امریکا اور پاکستان کے درمیان اقتصادی شراکت داری کی طویل تاریخ ہے، امریکی ناظم الامور
اشاعت کی تاریخ: 25th, June 2025 GMT
پاکستان میں امریکی ناظم الامور نیٹالی بیکر نے او جی ڈی سی ایل ہیڈ آفس اسلام آباد سے پاکستان کے کان کنی کے شعبے میں سرمایہ کاری سے متعلق ڈائریکٹ لائن کال ویبینار میں بات کرتے ہوئے کہا ہے کہ پاکستان کا متنوع ارضیاتی منظرنامہ تانبے، سونے، لیتھیم اور اینٹی مونی جیسے وسیع معدنی ذخائر کا حامل ہے۔
یہ بھی پڑھیں امریکا پاکستان کے ساتھ دوطرفہ تعلقات کے مزید فروغ کا خواہاں، امریکی وفد کی وزیراعظم شہباز شریف سے ملاقات
انہوں نے کہاکہ حکومت پاکستان نے کاروباری ماحول کو بہتر بنانے کے لیے اہم اصلاحات کی ہیں تاکہ بین الاقوامی کمپنیاں آسانی سے پاکستانی منڈی میں داخل ہو سکیں۔ ان اصلاحات سے بین الاقوامی سرمایہ کاروں اور مقامی کمیونٹیز کو پاکستان کے بڑے پیمانے پر معدنی وسائل سے فائدہ اٹھانے کا موقع ملے گا۔
انہوں نے کہاکہ بلوچستان میں زیر تعمیر ریکو ڈِک کی عالمی معیار کی تانبے اور سونے کی کان اس صلاحیت کی نمایاں مثال ہے۔ یہ منصوبہ امریکا اور پاکستان کے درمیان دہائیوں پر محیط تعاون کا مظہر بھی ہے۔
ان کا کہنا تھا کہ 1961 میں ایک مشترکہ جیولوجیکل سروے سے ریکو ڈِک میں تانبے اور سونے کے ذخائر دریافت ہوئے، اب اس منصوبے سے امریکی کمپنیوں کی جانب سے فراہم کردہ آلات و خدمات کی مد میں قریباً ایک ارب ڈالر کی برآمدات متوقع ہیں، اور اس کی مجموعی آمدنی 75 ارب ڈالر سے زیادہ ہونے کی پیش گوئی کی جا رہی ہے۔
نیٹالی بیکر نے کہاکہ امریکا اور پاکستان کے درمیان اقتصادی شراکت داری کی ایک طویل تاریخ ہے، اور آج ہم اہم معدنیات کے شعبے میں تعاون کے نئے راستے تلاش کرنے کے لیے یہاں موجود ہیں۔ یہ شعبہ دونوں ممالک کے لیے ترقی، اختراع اور خوشحالی کے بے پناہ امکانات رکھتا ہے۔
یہ بھی پڑھیں زرعی شعبہ کی ترقی کے لیے امریکا پاکستان ’ گرین الائنس‘ جاری رہے گا، ڈونلڈ بلوم
انہوں نے کہاکہ یہ ویبینار پاکستان کے اہم معدنیات کے شعبے میں امریکی کمپنیوں کے لیے کاروباری مواقع پر مبنی ہے اور مجھے پاکستان کے وزیر توانائی علی پرویز ملک اور حکومت پاکستان کے دیگر اعلیٰ حکام و ممتاز کمپنیوں کے نمائندوں کے ساتھ یہاں موجود ہونے کا اعزاز حاصل ہے۔ یہ سب آپ کو ملک کے معدنی وسائل، ممکنہ تعاون، سرمایہ کاری اور امریکی برآمدات کے مواقع پر جامع معلومات فراہم کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اقتصادی شراکت داری امریکا امریکی ناظم الامور پاکستان کان کنی وی نیوز.
ذریعہ
ذریعہ: WE News
کلیدی لفظ: اقتصادی شراکت داری امریکا امریکی ناظم الامور پاکستان کان کنی وی نیوز پاکستان کے نے کہاکہ کے لیے
پڑھیں:
کارگو طیارہ حادثے میں جاں بحق عملے کے اہل خانہ کو کمپنی مالکان سے عدم تعاون کی شکایت
نجی کارگو ایئرلائن کے ٹو ایئرویز کے حادثے میں جاں بحق عملے کے اہل خانہ حادثے کی وجوہات جاننے کے منتظر ہیں۔ انہوں نے نجی کارگو کمپنی کے مالکان کی جانب سے عدم تعاون کی شکایت بھی کی ہے، متاثرین کیلئے اب تک کسی معاوضہ کا اعلان بھی نہیں ہوا۔
7 جولائی کو شارجہ سے کراچی آنے والا نجی کارگو کمپنی کے ٹو ایئرویز کا بوئنگ 737 طیارہ بلوچستان کے ساحل سے آگے گہرے سمندر میں گر کر تباہ ہو گیا تھا۔ حادثے کے مقام سے طیارے کا کچھ ملبہ ضرور ملا ہے لیکن سمندر کی تہہ میں پہنچ جانے والے طیارے کے بلیک باکس، کاکپٹ اور عملے کا تاحال کوئی سراغ نہیں مل سکا۔ متاثرین کا مطالبہ ہے کہ اس کام کیلئے غیر ملکی ماہر کمپنیوں سے مدد لی جائے۔
نجی کارگو طیارے کا ملبا تفتیشی ٹیم کے سپرد، بلیک باکس، عملے کے 5 ارکان کی تلاش جاریترجمان پاکستان ایئرپورٹ اتھارٹی (پی اے اے) کے مطابق کارگو طیارے کے مزید ملبے اور عملےکی تلاش گہرے سمندر میں جاری ہے حادثے کے شکار طیارے کے مزید پرزے اور ملبہ سمندر سے برآمد کر لیا گیا۔
شہید کپٹن رضوان کے اہل خانہ نے عملے اور طیارے کے ملبے کی تلاش کیلئے پاکستان نیوی اور دیگر اداروں پر اعتماد کا اظہار کیا لیکن کارگو کمپنی کی شدید بے حسی کی شکایت کی اور مطالبہ کیا کہ کے ٹو ایئرویز کے بیرون ملک موجود مالکان کو واپس لا کر تحقیقات میں شامل کیا جائے۔
متاثرین کے مطابق کے ٹو ایئرویز کی انتظامیہ کی بے حسی کا اندازہ اس سے بھی لگایا جا سکتا ہے کہ ملازمین کو 3 ماہ سے تنخواہیں نہیں ملی تھیں۔ یہ تنخواہ اس المناک حادثہ کے بعد ادا کی گئی۔
ایوی ایشن ماہرین کے مطابق بوئنگ 737 کارگو طیارے کا حادثہ کیوں اور کیسے پیش آیا، یہ اہل خانہ کو بتانا اور حادثہ متاثرین کو معاوضے کی ادائیگی یقینی بنانا حکومت اور ریاست کی ذمہ داری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار