پہلگام دہشتگردانہ حملے میں کشمیری ملوث نہیں ہیں، عمر عبداللہ
اشاعت کی تاریخ: 25th, June 2025 GMT
وزیراعلٰی کا یہ بیان ایک ایسے وقت پر سامنے آیا ہے جب بھارت کی قومی تحقیقات ایجنسی (این آئی اے) نے دو روز قبل دو مقامی شہریوں کو حراست میں لیکر کورٹ سے پانچ روزہ تحویل حاصل کی۔ اسلام ٹائمز۔ جموں و کشمیر کے وزیراعلٰی عمر عبداللہ نے پہلگام حملے میں مقامی مدد شامل نہ ہونے کو خوش آئند قرار دیتے ہوئے کہا کہ یہ بہت بڑی بات ہے کہ پہلگام حملے میں ملوث افراد غیر مقامی تھے، اس میں کشمیریوں کی کوئی مداخلت نہیں تھی۔ عمر عبداللہ نے کہا کہ جن لوگوں نے یہ دہشتگردانہ حملہ کیا، جنہوں نے 26 نہتے اور معصوم شہریوں کی جان لی، وہ سبھی یہاں کے نہیں تھے۔ وزیر اعلیٰ نے ان باتوں کا اظہار وادی کشمیر کے معروف سیاحتی مقام گلمرگ میں میڈیا نمائندوں کے ساتھ غیر رسمی گفتگو کے دوران کیا۔ عمر عبداللہ کا یہ بیان ایک ایسے وقت پر سامنے آیا ہے جب بھارت کی قومی تحقیقات ایجنسی (این آئی اے) نے دو روز قبل دو مقامی شہریوں کو حراست میں لیکر کورٹ سے پانچ روزہ تحویل حاصل کی۔ حراست میں لئے گئے پہلگام علاقے کے دو شہریوں پر پہلگام حملے میں ملوث افراد کو پناہ فراہم کرنے کے ساتھ ساتھ دیگر لاجسٹک مدد دینے کا الزام ہے۔
جموں و کشمیر کے وزیراعلٰی عمر عبداللہ نے کہا کہ شاید این آئی اے کے مطابق ان دونوں افراد سے زبردستی یا دھونس دباؤ کے تحت مدد لی گئی، تاہم اصل حقیقت این آئی اے کی مکمل تحقیقات کے بعد ہی سامنے آئے گی۔ تاہم عمر عبداللہ نے کہا کہ پہلگام میں نہتے لوگوں پر گولیاں برسانے والے سبھی غیر مقامی تھے، یہاں کے شہری اس جرم میں ملوث نہیں تھے۔ عمر عبداللہ کا یہ بیان نیشنل کانفرنس کے صدر ڈاکٹر فاروق عبداللہ کے بیان کے بالکل متصادم ہے جس میں انہوں نے گمان کیا تھا کہ پہلگام حملہ مقامی شہریوں کی مدد کے بغیر ممکن نہیں ہو سکتا۔ فاروق عبداللہ کے اس بیان پر شدید ردعمل ظاہر کیا گیا تھا جس کے بعد فاروق عبداللہ نے اس کی تردید کرتے ہوئے دعویٰ کیا کہ ان کے بیان کو توڑ مروڑ کر پیش کیا گیا۔ دریں اثناء انہوں نے ایران اور اسرائیل کے مابین جنگ بندی کا خیرمقدم کیا اور کہا کہ جنگ بندی سے کشیدگی ختم ہوگی اور امن و امان کا دور دورہ ہوگا۔
ذریعہ: Islam Times
کلیدی لفظ: عمر عبداللہ نے ا ئی اے حملے میں کہا کہ
پڑھیں:
امریکی اڈے پر میزائل حملوں سے برادر ملک قطر اور شہریوں کو ئی خطرہ نہیں:ایرانی سپریم سکیورٹی کونسل
data-id="863a0a8" data-element_type="widget" data-widget_type="theme-post-content.default">
ایران کی سپریم نیشنل سکیورٹی کونسل نے قطر میں ائیربیس پر میزائل حملوں پر ردعمل میں کہا ہے کہ ہمارے اس اقدام سے ہمارے دوست اور برادر ملک قطر اور اس کے شہریوں کو کوئی خطرہ نہیں۔
عالمی خبررساں ادارے کے مطابق ایران کی سپریم نیشنل سکیورٹی کونسل کی جانب سے جاری بیان میں کہا گیا ہے کہ جو تم پر حملہ کرے اس پر اسی طرح حملہ کرو جس طرح اس نے کیا، ایران کی جوہری تنصیبات کے خلاف امریکا کے حملے کے جواب میں ایران کی مسلح افواج نے قطر کے شہر دوحا کے العدید اڈے کو تباہ کر دیا۔
بیان میں کہا گیا ہے کہ ’اس کامیاب آپریشن میں استعمال ہونے والے میزائلوں کی تعداد ان بموں کے برابر تھی جو امریکا نے ایران کی جوہری تنصیبات پر حملے میں استعمال کیے تھے۔
ایرانی سپریم نیشنل سکیورٹی کونسل نے دعویٰ کیا کہ ایرانی افواج کے حملے میں جس بیس کو نشانہ بنایا گیا وہ قطر میں شہری سہولیات اور رہائشی علاقوں سے بہت دور تھا۔
کونسل نے کہا کہ اس اقدام سے ہمارے دوست اور برادر ملک قطر اور اس کے شہریوں کو کوئی خطرہ نہیں اور ایران قطر کے ساتھ گرمجوشی اور تاریخی تعلقات کو برقرار رکھنے اور جاری رکھنے کے لیے پرعزم ہے۔
خیال رہے کہ ایران کی جانب سے قطر میں العدید ائیر بیس پر بیلسٹک میزائل فائر کیےگئے، امریکی نیوز ویب سائٹ کے مطابق ایران کی جانب سے قطر کی جانب 6 بیلسٹک میزائل فائر کیے گئے۔
قطر کی جانب سے دعویٰ کیا گیا ہے کہ اس کے فضائی دفاعی نظام نے امریکی العدید ائیر بیس کی جانب فائر کیا گیا ایک میزائل تباہ کردیا ہے۔
محرابپور،خسرہ کامریض بچہ چل بسا