پشاور: نو سالہ بچی کو زیادتی کے بعد قتل کرنے والے ملزم کا پراسرار قتل
اشاعت کی تاریخ: 25th, June 2025 GMT
پشاور کے علاقے لنڈی ارباب میں تین دن سے لاپتہ نو سالہ بچی مریم کی لاش پڑوسی الطاف کے گھر سے برآمد ہوئی ۔ پولیس کے مطابق ملزم نے بچی کو مبینہ طور پر زیادتی کے بعد اینٹوں اور چھری کے وار سے قتل کیا اور لاش کو صندوق میں چھپایا دیا تھا۔
پولیس کے مطابق ملزم الطاف مریم کے اہل خانہ کے ساتھ مل کر بچی کو تلاش کرنے کا ڈرامہ کرتا رہا اور خود کو معصوم ظاہر کرتا رہا۔ مقتولہ کے چچا کا کہنا ہے کہ الطاف نشے کا عادی تھا ہمسایہ ہونے کی وجہ سے اُسے کھانا بھی دیتے اور ضرورت پڑنے پر مالی مدد بھی کرتے تھے۔
کہانی میں نیا موڑ اس وقت آیا کہ جب پولیس ملزم کو جائے وقوع کا معائنہ کرانے کے لئے لائی تو واپسی پر نامعلوم موٹر سائیکل سواروں نے ملزم پر فائرنگ کردی جس سے وہ موقع پر ہی ہلاک ہو گیا۔
بچوں کے ساتھ جنسی ذیادتی کے بعد قتل کے واقعات میں اضافہ نہ صرف قانون نافذ کرنے والوں بلکہ معاشرے کے لئے بھی لمحہ فکریہ ہے۔
Post Views: 2.ذریعہ: Daily Mumtaz
پڑھیں:
لاہور میں طالبہ کو ہراساں کرنے والا رکشہ ڈرائیور گرفتار
لاہور:ورچوئل ویمن پولیس اسٹیشن نے طالبہ کو ہراساں کرنے والے رکشہ ڈرائیور کو گرفتار کرلیا۔
ترجمان سیف سٹی کے مطابق تھانہ ڈیفنس بی کے علاقے سے طالبہ کے ساتھ ہراسگی کی شکایت ہیلپ لائن 15 پر موصول ہوئی تھی جس پر فوری پولیس ٹیم کو موقع پر روانہ کیا گیا۔
متاثرہ بچی کے والد کے مطابق رکشہ ڈرائیور کالج آتے جاتے بیٹی کو ہراساں کرتا تھا، سیف سٹی کی خاتون افسر نے متاثرہ طالبہ سے رابطہ کرکے مکمل تحفظ کی یقین دہانی کروائی۔
پولیس نے موقع پر پہنچ کر ملزم کو رنگے ہاتھوں گرفتار کرکے مقدمہ درج کرلیا، ابتدائی تحقیقات میں انکشاف ہوا کہ ملزم پہلے بھی ایسی حرکات میں ملوث رہا ہے۔
ترجمان سیف سٹی کا کہنا ہے کہ خواتین کسی بھی ہراسانی یا ناخوشگوار صورتحال میں فوری طور پر 15 ہیلپ لائن یا ویمن سیفٹی ایپ کے ذریعے رابطہ کریں۔
پاکستان کے سمندر سے توانائی کی نئی اْمید