پاکستان علاقائی کشیدگی میں کمی کیلئے فعال کردار ادا کرتا رہے گا: فیلڈ مارشل
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: آرمی چیف فیلڈ مارشل عاصم منیر نے کہا ہے کہ پاکستان خطے میں کشیدگی کے خاتمے اور تعاون پر مبنی سیکیورٹی فریم ورک کے فروغ میں مثبت اور فعال کردار ادا کرتا رہے گا۔
آئی ایس پی آر کے مطابق فیلڈ مارشل عاصم منیر اس وقت سرکاری دورے پر امریکا میں موجود ہیں، جہاں انہوں نے امریکی تھنک ٹینکس اور اسٹریٹیجک امور کے ماہرین سے ملاقات کی۔ اس ملاقات کے دوران پاکستان کے اسٹریٹیجک وژن کو بہتر انداز میں پیش کیا گیا۔
آئی ایس پی آر کے مطابق آرمی چیف نے واشنگٹن میں معروف اسکالرز، تجزیہ کاروں، پالیسی سازوں اور بین الاقوامی میڈیا نمائندوں سے گفتگو کی، جس میں پاکستان کے اصولی مؤقف اور علاقائی و عالمی معاملات پر اس کی پوزیشن کو اجاگر کیا گیا۔ انہوں نے دہشت گردی سے متعلق پاکستان کے مؤقف پر بھی تفصیل سے روشنی ڈالی۔
مزید یہ کہ فیلڈ مارشل عاصم منیر نے معرکۂ حق اور آپریشن بنیان مرصوص پر بھی جامع گفتگو کی اور علاقائی امن و استحکام کے لیے پاکستان کے تعمیری کردار کو نمایاں کیا۔
.ذریعہ: Jasarat News
کلیدی لفظ: پاکستان کے فیلڈ مارشل
پڑھیں:
پاک فوج بدلتے ہوئے جنگی ماحول میں فیصلہ کن برتری برقرار رکھے گی، فیلڈ مارشل
راولپنڈی (اُردو پوائنٹ اخبارتازہ ترین - این این آئی۔ 02 اگست2025ء)آرمی چیف فیلڈ مارشل سید عاصم منیر نے کہا ہے کہ پاک فوج بدلتے ہوئے جنگی ماحول میں فیصلہ کن برتری برقرار رکھے گی۔پاک فوج کے شعبہ تعلقات عامہ (آئی ایس پی آر) کے مطابق سپہ سالار نے ملتان گیریژن کا دورہ کیا اور جدید Z-10ME اٹیک ہیلی کاپٹر کی پاک فوج میں شمولیت کی تقریب میں بھی شرکت کی، فیلڈ مارشل نے علمی و سماجی شخصیات سے ملاقات میں سول و ملٹری ہم آہنگی اور ہائبرڈ خطرات سے نمٹنے کے لیے مشترکہ کوششوں کی اہمیت پر زور دیا۔فیلڈ مارشل سید عاصم منیر کے ملتان گیریڑن کے دورے میں فارمیشن کی عملی تیاریوں اور جاری تربیتی سرگرمیوں پربریفنگ دی گئی، فیلڈ مارشل نے جوانوں کے اعلیٰ جذبے، پیشہ ورانہ مہارت اور جنگی صلاحیت کو سراہا۔(جاری ہے)
انہوں نے قومی خودمختاری اور سرحدی سالمیت کے تحفظ کے لیے پاک فوج کے غیر متزلزل عزم کا اعادہ کیا۔فیلڈ مارشل کا علمی وسماجی حلقوں سے تعلق رکھنے والے افراد کے ساتھ گفتگو کا سیشن بھی ہوا، سید عاصم منیر نے قومی یکجہتی، سول و ملٹری ہم آہنگی اور ہائبرڈ خطرات سے نمٹنے کے لیے تمام طبقات کی مشترکہ کوششوں کی اہمیت پر زور دیا۔
فیلڈ مارشل نے پاک فوج میں جدید Z-10ME اٹیک ہیلی کاپٹر شمولیت کی تقریب میں شرکت کی، جدید ریڈار، الیکٹرانک وارفیئر اور نائٹ اسٹرائیک کی صلاحیت سے لیس ہیلی کاپٹرز نے مظفرگڑھ فائرنگ رینج میں فائرپاور کا مظاہرہ کیا۔فیلڈ مارشل نے مشترکہ ہتھیاروں کی حکمتِ عملی کے کامیاب مظاہرے کو سراہا۔
وزیراعلیٰ خیبرپختونخوا کی تیراہ واقعے کی مذمت،جاں بحق افراد کیلیے فی کس ایک کروڑ روپے امداد کا اعلان