پاکستان بزنس فورم نے ایک اہم سنگ میل عبور کرلیا
اشاعت کی تاریخ: 24th, June 2025 GMT
فرانس(اُردو پوائنٹ اخبارتازہ ترین۔ 24 جون 2025ء) پاکستان بزنس فورم یورپ کی پہلی اہم ترین میٹنگ جرمنی کے شہر ہیگن میں ہوئی ، اس میٹنگ میں فرانس ، بلجئیم ، جرمنی ، اٹلی ، اسپین ، سویڈن ، ہالینڈ ، آسٹریا ، بوسنیا کے وفود نے شرکت کی ، پروگرام کا باقاعدہ آغاز تلاوت قرآن پاک سے کیا گیا اور آقا دو جہاں ص کے حضور نعت کا ہدیہ پیش کیا گیا- بانی بزنس فورم حاجی اسلم چوہدری نے میٹنگ میں یورپ بھر سے آئے ہوئے تمام مہمانوں فردا فردا تعارف کروایا، اور باہمی مشاورت سے متفقہ طور پر یورپین تنظیم اور دیگر ممالک کی تنظیمات کا باقاعدہ اعلان کیا، چیئرمین یورپ سردار ظہور اقبال نے میٹنگ کے تمام شرکاء اور منتخب عہدیداروں کو مبارکباد دی اور اپنے خطاب میں بزنس فورم کی چار سالہ کارکردگی سے تفصیل سے آگاہ کیا- انہوں نے کہا کہ ہم عملی طور پر مثبت انداز سے اپنے کام کو جاری رکھے ہوئے ہیں اور اب فرانس کے ساتھ ساتھ یورپ بھر کے بزنس مینوں کو پاکستان کی لڑی میں پروکر کامیابی سے آگے بڑھتے رہیں گے- پاکستان بزنس فورم یورپ کے عہدیداران میں سرپرست اعلی یورپ محمد ابراہیم ڈار ، چیئرمین یورپ سردار ظہور اقبال، صدر یورپ چوہدری مظہر اقبال دیونہ ، جنرل سیکریٹری یورپ حاجی محمد اسلم چوہدری، ڈپٹی سیکریٹری یورپ یاسر خان ، لیگل ایڈوائزر یورپ سلمان اسلم چوہدری ، چیف میڈیا ایڈوائزر یورپ صاحبزادہ عتیق الرحمن کا انتخاب کیا گیا ، دیگر ممالک کی تنظیموں کے حوالے سے جرمنی سے چوہدری ناصر محمود کو صدر ، ہالینڈ سے ملک اجمل کو صدر ، اٹلی سے چوہدری ساجد سارنگ کو صدر ، منیر آصف نائب صدر ، اجمل شاہد جنرل سیکریٹری ، بلجیم سے سردار صدیق کو کنونئیر ، آسٹریا سے ملک امین کو کنوینئیر ، سویڈن سے نوید احمد آرائیں کو کنونئیر آصف بوسنیا سے مرزا نذیر عالم کو کنونئیر کی ذمہ داری سونپی گئی، کنوینئرز اور صدور اگلے ہفتوں میں اپنے اپنے ملک میں تنظیمات کو مکمل کرکے یورپین باڈی کو منظوری کے لئے بھیجیں گے ، چیئرمین یورپ سردار ظہور اقبال نے میٹنگ کے تمام شرکاء اور منتخب عہدیداروں کو مبارکباد دی اور اپنے خطاب میں بزنس فورم کی چار سالہ کارکردگی سے تفصیل سے آگاہ کیا- انہوں نے کہا کہ ہم عملی طور پر مثبت انداز سے اپنے کام کو جاری رکھے ہوئے ہیں اور اب فرانس کے ساتھ ساتھ یورپ بھر کے بزنس مینوں کو پاکستان کی لڑی میں پروکر کامیابی سے آگے بڑھتے رہیں گے- یورپین میٹنگ سے نومنتخب عہدیداروں صدر یورپ چوہدری مظہر دیونہ ، سرپرست اعلٰی محمد ابراہیم ڈار ، لیگل ایڈوائزر یورپ سلمان اسلم نے بھی خطاب کیا اور بزنس فورم کی پاکستان اور اوورسیز کمیونٹی کے لئے عملی خدمات کا تذکرہ کیا۔
(جاری ہے)
دو روزہ میٹنگ کے مختلف سیشنز کے بعد یہ میٹنگ اپنے اختتام کو پہنچی ، میزبان میٹنگ چوہدری مظہر دیونہ صدر پاکستان بزنس فورم یورپ نے تمام مہمانوں کا شکریہ ادا کیا۔.
ذریعہ
ذریعہ: UrduPoint
کلیدی لفظ: تلاش کیجئے پاکستان بزنس فورم
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم