چوہدری انوار الحق کی زیر صدارت محرم الحرام میں امن و امان صورتحال کا جائزہ لینے کیلئے اجلاس
اشاعت کی تاریخ: 26th, June 2025 GMT
اجلاس سے خطاب کرتے ہوئے وزیراعظم آزاد کشمیر نے کہا کہ شہریوں کے تحفظ اور معاشرے میں بھائی چارے کی فضاء کو برقرار رکھنے کیلئے مل کر کام کرنا ہو گا۔ اسلام ٹائمز۔ وزیراعظم آزاد حکومت ریاست جموں و کشمیر چوہدری انوار الحق کی زیر صدارت محرم الحرام کے دوران امن و امان کی صورتحال کا جائزہ لینے کے لیے اجلاس منعقد ہوا۔ انتظامیہ کی جانب سے وزیراعظم آزاد کشمیر کو محرم الحرام کے انتظامات بارے بریفنگ دی گئی۔ اجلاس میں موسٹ سینئر وزیر کرنل (ریٹائرڈ) وقار احمد نور، وزراء نثار انصر ابدالی، چوہدری اظہر صادق، چیف سیکرٹری خوشحال خان، سیکرٹری سروسز ظفر محمود خان، انسپکٹر جنرل پولیس رانا عبدالجبار، سیکرٹری ایس ڈی ایم اے چوہدری محمد فرید، کمشنر مظفرآباد ڈویژن چوہدری گفتار حسین، سپیشل سیکرٹری یونس میر، ڈی آئی جی، ڈائریکٹر ایس ڈی ایم اے سعید الرحمن قریشی اور دیگر متعلقہ اداروں کے ذمہ داران نے شرکت کی، اجلاس میں بین المسالک ہم آہنگی کو فروغ دینے پر زور دیا گیا۔ اجلاس میں طے پایا کہ مذہبی منافرت پھیلانے والوں کے خلاف سخت کارروائی کی جائیگی۔ محرم الحرام کے دوران بلاتعطل بجلی کی فراہمی کو یقینی بنانے سمیت فول پروف سکیورٹی انتظامات کیے جائیں گے۔
اجلاس میں محرم الحرام میں ماتمی جلسوں کی قدیمی گزرگاہوں اور امام بارگاہوں میں سرچ اینڈ سویپ آپریشنز اور شہریوں کے تحفظ کے لیے سکیورٹی کو مؤثر بنانے کی ہدایت کی گئی۔ اجلاس میں سوشل میڈیا مانیٹرنگ کی رپورٹنگ کا دائرہ کار 72 گھنٹے کرنے کا فیصلہ کیا گیا اور سوشل میڈیا پر معاشرے میں اشتعال انگیزی پھیلانے والوں پر کڑی نظر رکھنے سمیت ایسی کسی بھی سرگرمی میں ملوث افراد کے خلاف فوری کارروائی کا فیصلہ کیا گیا۔ اجلاس میں کنٹرول رومز کو محرم الحرام کے دوران مکمل طور پر فعال رکھنے کی ہدایت کی گئی جبکہ مرکزی سطح پر کابینہ کمیٹی اور ریجنل سطح پر ڈویژنل کمیٹیز کے قیام کا فیصلہ بھی کیا گیا۔ اجلاس میں امن و امان کو برقرار رکھنے کے لیے ڈسٹرکٹ انٹیلیجنس کمیٹیز کے اجلاس کے ذریعے سکیورٹی صورتحال کو مدنظر رکھتے ہوئے ایس او پیز کے تعین کا فیصلہ بھی کیا گیا۔ اجلاس میں اس عزم کا اظہار کیا گیا کہ محکمہ پولیس آزاد کشمیر دیگر ایمرجنسی کے محکمہ جات کے ساتھ مل کر محرم الحرام کے دوران امن و امان کو بحال رکھنے کے لیے تمام دستیاب وسائل کو بروئے کار لائیں گے۔
اجلاس سے خطاب کرتے ہوئے وزیراعظم آزاد کشمیر چوہدری انوار الحق نے کہا کہ شہریوں کے تحفظ اور معاشرے میں بھائی چارے کی فضاء کو برقرار رکھنے کیلئے مل کر کام کرنا ہو گا، ہمیں شرانگیزی اور انتشار کی حوصلہ شکنی کرنی ہے، مسلکی ہم آہنگی ایک خوبصورت سوچ ہے۔ وزیراعظم نے ہدایت کی کہ محرم الحرام کے دوران پولیس اور دیگر سکیورٹی فورسز کے ادارے ہمہ وقت چوکس رہیں۔ انہوں نیکہا کہ شہری منافرت پھیلانے والوں کے متعلق فوری رپورٹ کریں۔انہوں نے ہدایت کی کہ حکومتی مانیٹرنگ ٹیمیں بھی نظر رکھیں اور امن کو سبوتاژ کرنے والوں کی فل فور حوصلہ شکنی کی جائے۔ انھوں نے کہا کہ عوام بھی سکیورٹی فورسز کے اہلکاروں کے ساتھ تعاون یقینی بنائیں۔
ذریعہ
ذریعہ: Islam Times
کلیدی لفظ: محرم الحرام کے دوران اجلاس میں کا فیصلہ ہدایت کی کیا گیا کے لیے
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی