مولانا ہدایت الرحمٰن بلوچ کا لاپتا بیٹا عبدالباسط خیریت سے اپنے گھر پہنچ گیا
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
خبر:کراچی کے علاقے ملیر سعود آباد سے چند روز قبل لاپتا ہونے والا رکن بلوچستان اسمبلی مولانا ہدایت الرحمٰن بلوچ کا 14 سالہ بیٹا عبدالباسط بالآخر خیریت سے گوادر میں اپنے آبائی گھر پہنچ گیا۔
میڈیا رپورٹس کے مطابق مولانا ہدایت الرحمٰن کے سسر اور عبدالباسط کے نانا محمد آدم نے تصدیق کی ہے کہ عبدالباسط گوادر میں واقع ان کے گھر بخیر و عافیت پہنچ چکا ہے،عبدالباسط کے لاپتا ہونے کی اطلاع سعود آباد تھانے میں دی گئی تھی، وہ مدرسہ حنفیہ فاروقی مسجد سے اپنے رشتہ داروں کے گھر اورنگی ٹاؤن جانے کے لیے نکلا تھا مگر وہاں نہیں پہنچا، جس کے بعد اغوا کا مقدمہ مولانا ہدایت الرحمٰن کے سسر محمد آدم کی مدعیت میں درج کیا گیا۔
مدعی کے مطابق ان کے دو نواسے 14 سالہ عبدالباسط اور 16 سالہ عبدالوہاب گزشتہ ایک سال سے مذکورہ مدرسے میں زیر تعلیم تھے، انہوں نے پولیس کو بتایا کہ عبدالباسط کچھ عرصے سے ذہنی دباؤ کا شکار تھا اور مدرسہ چھوڑنے کی خواہش ظاہر کرتا رہتا تھا، اس نے اپنے بڑے بھائی کو بھی اس بات سے آگاہ کیا تھا۔
پولیس کے مطابق عبدالباسط گزشتہ روز بعد نماز مغرب مدرسے سے بغیر اطلاع دیے غائب ہو گیا، جس کے بعد اہل خانہ نے اس کی تلاش شروع کی اور بعد ازاں تھانے میں رپورٹ درج کرائی گئی۔
اب اس بات کی تصدیق ہوگئی ہے کہ عبدالباسط گوادر میں اپنے اہل خانہ کے پاس خیریت سے موجود ہے، پولیس کی جانب سے مزید تفتیش جاری ہے تاکہ معلوم ہو سکے کہ وہ کراچی سے گوادر کیسے پہنچا اور اس دوران کن حالات سے گزرا۔
.
ذریعہ
ذریعہ: Jasarat News
کلیدی لفظ: مولانا ہدایت الرحم ن
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ