سندھ ہیلتھ کیئر کمیشن کا ڈیجیٹل کی جانب قدم، کلنک و اسپتالوں کی آن لائن رجسٹریشن کا آغاز
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ ہیلتھ کیئر کمیشن (SHCC) نے صوبے بھر میں صحت کی سہولیات فراہم کرنے والے اداروں اور ماہرین کے لیے رجسٹریشن اور لائسنسنگ کے عمل کو مکمل طور پر ڈیجیٹل بنانے کا اعلان کرتے ہوئے ایک اہم پیش رفت کی ہے، اب ڈاکٹرز، کلنکس، اسپتال اور دیگر ہیلتھ کیئر ادارے گھر بیٹھے آن لائن رجسٹریشن اور لائسنس حاصل کر سکیں گے۔
تفصیلا ت کےمطابق اس اقدام کا باضابطہ آغاز ورلڈ بینک کی مالی معاونت سے جاری “کلک” (CLICK) پروجیکٹ کے تحت سندھ بزنس ون اسٹاپ شاپ (SBOSS) اور سندھ ہیلتھ کیئر کمیشن کے درمیان مفاہمت کی یادداشت (MoU) پر دستخط کے ساتھ کیا گیا۔ اس معاہدے کا مقصد صوبے بھر میں ہیلتھ کیئر سسٹم کو مؤثر، شفاف اور سہل بناتے ہوئے عوامی خدمت کو ڈیجیٹل سطح پر منتقل کرنا ہے۔
چیئرمین SHCC ڈاکٹر خالد حسین شیخ نے اس پیش رفت کو “ڈیجیٹل دور میں عوامی خدمت کی فراہمی میں انقلاب” قرار دیتے ہوئے کہا کہ یہ اقدام بغیر کسی رکاوٹ کے کارکردگی اور رسائی کو ممکن بناتا ہے۔
کلک پروجیکٹ کے ڈائریکٹر بہزاد عامر میمن نے حکومتِ سندھ کی جانب سے ڈیجیٹل سروسز کی جانب منتقلی کے وژن کو سراہتے ہوئے اسے صارف دوست اور شفاف نظام کی جانب ایک اہم قدم قرار دیا۔
سی ای او SHCC ڈاکٹر احسن قوی صدیقی نے بتایا کہ بورڈ آف کمشنرز کی ہدایت پر ڈاکٹروں اور اسپتالوں کی رجسٹریشن کو خودکار بنانے کے لیے آن لائن پورٹل متعارف کرایا گیا ہے۔ انہوں نے کہا کہ اس سلسلے میں ڈی ایل اے کمیٹی کے سربراہ ڈاکٹر مرزا علی حیدر نے نمایاں کردار ادا کیا، جس کے باعث یہ منصوبہ تیزی سے مکمل ہوا۔
ڈاکٹر احسن صدیقی نے SHCC کی ڈیجیٹل تبدیلی کے حوالے سے ERP سسٹم کی پیش رفت سے بھی آگاہ کیا جو 80 فیصد مکمل ہو چکا ہے۔ انہوں نے اس بات کا اظہار بھی کیا کہ فنڈنگ چیلنجز کے باوجود وہ باقی نظام کی تکمیل کے لیے پرامید ہیں۔
بی او سی کے رکن اور کمیٹی کنوینر ڈاکٹر مرزا علی اظہر نے کہا کہ ان کا بنیادی مقصد رجسٹریشن کے عمل کو سہل بنانا ہے جبکہ صحت کی سہولیات فراہم کرنے والوں اور مریضوں کے حقوق کو یقینی بنانا بھی ان کی اولین ترجیح ہے۔
.
ذریعہ
ذریعہ: Jasarat News
کلیدی لفظ: ہیلتھ کیئر کی جانب
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار