معروف پاکستانی اداکارہ کا حجاب لینے کا فیصلہ، سوشل میڈیا پوسٹ میں کیا کہا؟
اشاعت کی تاریخ: 23rd, June 2025 GMT
پاکستانی اداکارہ اریج فاطمہ میں شوبز انڈسٹری کو خیرباد کہنے کے بعد حجاب لینا شروع کر دیا جس پر صارفین کی جانب سے انہیں خوب سراہا جا رہا ہے۔
حال ہی میں حجاب کا آغاز کرنے والی سابقہ اداکارہ اریج فاطمہ نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں انہوں نے حجاب کے انتخاب اور اس کے تجربے پر بات کی۔
انہوں نے لکھا کہ یہ بہت مضحکہ خیز ہے کہ جیسے ہی میں نے حجاب لینا شروع کیا، کچھ لوگوں نے سمجھا کہ اب وہ مجھے لیکچر دینا یا مجھ پر تنقید کرنا اپنا فرض سمجھتے ہیں۔
یہ بھی پڑھیں: ’ اب پردہ کرتی ہوں‘، زرنش خان کی سوشل میڈیا سے پرانی تصاویر استعمال نہ کرنے کی درخواست
انہوں نے بتایا کہ میرے انباکس میں لمبے لمبے پیغامات آ رہے ہیں کوئی نصیحتیں دے رہا ہے تو کوئی مجھ پر تنقید کر رہا ہے۔ اریج نے کہا کہ خدارا، تھوڑا سکون کریں۔ میں وہی کر رہی ہوں جو میرے دل کو درست لگتا ہے اور جس طرف اللہ کی رہنمائی محسوس ہوتی ہے اور میرے لیے یہی کافی ہے۔
سابقہ اداکارہ کا کہنا تھا کہ حجاب کا انتخاب میرا ذاتی فیصلہ ہے، اور اس کا مطلب ہرگز یہ نہیں کہ میں نے کسی کی رائے یا ناپسندیدہ مشورے کی درخواست کی ہے۔
View this post on Instagram
A post shared by Arij Fatyma (@arijfatymajafri)
کئی صارفین نے اس فیصلے کے بعد اداکارہ کی حوصلہ افزائی کی اور کہاکہ انہوں نے بہت اچھا فیصلہ کیا ہے۔ کئی صارفین سابقہ اداکارہ کو یہ کہتے نظر آئے کہ اپنے اس فیصلے پر قائم رہیے گا۔ ایک اور صارف کا کہنا تھا کہ،’مجھے معلوم تھا آپ ایک دن ضرور حجاب لینا شروع کریں گی‘۔’
واضح رہے کہ ڈراما سیریل ’حسد ‘، ’گستاخِ دل‘ اور ’ تم میرے پاس رہو‘ سمیت متعدد ہٹ سیریلز میں اپنی اداکاری کے جوہر دکھانے والی اریج فاطمہ نے کرئیر کے عروج پر ہی شادی کرنے کا فیصلہ لیا تھا اور سال 2017 میں ڈاکٹر عزیر علی سے رشتہ ازدواج میں منسلک ہوگئی تھیں، اب دو بیٹوں کی والدہ ہیں۔
اریج فاطمہ امریکی ریاست اوہائیو میں مقیم ہیں ان کے انسٹاگرام پر1.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ حجاب اریج فاطمہ پاکستانی ڈرامے
ذریعہ
ذریعہ: WE News
کلیدی لفظ: اداکارہ حجاب اریج فاطمہ پاکستانی ڈرامے اریج فاطمہ انہوں نے
پڑھیں:
ایچ ای سی نے ڈیٹا لیک سے متعلق سوشل میڈیا پر گردش کرنے وا لی خبروں کی تردید کردی
اسلام آباد (اُردو پوائنٹ اخبارتازہ ترین - اے پی پی۔ 03 جون2026ء) ہائر ایجوکیشن کمیشن (ایچ ای سی)نے اپنے ڈیٹا بیس میں مبینہ نقب زنی اور ریکارڈ لیک ہونے سے متعلق سوشل میڈیا پر گردش کرنے والی خبروں کو بے بنیاد اور گمراہ کن قرار دیتے ہوئے سختی سے مسترد کر دیا ۔ ایچ ای سی نے اپنے بیان میں کہا کہ کمیشن نے ان رپورٹس کا نوٹس لیتے ہوئے فوری تحقیقات کیں جن میں دعویٰ کیا گیا تھا کہ ایچ ای سی کے ڈیٹا بیس سے معلومات لیک ہو گئی ہیں۔ بیان کے مطابق ایچ ای سی کے سائبر سکیورٹی آپریشن سینٹر کی جانب سے کی جانے والی تحقیقات سے یہ بات واضح ہوئی ہے کہ آن لائن گردش کرنے والے نمونہ ریکارڈز کا ایچ ای سی کے ڈگری اٹیسٹیشن سسٹم سے کوئی تعلق نہیں ۔ ایچ ای سی کے مطابق اس کے مرکزی نظام اور ریکارڈ کی سکیورٹی برقرار ہے اور کسی قسم کے ڈیٹا بریچ یا حساس معلومات کے افشا ہونے کے شواہد نہیں ملے۔(جاری ہے)
بیان میں کہا گیا ہے کہ عوام اور طلبہ بلا تصدیق معلومات پر یقین نہ کریں اور صرف مستند ذرائع سے جاری کردہ معلومات کو ہی اہمیت دیں۔ ایچ ای سی نے شہریوں، طلبہ اور متعلقہ حلقوں سے اپیل کی ہے کہ وہ غیر مصدقہ خبروں اور افواہوں کو آگے پھیلانے سے گریز کریں کیونکہ اس طرح کی غلط معلومات عوام میں بے چینی پیدا کرنے کا باعث بن سکتی ہیں۔ کمیشن نے اس عزم کا اعادہ کیا کہ تعلیمی ریکارڈ، ڈگری اٹیسٹیشن اور دیگر ڈیجیٹل خدمات کی سکیورٹی کو یقینی بنانے کے لیے جدید سائبر سکیورٹی اقدامات نافذ کیے جا رہے ہیں تاکہ صارفین کا اعتماد برقرار رکھا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ