جنوبی پنجاب کی خواتین کو مفت گائے اور بھینس ملے گی، مریم نواز کا تاریخی اقدام
اشاعت کی تاریخ: 23rd, June 2025 GMT
وزیر اعلیٰ پنجاب مریم نواز نے جنوبی پنجاب کی غریب دیہی خواتین کو معاشی خودمختاری دلانے کے لیے ایک انقلابی منصوبے کا آغاز کرتے ہوئے طلاق یافتہ اور بیوہ خواتین کو مفت گائے اور بھینسیں دینے کا اعلان کیا ہے۔
پنجاب حکومت کے محکمہ لائیو اسٹاک کے مطابق، یہ منصوبہ جنوبی پنجاب کے 12 اضلاع تک محدود ہے، جن میں ڈیرہ غازی خان، مظفرگڑھ، راجن پور، لیہ، کوٹ ادو، ملتان، خانیوال، لودھراں، وہاڑی، رحیم یار خان اور بہاولپور شامل ہیں۔
صرف بیوہ یا طلاق یافتہ خواتین اس اسکیم کی اہل ہوں گی۔ تعلیم کی کوئی شرط نہیں رکھی گئی۔55 سال کی عمر تک کی خواتین اپلائی کر سکتی ہیں۔ خواتین کا تعلق دیہی علاقوں سے ہونا لازم ہے۔
مزید پڑھیں: مریم نواز کا خواتین کو خود کفیل بنانے کے لیے مفت گائے اور بھینسیں دینے کا اعلان
خواتین محکمہ لائیو اسٹاک کی موبائل ایپ پر آن لائن درخواست دے سکتی ہیں یا قریبی شفاخانہ حیوانات (ویٹرنری اسپتال) پر موجود وزیراعلیٰ ڈیسک سے رجوع کرکے درخواست جمع کروا سکتی ہیں۔
منصوبے کے تحت 11 ہزار مستحق خواتین کو 2 ارب روپے کی لاگت سے مفت مویشی فراہم کیے جائیں گے۔ پہلے مرحلے میں 4870 خواتین کو گائیں یا بھینسیں دی جائیں گی۔
وزیراعلیٰ مریم نواز نے کہا کہ ہماری حکومت کا عزم ہے کہ دیہات اور شہروں میں غربت کا فرق مٹایا جائے۔ دیہی خواتین کو خودمختار بنانا معاشی انصاف کی سمت ایک اہم قدم ہے۔ شہروں اور دیہات میں رہنے والی ہر عورت کو تعلیم، صحت اور روزگار کے مساوی مواقع دینا حکومت کی ترجیح ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی پنجاب گائے بھینس مریم نواز مسلم لیگ ن.
ذریعہ
ذریعہ: WE News
کلیدی لفظ: گائے بھینس مریم نواز مسلم لیگ ن مریم نواز خواتین کو
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار