دنیا کے تیسرے امیر ترین شخص کی شادی، خرچے کی تفصیلات نے سب کو حیران کر دیا
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
ایمازون کے بانی اور دنیا کے تیسرے امیر ترین شخص جیف بیزوز اگلے ہفتے دوسری شادی کرنے جا رہے ہیں۔ ان کی منگیتر لورین سانچز سے یہ شادی اٹلی کے تاریخی شہر وینس میں جون کے آخری ہفتے میں ہوگی، جس پر وہ مبینہ طور پر 1 کروڑ 60 لاکھ ڈالرز (تقریباً ساڑھے 4 ارب پاکستانی روپے) خرچ کریں گے۔
یہ دعویٰ برطانوی روزنامہ ٹیلی گراف نے کیا ہے، جس کے مطابق شادی کی تقریبات کا آغاز 24 جون سے ہوگا۔ جیف بیزوز دنیا کی سب سے بڑی یاٹ کے ذریعے وینس پہنچیں گے، جس پر وہ پہلے ہی 50 کروڑ ڈالرز خرچ کرچکے ہیں۔ وینس میں شادی کے انعقاد پر مقامی شہریوں نے شدید اعتراض کیا ہے، ان کا کہنا ہے کہ اس طرح کی تقریبات سے شہر کی روح کو سیاحت کے نام پر بیچا جا رہا ہے اور مقامی لوگوں کو مہنگائی، گھروں کی قلت اور سہولیات کی کمی جیسے مسائل کا سامنا ہے۔
شادی کی تقریبات وینس کے مشہور مقامات جیسے Palazzo Pisani Moretta اور Excelsior ہوٹل میں منعقد ہوں گی۔ رپورٹ کے مطابق صرف پھولوں اور سجاوٹ پر 10 لاکھ ڈالرز، شادی کی انتظامیہ کو 30 لاکھ، مقامات کے کرائے پر 20 لاکھ، کھانے پینے پر 10 لاکھ، دلہن کے لباس پر 15 لاکھ، مہمانوں کے قیام پر 20 لاکھ اور دیگر پرتعیش انتظامات پر بھی لاکھوں ڈالرز خرچ ہوں گے۔ دلہن اور دیگر مہمان خواتین کے میک اپ اور ہیئر اسٹائلنگ پر بھی بھاری رقم خرچ کی جائے گی۔
بل گیٹس، ایلون مسک، مارک زکربرگ اور ہالی وڈ کی اہم شخصیات کی شرکت کا بھی امکان ظاہر کیا جا رہا ہے۔ واضح رہے کہ جیف بیزوز کی یہ دوسری شادی ہے۔ ان کی پہلی شادی 1993 میں میکنزی اسکاٹ سے ہوئی تھی اور 2019 میں طلاق کے بعد انہوں نے انہیں 35 ارب ڈالرز کی خطیر رقم ادا کی تھی۔
.
ذریعہ
ذریعہ: Jasarat News
پڑھیں:
ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور (اُردو پوائنٹ اخبارتازہ ترین - این این آئی۔ 02 جون2026ء) رکن پنجاب اسمبلی ثاقب چدھڑ کے اثاثوں اور انتخابی دستاویزات کی تفصیلات حاصل کرنے کیلئے الیکشن کمیشن میں درخواست دائر کر دی گئی۔یہ درخواست میاں آصف محمود ایڈووکیٹ کی جانب سے جمع کرائی گئی، جس میں ثاقب چدھڑ کے کاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔درخواست میں موقف اختیار کیا گیا ہے کہ ثاقب چدھڑ کے خلاف سپیکر پنجاب اسمبلی کے پاس نااہلی کی درخواست پہلے ہی دائر کی جا چکی ہے لہٰذا ان کی رکنیت برقرار رہنے یا نہ رہنے کے معاملے کی جانچ پڑتال کے لئے انتخابی ریکارڈ کا معائنہ ناگزیر ہے۔درخواست گزار کے مطابق رکن اسمبلی پر ایک خاتون کو مہنگی گاڑیاں، قیمتی تحائف اور جائیداد بطور تحفہ دینے کے الزامات سامنے آئے ہیں، جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ بن چکا ہے۔(جاری ہے)
درخواست میں مزید کہا گیا ہے کہ منتخب نمائندے قانون کے تحت اپنے اثاثے ظاہر کرنے کے پابند ہیں، اس لئے ثاقب چدھڑ، ان کی اہلیہ اور زیر کفالت افراد کے تمام موجودہ اور سابقہ اثاثوں کا ریکارڈ فراہم کیا جائے۔درخواست گزار نے موقف اپنایا کہ شفافیت اور احتساب کے تقاضوں کو پورا کرنے کیلئے متعلقہ انتخابی اور مالی ریکارڈ تک رسائی ضروری ہے، تاکہ حقائق کی بنیاد پر معاملے کا جائزہ لیا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ