سعودی عرب میں محرم الحرام کا چاند نظر آگیا، غلافِ کعبہ تبدیل
اشاعت کی تاریخ: 25th, June 2025 GMT
سعودی عرب میں ہجری سال 1447 کا آغاز ہوگیا، محرم الحرام کا چاند نظر آنے کی تصدیق ہو گئی ہے۔ اس حوالے سے سعودی عرب میں جمعرات کو یکم محرم الحرام قرار دیا گیا ہے۔
سعودی میڈیا رپورٹس کے مطابق تمیر ریجن میں واقع مرکزی رویت ہلال کمیٹیوں کا اجلاس منعقد ہوا، جس میں متعدد شہادتوں کی روشنی میں چاند نظر آنے کا اعلان کیا گیا۔ اس اعلان کے ساتھ ہی ہجری سال 1447 ہجری کا باضابطہ آغاز ہوگیا ہے۔
نئے اسلامی سال کی آمد کے ساتھ ہی مکہ مکرمہ میں عظیم الشان مذہبی روایت کے تحت مسجد الحرام میں غلاف کعبہ (کسوہ) کی تبدیلی کی تقریب بھی منعقد کی گئی۔
انتظامیہ کے مطابق 29 ذوالحجہ کو نمازِ عصر کے بعد پرانے غلاف کعبہ کے سنہری حصے کو ہٹا دیا گیا تھا، جبکہ یکم محرم کے آغاز کے ساتھ ہی نیا غلاف کعبہ چڑھایا گیا۔
غلافِ کعبہ کی تیاری میں قریباً 670 کلوگرام ریشم، 120 کلوگرام سونے اور 100 کلوگرام چاندی استعمال کی جاتی ہے، اور ہر سال یکم محرم کو یہ تبدیلی عمل میں لائی جاتی ہے، جو مسجد الحرام میں روحانی ماحول کے ساتھ انتہائی باوقار انداز میں سرانجام دی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews چاند نظر آگیا سعودی عرب غلاف کعبہ تبدیل محرم الحرام وی نیوز.ذریعہ: WE News
کلیدی لفظ: چاند نظر ا گیا غلاف کعبہ تبدیل محرم الحرام وی نیوز محرم الحرام غلاف کعبہ چاند نظر کے ساتھ
پڑھیں:
محکمہ موسمیات کی جمادی الثانی 1447ھ کے چاند سے متعلق پیشگوئی
محکمہ موسمیات نے جمادی الثانی 1447 ہجری کے چاند سے متعلق پیشگوئی کر دی۔محکمہ موسمیات کے مطابق جمادی الثانی کا چاند 20 نومبر کو صبح 11 بج کر 47 منٹ پر پیدا ہوگا، رویتِ ہلال کے امکانات 21 نومبر کی شام واضح قرار دیئے گئے، غروبِ آفتاب کے وقت چاند کی عمر تقریباً 30 گھنٹے 21 منٹ ہوگی۔چاند کی بلندی 5 درجے اور سمت 238 ڈگری رہے گی، غروبِ آفتاب کے بعد چاند 35 منٹ تک افق پر موجود رہے گا، چاند کی روشنی 1.58 فیصد ریکارڈ، نظر آنے کے امکانات قوی ہیں۔محکمہ موسمیات کا کہنا ہے کہ مطلع جزوی ابر آلود یا صاف رہنے کا امکان ہے، موسم سازگار رہا تو چاند بآسانی دیکھا جا سکے گا، چاند نظر آنے کی صورت میں یکم جمادی الثانی 22 نومبر کو متوقع ہے۔
ناظم آباد اور سعید آباد سے دو افراد کی لاشیں ملیں