، 8 لاکھ خواتین نے ایک ماہ میں موبائل والٹ بنائے، اس سے شفافیت اور کارکردگی بہتر بنانے میں مدد ملی۔ شزہ فاطمہ خواجہ نے کہا کہ ملک میں موبائل فون صارفین کی تعداد میں اضافہ سے لوگوں کی شمولیت میں اضافہ ہو رہا ہے، ہر شخص کی انٹرنیٹ تک رسائی بنیادی ضرورت ہے جو کہ روزگار، تعلیم اور صحت سمیت ہر شعبہ کیلئے ضروری ہے۔ انہوں نے کہا کہ فائبر آپٹک کمپنیوں کے مسائل کے حل کیلئے ایک ڈیجیٹل پورٹل قائم کیا جائے گا، فائیو جی کے آکشن اور دیگر تیاریوں کیلئے اقدامات کئے جا رہے ہیں۔ انہوں نے کہا کہ آئی ٹی سیکٹر کا قومی معیشت میں پچھلے پانچ سالوں میں 1.6 ٹریلین کا حصہ ہے، مقامی موبائل مینوفیکچرر ملک کی 94 فیصد طلب پوری کر رہے ہیں جو قابل تعریف ہے، مقامی برانڈ کا فروغ ملک کیلئے اچھی بات ہے، ہم عالمی مارکیٹ میں ان کی رسائی کیلئے کوشاں ہیں۔ اس موقع پر چیئرمین پی ٹی اے میجر جنرل (ر) حفیظ الرحمن نے بھی خطاب کیا اور پی ٹی اے کی کارکردگی سے متعلق آگاہ کیا۔
ذریعہ: UrduPoint
کلیدی لفظ: تلاش کیجئے صارفین کی تعداد انہوں نے کہا کہ پاکستان میں میں اضافہ شزہ فاطمہ رہے ہیں
پڑھیں:
نائب وزیرِ اعظم اسحاق ڈار استنبول پہنچ گئے، غزہ کی صورتحال پر اہم اجلاس میں شریک ہونگے
نائب وزیرِ اعظم اسحاق ڈار استنبول پہنچ گئے، غزہ کی صورتحال پر اہم اجلاس میں شریک ہونگے WhatsAppFacebookTwitter 0 3 November, 2025 سب نیوز
استنبول(آئی پی ایس) نائب وزیرِ اعظم و وزیرِ خارجہ محمد اسحاق ڈار استنبول پہنچ گئے ہیں، جہاں وہ غزہ کی تازہ صورتحال پر ہونے والے وزرائے خارجہ کے اجلاس میں شرکت کریں گے۔
یہ اجلاس جمہوریہ ترکیہ کے وزیرِ خارجہ حاکان فیدان کی میزبانی میں منعقد ہو رہا ہے۔ اجلاس میں عرب اور اسلامی ممالک کے وزرائے خارجہ غزہ کی صورتحال پر مشاورت کریں گے۔ترکیہ آمد پر نائب وزیرِ اعظم کا استقبال ترکیہ اور پاکستانی سفارت خانے کے حکام نے کیا۔
ترجمان دفترِ خارجہ طاہر اندرابی کے مطابق اجلاس میں پاکستان غزہ میں جنگ بندی معاہدے پر مکمل عملدرآمد، اسرائیلی افواج کے انخلاء، فلسطینی عوام تک بلا رکاوٹ انسانی امداد کی فراہمی اور غزہ کی تعمیرِ نو پر زور دے گا۔
ترجمان کے مطابق پاکستان ایک آزاد فلسطینی ریاست کے قیام کے لیے اجتماعی کوششوں کی اہمیت اجاگر کرے گا ۔ ایسی ریاست جس کا دارالحکومت القدس الشریف ہو اور جو 1967 سے پہلے کی سرحدوں کے مطابق اقوامِ متحدہ کی قراردادوں اور عرب امن منصوبے کے تحت قائم ہو۔
دفترِ خارجہ کا کہنا ہے کہ پاکستان سات دیگر عرب و اسلامی ممالک کے ساتھ اس امن کوشش کا حصہ رہا ہے جس کے نتیجے میں شرم الشیخ میں غزہ امن معاہدہ طے پایا تھا۔پاکستان امن، انصاف اور فلسطینی عوام کی عزتِ نفس کی بحالی کے لیے پرعزم ہے اور ان کے حقِ خودارادیت کے حصول کی حمایت جاری رکھے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمتوں میں پھر بڑا اضافہ، فی تولہ کتنے کا ہو گیا؟ شاہانہ زندگی گزارنے والے ممکنہ ٹیکس چوروں کی نشاندہی کرلی گئی وزیراعلیٰ کے وژن پر عمل: فتح جنگ میں عوامی سہولیات میں نمایاں بہتری جج ہمایوں دلاور کیخلاف سوشل میڈیا مہم کیس؛ جسٹس انعام امین کی سماعت سے معذرت پی پی اور ن لیگ کی سیاسی کشمکش؛ آزاد کشمیر میں اِن ہاؤس تبدیلی تاخیر کا شکار ایران میں بدترین خشک سالی، دارالحکومت کو پانی فراہمی کرنے والے ڈیم میں صرف دو ہفتے کا ذخیرہ رہ گیا سانحہ9 مئی؛ زمان پارک میں پولیس کی گاڑیاں جلانے کے مقدمے میں گواہ طلبCopyright © 2025, All Rights Reserved
رابطہ کریں ہماری ٹیم
پاکستان اور افغان طالبان کے درمیان استنبول میں مذاکرات ناکام، عطا تارڑ