کوئٹہ ،موٹرسائیکل ،رکشا ،بس میں تصادم ،5 افراد جاں بحق
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت) کوئٹہ میں آتش گیر مادے سے لدے موٹر سائیکل لوڈر رکشا اور لوکل بس میں تصادم کے نتیجے میں آ گ بھڑکھنے سے 5 افراد جاں بحق جبکہ 7 زخمی ہو گئے۔تفصیلات کے مطابق افسوسناک واقعہ مغبی بائی پاس پر کلی خزاں کے مقام پر پیش آیا ہے۔ جہاں سڑک کنارے کھڑی لوکل بس کو آتش گیر مادے سے لدے موٹر سائیکل لوڈر رکشا نے ٹکر مار دی۔حادثے کے باعث بس اور موٹر سائیکل لوڈر رکشا میں آگ بھڑک اٹھی۔آگ کے شعلوں کی زد میں آکر 5 افراد جھلس کر جاں بحق جبکہ 7زخمی ہو گئے۔اطلاع ملنے پر پولیس اور امدادی ٹیموں نے موقع پر پہنچ کر لاشوں اور زخمیوں کو اسپتال منتقل کیا۔ پولیس سرجن ڈاکٹر عائشہ کے مطابق جاں بحق افراد کی شناخت ڈی این اے کے ذریعے کی جائے گی۔پولیس حکام کا کہنا ہے واقعہ لوڈر رکشا ڈرائیور کی غفلت کے باعث پیش آیا۔ واقعے کے بعد بس اور لوڈر رکشا ڈرائیور فرار ہو گئے۔ جن کی تلاش جاری ہے۔ وزیر اعلیٰ بلوچستان اور ترجمان صوبائی حکومت نے واقعے کی مذمت کرتے ہوئے رپورٹ طلب کر لی ہے۔دوسری جانب کوئٹہ میں موٹر سائیکل سوار افراد نے فائرنگ کرکے ایک شخص کو قتل کردیا۔ملزمان فرار ہو گئے۔واقعہ بروری روڈ پر پیش آیا جہاں نامعلوم موٹر سائیکل سوار حملہ آوروں نے فائرنگ کر کے ایک شخص کو قتل کردیا۔اطلاع ملنے پر پولیس نے موقع پر پہنچ کر لاش اسپتال منتقل کردی۔ جہاں مقتول کی شناخت محمد بلال کے نام سے ہوئی ہے جو میڈیسن سپلائی کا کام کرتا تھا۔ڈاکٹروں نے ضروری کارروائی کے بعد میت لواحقین کے حوالے کردی۔پولیس نے ابتدائی تحقیقات میں واقعے کو ٹارگٹ کلنگ قرار د یا ہے۔ نا معلوم ملزمان کے خلاف مقدمہ درج کرکے مزید کارروائی شروع کردی گئی ہے۔دریں اثنا میڈیسن ایسوسی ایشن نے محمد بلال کے قتل کے خلاف آج احتجاج کا اعلان کیا ہے۔
.ذریعہ: Jasarat News
کلیدی لفظ: موٹر سائیکل لوڈر رکشا ہو گئے
پڑھیں:
کراچی: لانڈھی میں پانی کے ٹینکر نے موٹرسائیکل سوار نوجوان کی جان لے لی
— فائل فوٹوکراچی کے علاقے لانڈھی میں پانی کے ٹینکر نے موٹرسائیکل سوار نوجوان کی جان لے لی۔
پولیس کے مطابق لانڈھی فیوچر موڑ کے قریب پانی کے ٹینکر کی زد میں آکر موٹرسائیکل سوار جاں بحق ہوگیا۔
پولیس نے بتایا کہ جاں بحق نوجوان محمد فصیح کی عمر 27 سال ہے۔
پولیس حکام کا کہنا ہے کہ ڈرائیور ٹینکر چھوڑ کر فرار ہوگیا، ٹینکر تحویل میں لے لیا گیا، واقعہ سے متعلق مزید معلومات حاصل کی جا رہی ہیں۔
پولیس نے ٹینکر ڈرائیور طاہر خان کو گرفتار کرلیا ہے، جسے ٹینکر سمیت تھانے منتقل کردیا گیا ہے۔
پولیس کا کہنا ہے کہ اس واقعے کے بعد کراچی میں رواں سال ہیوی ٹریفک کے حادثات میں جاں بحق افراد کی تعداد 138ہوگئی ہے۔
ٹرمپ ،عاصم منیرملاقات،تھری آئیز پر بات،بھارت میں صف ماتم ہے،مشاہدحسین سید