امریکی حملے کے بعد جوہری تنصیبات سے تابکاری کا خطرہ نہیں ہے، ایرانی وزارت صحت
اشاعت کی تاریخ: 22nd, June 2025 GMT
TEHRAN:
ایران کی وزارت صحت نے جوہری تنصیبات پر امریکی حملے کے بعد ایسی کسی تابکاری مواد کے اخراج کے امکان کو مسترد کردیا ہے، جو عوامی صحت کے لیے خطرناک ہو۔
ایران کی سرکاری خبرایجنسی تسنیم کی رپورٹ کے مطابق ایران کے نائب وزیرصحت علی رضا رئیسی نے یقین دہانی کروائی ہے کہ ایسا کوئی مواد خارج نہیں ہوگا جس سے عوامی صحت کو خطر ہو کیونکہ جوہری تنصیبات پر ایسا کوئی مواد نہیں تھا کہ یورینیم افزودگی کے لیے استعمال کی جا رہی ہو۔
علی رضا رئیسی نے کہا کہ جوہری تنصیبات پر کسی قسم کے نقصان کی صورت میں وہاں موجود عملے کو خطرات پیش آسکتی ہیں اور خطرناک صورت پر مذکورہ علاقے کے اطراف 500 سے ایک ہزار میٹر تک اثرات ہوسکتی تھیں۔
انہوں نے کہا کہ ایرانی جوہری تنصیبات آبادی سے کم از کم 30 کلومیٹر دور واقع ہیں، اس لیے عوامی صحت پر کسی قسم کے خطرات کا اندیشہ نہیں ہے۔
نائب وزیر صحت نے بتایا کہ نطنز اور فردو جوہری تنصیبات کے علاقے میں شہریوں کو تابکاری سے بچنے کے لیے ادویات (کے ایل ٹیبلٹس) لینے کی ضرورت نہیں ہے۔
پوٹاشیم لوڈیڈ (کے ایل) انسانی جسم کے تھائیرائیڈ گلینڈ کو ریڈیو ایکٹیو آئیوڈین سے محفوظ رکھتا ہے، جو تابکاری کے نتیجے میں ہوا میں شامل ہوسکتے ہیں۔
ایرانی نائب وزیرصحت نے کہا کہ جوہری مواد نطنز سے منتقل کردیا گیا تھا اور مانیٹرنگ سسٹم نے واضح کیا کہ شہریوں کو تابکاری مواد کے اخراج سے نقصان کا کوئی خدشہ نہیں ہے اور امکان نظر نہیں آرہا ہے۔
.
ذریعہ
ذریعہ: Express News
کلیدی لفظ: جوہری تنصیبات نہیں ہے
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار