یکم جولائی سے قبل سولر پینلز مہنگے بیچنے والوں کیخلاف کارروائی ہوگی، وزیر خزانہ کا انتباہ
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:وفاقی وزیر خزانہ محمد اورنگزیب نے ملک میں سولر پینلز کی مصنوعی مہنگائی اور قبل از وقت قیمتوں میں اضافہ کرنے والوں کو خبردار کرتے ہوئے واضح کیا ہے کہ حکومت ایسی کسی بھی ذخیرہ اندوزی یا بلیک مارکیٹنگ کو ہرگز برداشت نہیں کرے گی۔
انہوں نے کہا کہ یکم جولائی سے نئے ٹیکسز کا اطلاق تو ضرور ہوگا، مگر اس سے قبل جان بوجھ کر قیمتیں بڑھانا نہ صرف غیر اخلاقی بلکہ قابلِ سزا جرم ہے۔
سینیٹ اجلاس میں بجٹ 2025-26 پر بحث سمیٹتے ہوئے وزیر خزانہ نے نہ صرف سینیٹرز کا شکریہ ادا کیا بلکہ یہ بھی کہا کہ قائمہ کمیٹی برائے خزانہ نے بجٹ کی تیاری میں انتہائی محنت سے کام لیا۔ انہوں نے تسلیم کیا کہ مختلف تجاویز کی بنیاد پر بجٹ کو مزید بہتر بنایا گیا ہے اور ان میں کئی سفارشات کو حتمی شکل میں شامل کیا جا چکا ہے۔
محمد اورنگزیب نے اعداد و شمار کے ساتھ وضاحت دی کہ گزشتہ مالی سال کے دوران حکومت نے کوئی منی بجٹ پیش نہیں کیا، مالیاتی نظم و ضبط برقرار رکھا اور زرمبادلہ کے ذخائر میں بہتری لائی گئی۔ ان کا کہنا تھا کہ اس بار بجٹ میں عام آدمی، خصوصاً تنخواہ دار طبقے کو ریلیف فراہم کرنے کی کوشش کی گئی ہے، جس میں انکم ٹیکس کی شرح میں کمی بھی شامل ہے۔
وزیر خزانہ نے بتایا کہ سالانہ 6 سے 12 لاکھ روپے آمدن رکھنے والے افراد پر انکم ٹیکس کی شرح 2.
سولر پینلز سے متعلق ٹیکس کی پر وزیر خزانہ نے کہا کہ درآمد شدہ پرزہ جات پر سیلز ٹیکس کی شرح 18 فیصد سے کم کرکے 10 فیصد کر دی گئی ہے۔ یہ فیصلہ مقامی انڈسٹری کو فروغ دینے کے لیے کیا گیا ہے تاکہ پاکستان میں سولر ٹیکنالوجی کی تیاری کو بڑھایا جا سکے اور درآمدات پر انحصار کم ہو۔
انہوں نے یہ بھی واضح کیا کہ یہ ٹیکس صرف 46 فیصد امپورٹڈ سولر پرزہ جات پر لاگو ہوگا اور اس کی وجہ سے قیمت میں اوسطاً 4.6 فیصد اضافہ متوقع ہے،تاہم کچھ عناصر نے اس کا غلط فائدہ اٹھاتے ہوئے پہلے ہی قیمتیں بڑھا دی ہیں، جو قابلِ قبول نہیں۔
محمد اورنگزیب نے زور دے کر کہا کہ ایسے افراد یا کاروباری حلقے جو اس فیصلے کو جواز بنا کر ناجائز منافع خوری کر رہے ہیں، ان کے خلاف نہ صرف وفاقی سطح پر بلکہ صوبوں کے تعاون سے بھرپور کارروائی کی جائے گی۔
وزیر خزانہ نے مزید کہا کہ حکومت صرف محصولات جمع کرنے تک محدود نہیں، بلکہ وہ جامع ترقیاتی حکمت عملی پر بھی عمل پیرا ہے۔ انہوں نے بتایا کہ مالی معاونت کو مزید وسعت دی جا رہی ہے اور رواں سال سینیٹ کی 50 فیصد سے زائد سفارشات کو فنانس بل میں شامل کیا جائے گا۔ ان کے مطابق حکومت کی پالیسیوں کا محور صرف بجٹ سازی نہیں بلکہ پائیدار اور منصفانہ ترقی ہے۔
انہوں نے زراعت کے شعبے میں حکومت کی توجہ کا ذکر کرتے ہوئے کہا کہ فرٹیلائزر اور پیسٹی سائیڈز پر سیلز ٹیکس ختم کر دیا گیا ہے۔ اس کے ساتھ ساتھ زرعی تعلیم کے فروغ کے لیے پاکستانی ایگری کلچر گریجویٹس کو چین بھیجا جا رہا ہے تاکہ وہ جدید تکنیک سیکھ کر وطن واپس آ کر ملکی زرعی ترقی میں کردار ادا کر سکیں۔
ذریعہ: Jasarat News
کلیدی لفظ: انہوں نے ٹیکس کی کہا کہ گیا ہے
پڑھیں:
معاشی بہتری کیلئے کردار ادا نہ کیا تو یہ فورسز کی قربانیوں کیساتھ زیادتی ہوگی، وفاقی وزیر منصوبہ بندی احسن اقبال
معاشی بہتری کیلئے کردار ادا نہ کیا تو یہ فورسز کی قربانیوں کیساتھ زیادتی ہوگی، وفاقی وزیر منصوبہ بندی احسن اقبال WhatsAppFacebookTwitter 0 2 November, 2025 سب نیوز
نارووال (آئی پی ایس )وفاقی وزیر منصوبہ بندی احسن اقبال نے کہا ہے کہ جس جذبے سے ہماری افواج دہشت گردی کیخلاف جنگ میں جانوں کا نذرانہ دے رہی ہیں، ملکی معاشی بہتری کے لیے کردا ر ادا نہ کیا تویہ فورسز کی قربانیوں کے صلے میں ان سے زیادتی ہوگی۔
وفاقی وزیر منصوبہ بندی احسن اقبال کا نارووال میں تقریب سے خطاب کرتے ہوئے کہنا تھا کہ پاکستان کی معیشت بحالی کی جانب گامزن ہے، ہمیں بھرپور جذبے سے ملکی معیشت کی بہتری کے لیے کردار ادا کرنا ہے، حکومت کی کوشش ہے کہ ملک میں بجلی، گیس اور توانائی کے بحران پر قابو پائیں۔انہوں نے کہا کہ جب ہمیں حکومت ملی تھی تو اس وقت معیشت سمیت تمام شعبہ جات تباہ حال تھے، رفتہ رفتہ ان سب میں بہتری آرہی ہے۔احسن اقبال نے مزید کہا کہ معشیت بہتر ہوتے ہی بجلی کے شعبے میں نرخوں میں کمی کو ممکن بنائیں گے، گیس کی قیمتیں بھی کم کرنا ہوں گی۔
ساتھ ہی وزیراعظم اور حکومت کی خواہش ہے کہ ٹیکسوں کی شرح میں کمی لائیں، تاہم اس کے لیے ضروری ہے کہ ٹیکس چوری کے خلاف ہم سب کو مل کر جہاد کرنا ہوگا۔جو لوگ ٹیکس ادا کرتے ہیں ان کی زمہ داری ہے کہ وہ حکومت کے ساتھ مل کر ٹیکس چوروں کی نشاندہی کریں، اگر ٹیکس چوری نہیں رکے گی تو تنخواہ دار طبقے پر مزید بوجھ بڑھے گا۔وفاقی وزیر منصوبہ بندی کا کہنا تھا کہ ٹیکس کے بغیر حکومت ترقیاتی کام نہیں کر سکتی، حکومت کے پاس پیسے چھاپنے کی کوئی مشین نہیں ہوتی، ٹیکس سے ہی ترقیاتی اور دیگر کام کرنے ہوتے ہیں، پاکستان میں اس وقت ٹیکس ٹو جی ڈی پی کی شرح 10 اعشاریہ5 ہے، ہمارے جیسے دیگر ممالک میں یہ شرح 16 سے 18 فیصد تک ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرصدر مملکت آصف زرداری قطر میں ہونے والی دوسری عالمی سماجی ترقیاتی کانفرنس میں شرکت کرینگے صدر مملکت آصف زرداری قطر میں ہونے والی دوسری عالمی سماجی ترقیاتی کانفرنس میں شرکت کرینگے مشترکہ لائحہ عمل کے تحت بانی پی ٹی آئی کو رہا کروائیں گے،وزیراعلیٰ سہیل آفریدی خیبر پختونخوا میں اس وقت ایسی صورتحال نہیں کہ گورنر راج لگانا پڑے، فیصل کریم کنڈی ڈاکٹر شفیق الرحمن تیسری مرتبہ امیر جماعت اسلامی بنگلا دیش منتخب نائب وزیراعظم اور وزیر خارجہ اسحاق ڈار کل استنبول کا دورہ کریں گے سہیل آفریدی کی قیادت میں ریاستی اداروں پر حملے کے شواہد سامنے آگئے، اختیار ولیCopyright © 2025, All Rights Reserved
رابطہ کریں ہماری ٹیم
40 ارب کا میگا کرپشن اسکینڈل، ملزم کے گھر سے مزید 20 کروڑ روپے برآمد