کمشنر سیسی کی ایک سالہ کارکردگی
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
مصدقہ اطلاعات کے مطابق کمشنر سیسی میانداد راہجو کو گریڈ 19 سے 20 میں ترقی کی سرکاری ٹریننگ کے لیے منتخب کر لیا گیا ہے اور وہ 27 جون 2025 سے اس ٹریننگ کو جوائن کریں گے۔ یاد رہے کہ گزشتہ سال جون میں میانداد راہجو کی بطور کمشنر سندھ ایمپلائز سوشل سیکورٹی انسٹی ٹیوشن تعیناتی ہوئی تھی، بنیادی طور میانداد راہجو فیڈرل گورنمنٹ کے اکاؤنٹ و آڈٹ کے افسر تھے جن کو ڈیپوٹیشن پر سیسی میں بطور کمشنر سیسی تعیناتی ہوئی تھی، ان کی پوری کوشش تھی کہ سیسی کے بدعنوانی و بدانتظامی کے تاثر کو ختم کیا جائے اور اس کے لیے انہوں نے اپنی بھرپور کوشش بھی کی لیکن سیسی کی افسر شاہی نے انہیں کامیاب نہیں ہونے دیا، گزشتہ سال 2023-24 کے بجٹ میں انہوں نے 22 ارب روپے کنٹری بیوشن کا ہدف مقرر کیا تھا جس کے حصول میں لوکل ڈائریکٹوریٹ مکمل ناکام ہوئے اور بامشکل ساٹھ فیصد ہی اس ہدف کا حاصل کیا جاسکا۔ اس ہی طرح 6لاکھ ڈیجیٹل مزدور کارڈ کا اجراء جو 2سال میں مکمل ہونا تھا وہ 4سے بعد بھی مکمل نہ ہوسکا۔ چیئرمین پیپلز پارٹی بلاول بھٹو کے احکامات کے باوجود اب تک بمشکل ڈیڑھ لاکھ مزدوروں کو ہی حال ڈیجیٹل کارڈ کا اجراء ہوسکا ہے، اس ہی طرح تحفظ یافتہ محنت کشوں کو بہتر اور معیاری ادویات کی فراہمی کے لیے سیسی میں اس کی خریداری کا نیا نظام نافذ کیا لیکن مزدوروں کے بقول انہیں ادویات کے معیار میں کوئی بہتری نظر نہیں آئی۔ سی ٹی اسکین سمیت اسپتالوں کی اہم مشینری جو گزشتہ سال خراب تھیں وہ سیسی انتظامیہ کے سرخ فیتہ کی نظر رہی اور وہ آج تک ریپیر نہیں ہوسکیں اور نا ہی اس کا متبادل تلاش کیا گیا، گزشتہ ایک سال کے دوران کمشنر سیسی نے آجروں کی مختلف ایسوسی ایشن کے ساتھ میٹنگ کی انہیں سوشل سیکورٹی اسکیم کے فوائد سے آگاہ کیا لیکن کمشنر سیسی کی خواہش کے باوجود محنت کشوں کے نمائندوں اور فیڈریشنز کے ساتھ سیسی انتظامیہ کوئی باقاعدہ پروگرام آرگنائز نہیں کرسکی جن کے ساتھ مل بیٹھ کر سیسی میں تحفظ محنت کشوں کے درپیش مشکلات و مسائل اور ان کے حل کا کوئی طریقہ کار تلاش کیا جاتا۔
.
ذریعہ
ذریعہ: Jasarat News
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار