حج کے دوران 5بار دِل کا دورہ:معجزانہ طور پر بچ جانے والے پاکستانی کی حیران کن کہانی
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
حج جیسے روحانی سفر میں بعض اوقات ایسے ناقابل یقین واقعات بھی رونما ہوتے ہیں، جنہیں جان کر انسان حیران رہ جاتا ہے۔
ایسا ہی ایک واقعہ رواں برس حج کے دوران پیش آیا، جب پاکستان سے تعلق رکھنے والے 42 سالہ حاجی کو دل کے 5 شدید دورے پڑے، تاہم معجزانہ طور پر وہ نہ صرف زندہ رہے بلکہ یہاں پر جسے اللہ رکھے اسے کون چکھے کی کہاوت بھی عملاً سمجھ میں آتی ہے۔ اس معاملے میں سعودی طبی عملے کی انتھک کوششوں کا ذکر نہ کرنا بھی بددیانتی ہوگا۔
میڈیا رپورٹس کے مطابق مکہ ہیلتھ کیئر کلسٹر کے مطابق یہ واقعہ اس وقت پیش آیا جب مذکورہ حاجی دوران حج اچانک دل کے شدید دورے کے باعث مشرقی عرفات کے اسپتال لائے گئے۔ ابتدائی طور پر ان کی حالت اتنی تشویشناک تھی کہ ڈاکٹروں کو فوری طور پر انہیں انتہائی نگہداشت کے شعبے میں منتقل کرنا پڑا۔ ڈاکٹروں نے مسلسل کوشش کی لیکن ان کے دل نے بار بار کام کرنا بند کر دیا، جس کی وجہ سے ان کی جان کو شدید خطرہ لاحق ہو گیا۔
اس نازک لمحے پر ایمرجنسی میڈیکل ٹیم نے فوری طور پر انہیں ایک خصوصی طبی نظام، ایکسٹراکورپورئیل میمبرین آکسیجینیشن (ای سی ایم او) مشین سے جوڑ دیا تاکہ ان کے اہم اعضا کو خون کی مناسب فراہمی جاری رکھی جا سکے اور دماغ کو آکسیجن کی کمی سے بچایا جا سکے۔
اس کے بعد مریض کو ایئر ایمبولینس کے ذریعے مکہ کے کنگ عبداللہ میڈیکل سٹی منتقل کر دیا گیا، جہاں انہیں وینٹی لیٹر پر رکھا گیا اور ان کی مسلسل نگرانی کی گئی۔
اس ہنگامی صورتحال میں دل کے امراض کی ماہر ٹیم نے نہایت مہارت سے فوری اینجوپلاسٹی کی تاکہ دل کی بند شریانوں کو کھولا جا سکے۔ ساتھ ہی ان کے دل کو سپورٹ فراہم کرنے کے لیے ایک خصوصی طبی ڈیوائس بھی نصب کی گئی تاکہ دل کی دھڑکنوں میں تسلسل برقرار رکھا جا سکے اور کسی بھی ہنگامی صورتحال سے بچا جا سکے۔
اس وقت مریض کی حالت نہ صرف دل کے مسائل کی وجہ سے خراب تھی بلکہ وہ نمونیا جیسے مہلک انفیکشن کا بھی شکار تھے،لیکن وقت کے ساتھ ساتھ مسلسل طبی دیکھ بھال، دوائیوں اور مشینوں کی مدد سے ان کی حالت میں بہتری آنے لگی۔ کچھ دنوں بعد وہ ای سی ایم او مشین اور وینٹی لیٹر سے ہٹا دیے گئے اور بتدریج سانس لینے کے قابل ہو گئے۔
سعودی وزارت صحت کے مطابق جب مریض کو مکمل ہوش آ گیا اور وہ معمول کے مطابق سانس لینے لگے تو یہ لمحہ ڈاکٹروں اور ان کے اہل خانہ دونوں کے لیے باعثِ اطمینان تھا۔ 17 جون کو طبی ٹیم نے باضابطہ طور پر اعلان کیا کہ مذکورہ حاجی مکمل ہوش میں ہیں اور صحت یابی کی جانب گامزن ہیں۔ اب وہ نہ صرف چلنے پھرنے کے قابل ہو چکے ہیں بلکہ ایک نئے عزم کے ساتھ زندگی کی جانب بڑھ رہے ہیں۔
یہ واقعہ اس بات کا منہ بولتا ثبوت ہے کہ جدید میڈیکل سائنس اور تربیت یافتہ طبی عملہ کس طرح ایک بظاہر ناممکن صورتحال کو بھی ممکن بنا سکتا ہے۔ یہ محض ایک طبی کامیابی ہی نہیں بلکہ ایک معجزہ بھی ہے۔
.ذریعہ: Jasarat News
پڑھیں:
غزہ جانے والے امدادی بیڑے کو ناکہ بندی توڑنے کی اجازت نہیں دی جائے گی، اسرائیل
اسرائیل نے خبردار کیا ہے کہ وہ غزہ کی جانب جانے والے امدادی بیڑے کو اپنی ناکہ بندی توڑنے کی اجازت نہیں دے گا۔
اسرائیلی وزارتِ خارجہ نے اپنے بیان میں کہا کہ ’اسرائیل کسی بھی جہاز کو جنگی علاقے میں داخل نہیں ہونے دے گا اور نہ ہی کسی قانونی سمندری ناکہ بندی کو توڑنے کی اجازت دے گا۔‘
مزید پڑھیں: غزہ کی ناکہ بندی توڑنے کے لیے خلیجی جہازوں کا بیڑا روانہ، ‘فریڈم فلوٹیلا’ میں شمولیت
بیان میں مزید الزام عائد کیا گیا کہ یہ امدادی بیڑا دراصل حماس کے مقاصد پورے کرنے کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل غزہ
پاکستان اورسعودی عرب کا دفاعی معاہدہ کسی ملک کیخلاف نہیں ،خواجہ آصف