ایران میں اسرائیل کے لیے جاسوسی کے الزام میں ایک اور شخص کو پھانسی دے دی
اشاعت کی تاریخ: 22nd, June 2025 GMT
ایران نے اسرائیلی خفیہ ایجنسی موساد کے لیے جاسوسی کرنے کے الزام میں ایک اور شہری کو پھانسی دے دی ہے۔ یہ اقدام ان درجنوں گرفتاریوں کے تسلسل کا حصہ ہے جو حالیہ ہفتوں میں اسرائیل کے ساتھ مبینہ روابط پر کی گئی ہیں۔
ایرانی عدلیہ کے سرکاری نیوز آؤٹ لیٹ میزان کے مطابق مجرم کی شناخت ماجد موسیبی کے نام سے ہوئی ہے، جس پر الزام تھا کہ اس نے حساس معلومات اسرائیل کو فراہم کیں اور ملکی سلامتی کے خلاف سرگرمیوں میں ملوث رہا۔
یہ بھی پڑھیں ایرانی سیکیورٹی فورسز کی کارروائی میں مبینہ جاسوس گرفتار، افغان شہری بھی شامل
ایرانی حکام کا کہنا ہے کہ ماجد موسیبی کو عدالتی کارروائی کے بعد تمام قانونی تقاضے مکمل ہونے پر سزائے موت سنائی گئی، اور عدالت نے اسے صیہونی دشمن کے لیے جاسوسی کا مرتکب قرار دیا۔
خیال رہے کہ یہ واقعہ ایسے وقت پیش آیا ہے جب ایران اور اسرائیل کے درمیان کشیدگی اپنے عروج پر ہے۔ 13 جون کو ایران پر اسرائیلی حملوں کے بعد ایرانی سیکیورٹی ادارے مسلسل کارروائیاں کررہے ہیں، جن میں موساد سے تعلق کے شبے میں درجنوں افراد کو حراست میں لیا جا چکا ہے۔
ایرانی سیکیورٹی حکام کا کہنا ہے کہ گرفتار شدگان میں سے کچھ افراد مبینہ طور پر ایرانی جوہری تنصیبات، عسکری مراکز اور حساس اداروں سے متعلق معلومات غیر ملکی ایجنسیوں تک پہنچا رہے تھے۔
ایران میں گزشتہ ہفتے بھی موساد سے تعلق رکھنے کے الزام میں ایک اور شخص کو سزائے موت دی گئی تھی، جس سے ظاہر ہوتا ہے کہ ایرانی ریاست اپنی سلامتی سے متعلق معاملات میں زیرو ٹالرنس پالیسی پر کاربند ہے۔
یہ بھی پڑھیں ایران اور اسرائیل کا ایک دوسرے کے جاسوس گرفتار کرنے کا دعویٰ
سرکاری ذرائع کے مطابق ایران اسرائیلی خفیہ نیٹ ورکس کو داخلی خطرہ تصور کرتا ہے اور ان کے خلاف کریک ڈاؤن جاری رکھے ہوئے ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی خفیہ ایجنسی ایران جاسوسی سزائے موت موساد وی نیوز.ذریعہ: WE News
کلیدی لفظ: اسرائیلی خفیہ ایجنسی ایران سزائے موت وی نیوز کے لیے
پڑھیں:
ایران کا موساد ایجنٹ گرفتار کرنے کا دعوی
تہران (اُردو پوائنٹ اخبارتازہ ترین - این این آئی۔ 20 جون2025ء)ایران نے کہا ہے کہ انہوں نے ایک اور موساد جاسوس کو گرفتار کیا ہے۔ایرانی میڈیا رپورٹس کے مطابق مبینہ گرفتار جاسوس بذریعہ واٹس ایپ ایرانی فضائی دفاع کا ڈیٹا شیئر کر رہا تھا۔(جاری ہے)
جمعے کو حکام نے موساد کے ایک مشتبہ ایجنٹ کو گرفتار کیا ہے جس نے مبینہ طور پر واٹس ایپ میسجنگ ایپ کے ذریعے ایران کی فضائی دفاعی تنصیبات کے بارے میں معلومات اسرائیل کو بھیجی تھیں۔
ججز ٹرانسفر اور سینیارٹی کیس:عدلیہ میں ڈیپوٹیشن یا جج کو کسی دوسری عدالت میں ضم کرنے کا اصول نہیں، جسٹس محمد علی مظہر