پنجاب کا بجٹ وزیراعلیٰ مریم نواز کے ماحول دوست ہونے کا عملی ثبوت
اشاعت کی تاریخ: 20th, June 2025 GMT
لاہور:
پنجاب میں ماحولیاتی بہتری اور جنگلات کے فروغ کے لیے "پنجاب گرین پروگرام" کے تحت بڑے پیمانے پر شجرکاری اور ماحولیاتی منصوبوں کا آغاز کر دیا گیا ہے۔
ترجمان محکمہ جنگلات کے مطابق چیف منسٹر پلانٹ فار پاکستان انیشی ایٹو کے تحت 50 ہزار 869 ایکڑ رقبے پر 4 کروڑ 20 لاکھ درخت لگانے کا جامع منصوبہ ترتیب دیا گیا ہے۔
سی ایم ایگروفاریسٹری انیشی ایٹو کے تحت 3,790 ایکڑ فارسٹ ویسٹ لینڈ پر 13 لاکھ 75 ہزار درختوں کی شجرکاری جاری ہے۔ گرین پاکستان پروگرام کا دائرہ بھی وسیع کیا جا چکا ہے، جس کے تحت 2 لاکھ 51 ہزار ایکڑز پر 46 کروڑ 64 لاکھ سے زائد درخت لگائے جا رہے ہیں۔
نہری رقبوں پر 10 ہزار 223 ایونیو میل کے ساتھ 50 لاکھ درخت قطاروں میں لگائے جا رہے ہیں۔ لال سوہانرا نیشنل پارک اور سالٹ رینج میں ماحولیاتی سیاحت کے فروغ کے لیے عالمی معیار کی سہولیات جیسے وائرلیس نیٹ ورک، ڈیجیٹل کیمرے، GPS ڈیوائسز اور CCTV کیمرے مہیا کیے جا رہے ہیں۔
ماحول دوست LEED سرٹیفائیڈ کثیر المنزلہ عمارت کی تعمیر بھی شروع ہو چکی ہے، جس میں جدید سہولیات سے آراستہ دفاتر اور رہائش گاہیں شامل ہیں۔ مری اور کہوٹہ کے پہاڑی علاقوں میں آفات سے بچاؤ کے لیے "شیلڈنگ سمٹس پروگرام" کے تحت 600 فائر واچرز کی بھرتی، فائر وہیکلز اور واچ ٹاورز کی فراہمی کو یقینی بنایا جا رہا ہے۔
فارسٹ ٹریکس کی بحالی، چشموں کے پانی کے لیے ٹینکوں کی تعمیر اور جدید ٹیکنالوجی جیسے GIS، ڈرون، سیٹلائٹ اور LIDAR کے استعمال سے آگ اور تجاوزات کی فوری نشاندہی ممکن ہو گئی ہے۔ محکمہ جنگلات میں ڈیجیٹل کمیونیکیشن سیل اور جدید مانیٹرنگ و ایویلیوایشن ونگ بھی قائم کر دیا گیا ہے۔
پنجاب میں درختوں کی ڈیجیٹل نمبر شماری اور GIS پر مبنی سروے کا آغاز ہو چکا ہے، جب کہ شجرکاری اور جنگلاتی کارروائیوں کو تیز کرنے کے لیے جدید مشینری بھی خریدی گئی ہے۔ اس کے علاوہ، صوبہ بھر میں 24 گھنٹے مانیٹرنگ کے لیے 104 فارسٹ کمانڈ اینڈ کنٹرول سینٹرز قائم کیے گئے ہیں، جس سے جنگلات کے تحفظ کی صلاحیت میں نمایاں اضافہ ہوا ہے۔
.
ذریعہ: Express News
پڑھیں:
پولیس شہدا کا لہو ہماری ریاست کی بنیاد ہے،کبھی فراموش نہیں کرینگے: مریم نواز
وزیر اعلیٰ پنجاب مریم نواز نے کہا ہے کہ پولیس شہدا کا لہو ہماری ریاست کی بنیادہے، ہم اسے کبھی فراموش نہیں کریں گے۔یوم شہدا پولیس پر اپنے پیغام میں وزیراعلی مریم نواز کا کہنا تھا کہ پنجاب پولیس کے ان جانبازوں کو سلام جنہوں نے اپنا خون دے کر وطن کو امن کا گہوارہ بنایا، کسی ماں نے بیٹا، کسی بیوی نے سہاگ اور کسی بچے نے باپ کھو دیا تاکہ ہم سب محفوظ رہیں، پنجاب کے ہر گلی کوچے کا امن کسی شہید کی آخری سانس کا نتیجہ ہے۔انہوں نے کہا کہ سلام ہے ان مائوں کو جنہوں نے بیٹے شہید کرا دیئے اور ان بیٹوں کو جنہوں نے سر جھکانے سے انکار کیا، پولیس شہدا کا خون ہماری ریاست کی سب سے مضبوط اینٹ ہے۔ا نہوںنے کہاکہ ریاست کی اصل طاقت وہ سپاہی ہیں جنہوں نے گولی کے سامنے سینہ کیا اور پیچھے قدم نہ ہٹایا، شہدا کا مشن جاری رہے گا، ان کے خواب ہم پورے کریں گے، پنجاب حکومت پولیس شہدا کے ورثا کے ساتھ صرف الفاظ نہیں عملی اقدامات، فلاحی پیکیجز اور ہر ممکن تعاون کے ساتھ کھڑی ہے۔مریم نواز شریف نے کہا کہ پولیس شہدا کا لہو ہماری ریاست کی بنیاد ہے ہم اسے کبھی فراموش نہیں کریں گے۔
شمبن گل کا تاریخی کارنامہ، محمد یوسف کا 19 سال پرانا ریکارڈ توڑ دیا