حیفا میں وسیع پیمانے پر تباہی ہوئی ہے، یہاں کچھ بھی محفوظ نہیں، میئر
اشاعت کی تاریخ: 21st, June 2025 GMT
اسرائیلی اخبار سے بات کرتے ہوئے انہوں نے کہا "اگر میں دیگر شہروں کے میئرز کو مشورہ دینا چاہوں جو نشانے پر ہیں، تو میں انہیں 106 ایمرجنسی سنٹر میں نفسیاتی ماہرین تعینات کرنے کا مشورہ دوں گا، تاکہ شہریوں کو پرسکون کیا جا سکے اور انہیں شہر چھوڑنے سے روکا جا سکے۔" اسلام ٹائمز۔ اسرائیل کے ساحلی شہر حيفا کے میئر نے یونا یاہو نے ایرانی میزائل حملے کے بعد شہر کے مرکز میں ہونے والی شدید تباہی کا اعتراف کرتے ہوئے کہا ہے کہ براہ راست نشانہ بننے والے علاقے میں بڑے پیمانے پر نقصان ہوا ہے۔ یہاں کچھ بھی محفوظ نہیں ہے۔ حيفا کے میئر یونا یاہو نے اسرائیلی اخبار "دافار" سے بات کرتے ہوئے کہا کہ اگرچہ مرمت کے کام شروع ہو گئے ہیں، لیکن تباہی کے اثرات اب بھی واضح ہیں۔ انہوں نے مزید کہا کہ کوئی بھی چیز محفوظ نہیں، لوگ خوفزدہ ہیں، اور ان کا خوف جائز ہے۔ ہم اس جنگ کے ختم ہونے کے بعد ہی بحال ہو سکتے ہیں۔ یاہو نے اشارہ کیا کہ بلدیہ کی ٹیمیں بتدریج گلیوں میں زندگی بحال کرنے کے لیے کام کر رہی ہیں، لیکن سب سے بڑی کمی شہر کے وہ باشندے ہیں جو ہفتے کے دنوں میں یہاں اکٹھا ہوا کرتے تھے۔ آج صرف چند ہی لوگ کافی شاپس اور دکانوں تک گئے، جو محتاط انداز میں کھلی تھیں۔ اخبار کے مطابق، ایرانی میزائل نے "ایک حساس علاقے" کو نشانہ بنایا۔ یاہو نے کہا کہ انہیں وزیر اعظم اور کئی وزراء کی فون کالز موصول ہوئیں اور انہوں نے بنیادی ڈھانچے کی مرمت، خاص طور پر سڑکوں کی مرمت کے لیے فوری مالی امداد کا مطالبہ کیا۔ انہوں نے مزید کہا، "اگر میں دیگر شہروں کے میئرز کو مشورہ دینا چاہوں جو نشانے پر ہیں، تو میں انہیں 106 ایمرجنسی سنٹر میں نفسیاتی ماہرین تعینات کرنے کا مشورہ دوں گا، تاکہ شہریوں کو پرسکون کیا جا سکے اور انہیں شہر چھوڑنے سے روکا جا سکے۔"
.ذریعہ: Islam Times
کلیدی لفظ: انہوں نے یاہو نے جا سکے
پڑھیں:
اپنے میزائل ٹیسٹ کرنے کیلئے ہمسائے(ایران) کو دیدیں، سعد رضوی
ٹی ایل پی کے سربراہ کا کہنا تھا کہ ایران کے بعد آپ کی باری ہے، ہمیں اپنے دفاع کیلئے قدم بڑھانا چاہیئے، وہ جو (میزائل) رکھے ہوئے ہیں، انہیں چلا دینا چاہئے۔ انہوں نے کہا کہ ڈاکٹر قدیر خان نے جو میزائل بنائے تھے، وہ چلا کر ٹیسٹ کر لیں، اگر آپ ٹیسٹ نہیں کر سکتے تو ساتھ والے ہمسائے (ایران) کو دیدیں، وہ اپنے میزائل چلا تو رہا ہے، ساتھ میں یہ بھی چلا کر ٹیسٹ کرلے گا۔ اسلام ٹائمز۔ تحریک لبیک پاکستان کے سربراہ حافظ سعد حسین رضوی نے کہا ہے کہ اللہ کا حکم ہے کہ یہود و نصاریٰ مسلمانوں سے کبھی راضی نہیں ہو سکتے، یہاں تک کہ تم اسلام چھوڑ کر کفر میں داخل نہ ہو جائیں، یہ تم سے کبھی راضی نہیں ہو سکتے، امریکہ ہم سے کبھی راضی نہیں ہوگا۔ سعد رضوی نے کہا کہ یاد رکھنا، ایران کے بعد آپ کی باری ہے، ہمیں اپنے دفاع کیلئے قدم بڑھانا چاہیئے، وہ جو (میزائل) رکھے ہوئے ہیں، انہیں چلا دینا چاہئے۔ انہوں نے کہا کہ ڈاکٹر قدیر خان نے جو میزائل بنائے تھے، وہ چلا کر ٹیسٹ کر لیں، اگر آپ ٹیسٹ نہیں کر سکتے تو ساتھ والے ہمسائے (ایران) کو دیدیں، وہ اپنے میزائل چلا تو رہا ہے، ساتھ میں یہ بھی چلا کر ٹیسٹ کرلے گا۔
ٹی ایل پی کے سربراہ کا کہنا تھا کہ غزنوی بھی چلوا لیں، غوری بھی چیک کر لیں۔ چلیں تو سہی تل ابیب پر جاکر گریں، ہمسایوں کا بھی حق ہوتا ہے، دو چار میزائل انہیں بھی دیدیں، تاکہ وہ بھی تل ابیب پر چلا دیں۔ سعد رضوی کا کہنا تھا کہ پاکستان کا دفاع مضبوط ہاتھوں میں ہے، لیکن اس کیلئے اگر ہم ہمسایوں کو ساتھ مل لیں تو یہ اور زیادہ مضبوط ہو جائے گا، کیونکہ یہود و نصاریٰ نے ہمیں دھوکہ دینا ہے، انہیں ہمارا ایٹمی پروگرام کھٹکتا ہے، وہ کسی طور یہ برداشت نہیں کر سکتے کہ کوئی مسلمان ملک ایٹمی قوت ہو، اس لئے ہمیں ان اسلام دشمن استعماری قوتوں سے ہوشیار رہنا ہوگا، یہ دوست بنا کر بھی ڈستے ہیں اور دشمن بنا کر بھی مارتے ہیں تو بہتر ہے کہ دشمن بن کر ان کا مقابلہ کیا جائے۔
فیصل قریشی نے نادیہ افگن کی تنقید کا جواب دے دیا