’مظلوموں کی آواز‘، شرجیل میمن کا شہید محترمہ بینظیر بھٹو کو سالگرہ کے موقعے پر خراج عقیدت
اشاعت کی تاریخ: 21st, June 2025 GMT
سینئر وزیر شرجیل انعام میمن کی جانب سے شہید محترمہ بینظیر بھٹو کو سالگرہ کے موقعے پر خراج عقیدت پیش کیا گیا۔
اپنے ایک بیان میں شرجیل انعام میمن نے کہا کہ شہید بی بی پہلی منتخب خاتون وزیرِاعظم، جمہوریت کی علمبردار، اور مظلوموں، غریبوں، خواتین، اور نوجوانوں کی آواز تھیں، شہید محترمہ بے نظیر بی بی نے اپنی پوری زندگی پاکستان کے عوام کے حقوق کے لیے وقف کردی۔
سینئر صوبائی وزیر نے کہا کہ آج پاکستان کا دفاع شہید ذوالفقار علی بھٹو اور شہید بی بی کی قابل تحسین کاوشوں سے ناقابل تسخیر ہے، شہید بھٹو نے ملک کو ایٹمی قوت بنایا، شہید بی بی نے پاکستان کو میزائیل ٹیکنالوجی دی، شہید بی بی کی قیادت، قربانیاں اور ویژن آج بھی ہمارے لیے مشعلِ راہ ہیں۔
انہوں نے کہا کہ شہید محترمہ نے ہمیشہ آئین، جمہوریت، انسانی حقوق، اور اظہارِ رائے کی آزادی کا پرچم بلند رکھا، شہید بی بی نے آمریت کے خلاف جمہوری جنگ لڑی، قید و بند کی صعوبتیں برداشت کیں، جلاوطنی اختیار کی، لیکن اپنے اصولوں پر کبھی سمجھوتہ نہیں کیا۔
شرجیل انعام میمن نے کہا کہ شہید بی بی نے پاکستان میں پہلی بار خواتین کے لئے الگ پولیس اسٹیشنز قائم کئے، فرسٹ ویمن بینک کا قیام عمل میں لائیں، خواتین کو بااختیار بنانے کے لئے شہید بی بی نے لیڈی ہیلتھ ورکرز کا پروگرام متعارف کروایا۔
ان کا کہنا تھا کہ بینظیر بھٹو شہید نے اپنے دورِ حکومت میں کسانوں کے لیے کئی اہم اور انقلابی اقدامات کیے ، زرعی قرضوں کی فراہمی کو آسان بنایا، کسانوں کے لئے کھاد اور معیاری بیجوں پر سبسڈی دی، اور جدید زرعی مشینری جیسے ٹریکٹر اور تھریشر کے لیے مالی معاونت فراہم کی۔
سینئر صوبائی وزیر نے کہا کہ دیہی خواتین کسانوں کے لیے تعلیم، صحت اور مالی امداد کے پروگرام شہید بی بی نے شروع کیے، شدید خطرات اور جان کے خدشات کے باوجود شہید بی بی پاکستان واپس آئیں، کیونکہ وہ جانتی تھیں کہ ان کی قوم، خاص طور پر کسان اور مزدور، انہیں پکار رہے ہیں۔
انہوں نے کہا کہ آج بھی پاکستان پیپلز پارٹی شہید بی بی کی ہی اصولوں پر کاربند ہے، چیئرمین بلاول بھٹو زرداری انہی جمہوری نظریات کو لے کر آگے بڑھ رہے ہیں، ہم سب پر لازم ہے کہ شہید بے نظیر بھٹو کے مشن کو جاری رکھیں اور مساوات، انصاف، تعلیم، صحت، اور روزگار کے مواقع سب کے لیے یکساں بنانے کی جدوجہد کو تیز کریں۔
.
ذریعہ
ذریعہ: Express News
کلیدی لفظ: شہید بی بی نے شہید محترمہ نے کہا کہ کے لیے
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار