حج کے دوران 5بار دِل کا دورہ:معجزانہ طور پر بچ جانے والے پاکستانی کی حیران کن کہانی
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
حج جیسے روحانی سفر میں بعض اوقات ایسے ناقابل یقین واقعات بھی رونما ہوتے ہیں، جنہیں جان کر انسان حیران رہ جاتا ہے۔
ایسا ہی ایک واقعہ رواں برس حج کے دوران پیش آیا، جب پاکستان سے تعلق رکھنے والے 42 سالہ حاجی کو دل کے 5 شدید دورے پڑے، تاہم معجزانہ طور پر وہ نہ صرف زندہ رہے بلکہ یہاں پر جسے اللہ رکھے اسے کون چکھے کی کہاوت بھی عملاً سمجھ میں آتی ہے۔ اس معاملے میں سعودی طبی عملے کی انتھک کوششوں کا ذکر نہ کرنا بھی بددیانتی ہوگا۔
میڈیا رپورٹس کے مطابق مکہ ہیلتھ کیئر کلسٹر کے مطابق یہ واقعہ اس وقت پیش آیا جب مذکورہ حاجی دوران حج اچانک دل کے شدید دورے کے باعث مشرقی عرفات کے اسپتال لائے گئے۔ ابتدائی طور پر ان کی حالت اتنی تشویشناک تھی کہ ڈاکٹروں کو فوری طور پر انہیں انتہائی نگہداشت کے شعبے میں منتقل کرنا پڑا۔ ڈاکٹروں نے مسلسل کوشش کی لیکن ان کے دل نے بار بار کام کرنا بند کر دیا، جس کی وجہ سے ان کی جان کو شدید خطرہ لاحق ہو گیا۔
اس نازک لمحے پر ایمرجنسی میڈیکل ٹیم نے فوری طور پر انہیں ایک خصوصی طبی نظام، ایکسٹراکورپورئیل میمبرین آکسیجینیشن (ای سی ایم او) مشین سے جوڑ دیا تاکہ ان کے اہم اعضا کو خون کی مناسب فراہمی جاری رکھی جا سکے اور دماغ کو آکسیجن کی کمی سے بچایا جا سکے۔
اس کے بعد مریض کو ایئر ایمبولینس کے ذریعے مکہ کے کنگ عبداللہ میڈیکل سٹی منتقل کر دیا گیا، جہاں انہیں وینٹی لیٹر پر رکھا گیا اور ان کی مسلسل نگرانی کی گئی۔
اس ہنگامی صورتحال میں دل کے امراض کی ماہر ٹیم نے نہایت مہارت سے فوری اینجوپلاسٹی کی تاکہ دل کی بند شریانوں کو کھولا جا سکے۔ ساتھ ہی ان کے دل کو سپورٹ فراہم کرنے کے لیے ایک خصوصی طبی ڈیوائس بھی نصب کی گئی تاکہ دل کی دھڑکنوں میں تسلسل برقرار رکھا جا سکے اور کسی بھی ہنگامی صورتحال سے بچا جا سکے۔
اس وقت مریض کی حالت نہ صرف دل کے مسائل کی وجہ سے خراب تھی بلکہ وہ نمونیا جیسے مہلک انفیکشن کا بھی شکار تھے،لیکن وقت کے ساتھ ساتھ مسلسل طبی دیکھ بھال، دوائیوں اور مشینوں کی مدد سے ان کی حالت میں بہتری آنے لگی۔ کچھ دنوں بعد وہ ای سی ایم او مشین اور وینٹی لیٹر سے ہٹا دیے گئے اور بتدریج سانس لینے کے قابل ہو گئے۔
سعودی وزارت صحت کے مطابق جب مریض کو مکمل ہوش آ گیا اور وہ معمول کے مطابق سانس لینے لگے تو یہ لمحہ ڈاکٹروں اور ان کے اہل خانہ دونوں کے لیے باعثِ اطمینان تھا۔ 17 جون کو طبی ٹیم نے باضابطہ طور پر اعلان کیا کہ مذکورہ حاجی مکمل ہوش میں ہیں اور صحت یابی کی جانب گامزن ہیں۔ اب وہ نہ صرف چلنے پھرنے کے قابل ہو چکے ہیں بلکہ ایک نئے عزم کے ساتھ زندگی کی جانب بڑھ رہے ہیں۔
یہ واقعہ اس بات کا منہ بولتا ثبوت ہے کہ جدید میڈیکل سائنس اور تربیت یافتہ طبی عملہ کس طرح ایک بظاہر ناممکن صورتحال کو بھی ممکن بنا سکتا ہے۔ یہ محض ایک طبی کامیابی ہی نہیں بلکہ ایک معجزہ بھی ہے۔
.ذریعہ: Jasarat News
پڑھیں:
معروف گلوکارہ و اداکارہ دل کا دورہ پڑنے سے انتقال کر گئیں
بالی وُوڈ کی معروف گلوکارہ اور اداکارہ سُلاکشنا پنڈت جمعرات کی شام دل کا دورہ پڑنے سے 71 سال کی عمر میں انتقال کر گئیں۔ ان کے بھائی اور مشہور موسیقار لالت پنڈت نے ان کے انتقال کی تصدیق کی۔
لالت پنڈت کے مطابق، سُلاکشنا کو جمعرات کی شام سانس لینے میں دشواری محسوس ہوئی۔
انہوں نے بتایا کہ شام تقریباً 7 بجے انہیں دل کا دورہ پڑا۔ ہم انہیں ناناوتی اسپتال لے جا رہے تھے، لیکن وہ اسپتال پہنچنے سے پہلے ہی چل بسیں۔
سُلاکشنا پنڈت نے 1975 میں فلم ’الجھن‘ سے اپنے فلمی کیریئر کا آغاز کیا، جس میں انہوں نے سنجیو کمار کے ساتھ مرکزی کردار ادا کیا۔ اس کے بعد وہ اپنے دور کے کئی بڑے ستاروں راجیش کھنہ، ششی کپور اور ونود کھنہ کے ساتھ مختلف فلموں میں جلوہ گر ہوئیں۔
یہ بھی پڑھیے مشہور بھارتی اداکارہ کینسر میں مبتلا ہوکر انتقال کرگئیں
ان کی نمایاں فلموں میں ’ہیرا پھیری‘، ’خاندان‘، ’دھرم کانٹا‘، ’دو وقت کی روٹی‘، ’سنکوچ‘ اور ’گورا‘ شامل ہیں۔
1978 میں انہوں نے بنگالی فلم ’بندی‘ میں معروف اداکار اتتم کمار کے ساتھ بھی کام کیا۔
اداکاری کے ساتھ ساتھ سُلاکشنا پنڈت ایک معروف پلے بیک سنگر بھی تھیں۔ انہوں نے ہندی، بنگالی، مراٹھی، اڑیہ اور گجراتی زبانوں میں گانے گائے۔
ان کے مشہور گانوں میں شامل ہیں:
تو ہی ساگر تو ہی کنارہ
پردیسیا تیرے دیس میں
بےقرار دل ٹوٹ گیا
سونا رے تجھے کیسے ملوں
جب آتی ہوگی یاد میری
یہ پیار کیا ہے
سُلاکشنا پنڈت کا تعلق ہریانہ کے ضلع حصار کے ایک معروف موسیقار گھرانے سے تھا۔ وہ بھارت کے مشہور کلاسیکی موسیقار پنڈت جسراج کی بھتیجی تھیں۔
انہوں نے 9 سال کی عمر میں گلوکاری کا آغاز کیا اور اپنے بھائی مندھیر پنڈت کے ساتھ موسیقی کے سفر کا آغاز کیا۔
ان کے دیگر بہن بھائیوں میں معروف موسیقار جوڑی جتن لالت پنڈت اور اداکارہ وجیاتا پنڈت شامل ہیں۔
یہ بھی پڑھیے بھارتی اداکارہ پونم پانڈے 32 سال کی عمر میں انتقال کرگئیں، وجہ کیا بنی؟
سُلاکشنا پنڈت کے انتقال پر بھارتی فلم انڈسٹری کے فنکاروں اور مداحوں نے گہرے دکھ اور افسوس کا اظہار کیا ہے، اور ان کی فنی خدمات کو بھارتی فلمی موسیقی کی تاریخ کا سنہری باب قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی اداکارہ و گلوکارہ سُلاکشنا پنڈت
پنجاب کے 3 حلقوں میں ضمنی انتخابات کی نئی تاریخ مقرر