پیغامِ پاکستان کی روشنی میں علما کا متفقہ ضابطۂ اخلاق جاری
اشاعت کی تاریخ: 26th, June 2025 GMT
اسلامی نظریاتی کونسل کی زیر صدارت مختلف مکاتبِ فکر سے تعلق رکھنے والے جید علماء، محققین اور دانشوروں نے ایک اہم اجلاس میں شرکت کی، جس میں پاکستان کے موجودہ حالات اور بین الاقوامی تناظر کو سامنے رکھتے ہوئے ’پیغامِ پاکستان‘ کی روشنی میں ایک متفقہ ’ضابطۂ اخلاق‘ جاری کیا گیا۔
یہ بھی پڑھیں:رویتِ ہلال کمیٹی کا اہم اجلاس آج، محرم کا چاند نظر آنے کا قوی امکان
علماء کرام نے اپنے مشترکہ اعلامیے میں اس بات پر زور دیا کہ آئین پاکستان اور ملکی قوانین میں جو بنیادی انسانی حقوق دیے گئے ہیں، وہ تمام شہریوں کو مذہبی آزادی، جان، مال، عزت اور بنیادی سہولیات کی مکمل ضمانت فراہم کرتے ہیں۔ اس ضابطۂ اخلاق میں واضح کیا گیا ہے کہ اسلامی تعلیمات کے مطابق ہر پاکستانی شہری کو مساوی حقوق حاصل ہیں اور ہر فرد کو اپنے مسلک و مذہب پر عمل کرنے کا حق حاصل ہے، بشرطیکہ وہ دوسروں کے انہی حقوق کا بھی احترام کرے۔
اعلامیے میں مذہب کے نام پر ذاتی یا گروہی مفادات کے لیے انتہا پسندی، فرقہ واریت یا دوسروں کے خلاف نفرت انگیزی کو ریاست کے خلاف سازش قرار دیا گیا ہے۔ علماء نے دوٹوک مؤقف اپنایا کہ کسی فرد یا گروہ کو یہ اختیار حاصل نہیں کہ وہ کسی دوسرے شہری کے خلاف کفر یا واجب القتل کے فتوے دے یا اشتعال انگیزی کرے۔
ضابطۂ اخلاق میں پاکستان کے معاشرے میں پرامن بقائے باہمی، مکالمہ، اور اختلافِ رائے کے احترام کو فروغ دینے پر زور دیا گیا ہے۔ علماء کا کہنا تھا کہ قومی وحدت، ریاستی استحکام اور معاشرتی ہم آہنگی اسی وقت ممکن ہے جب تمام طبقات باہمی احترام کے ساتھ زندگی گزاریں۔
یہ بھی پڑھیں:اسرائیلی مصنوعات کا بائیکاٹ اور کے ایف سی پر حملے، چیئرمین اسلامی نظریاتی کونسل کا ردعمل آگیا
اعلامیے میں ریاستی اداروں کے خلاف جھوٹے پروپیگنڈے اور من گھڑت تحقیقات کی بنیاد پر چلائی جانے والی مہمات کو پہلے ہی ناکام قرار دیتے ہوئے کہا گیا کہ ایسے منفی رویے ریاست کے خلاف انتشار کا سبب بنتے ہیں، جن سے مکمل اجتناب برتنا ہوگا۔
مزید برآں، علماء نے خبردار کیا کہ کوئی بھی فرد یا تنظیم کسی دوسرے فرد یا گروہ کو ان کے نظریات، عقائد یا مذہبی وابستگی کی بنیاد پر واجب القتل قرار دینے یا ان کے خلاف تشدد پر اکسانے کی مجاز نہیں۔ اس عمل کو اسلام اور قانون دونوں کے خلاف قرار دیا گیا۔
اجلاس کے اختتام پر یہ بھی واضح کیا گیا کہ کوئی فرد، گروہ، ادارہ یا جماعت کسی مسجد، مدرسے، تعلیمی ادارے یا منبر و محراب کو ریاستی اداروں یا دوسرے افراد کے خلاف نفرت، اشتعال انگیزی یا شدت پسندی کے لیے استعمال نہیں کرے گا۔ ایسے کسی بھی عمل کے خلاف قانون کے مطابق سخت کارروائی کی جائے گی۔
علماء کرام نے اس ضابطۂ اخلاق کو ملک میں امن، رواداری اور بین المذاہب ہم آہنگی کی جانب ایک اہم پیش رفت قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلامی نظریاتی کونسل پیغامِ پاکستان مذہبی ہم آہنگی.ذریعہ: WE News
کلیدی لفظ: اسلامی نظریاتی کونسل پیغام پاکستان مذہبی ہم ا ہنگی کے خلاف
پڑھیں:
مائیک ہیسن نے پاک بھارت ٹاکرے سے قبل قومی ٹیم کو کیا پیغام دیا؟
پاکستانی کرکٹ ٹیم کے ہیڈ کوچ مائیک ہیسن نے ٹی 20 ایشیا کپ کے فائنل میں پاک بھارت ٹاکرے سے پہلے کرکٹرز کے لیے خصوصی پیغام جاری کر دیا ہے۔
مائیک ہیسن نے ٹیم کو دبئی کرکٹ اسٹیڈیم میں بنگلادیش کو شکست دینے کے بعد پریس کانفرنس میں یہ پیغام دیا کہ صرف کھیل پر توجہ دیں، دباؤ والے میچز میں جذبہ آنا فطری بات ہے مگر ہمیں اپنی توانائی کھیل پر مرکوز رکھنی ہوگی۔
اُنہوں نے تسلیم کیا کہ بھارت کے خلاف پہلے میچ میں پاکستان کی کارکردگی کمزور تھی مگر دوسرے میچ میں ٹیم نے بہتر فائٹ کی۔
مائیک ہیسن نے جیت کے عزم کو ظاہر کرتے ہوئے کہا کہ ہم نے پچھلے میچ میں بھارت کو کافی دیر تک دباؤ میں رکھا مگر میچ ختم کرنے کے لیے ہمیں یہ دباؤ زیادہ دیر تک برقرار رکھنا ہوگا اور یہی ہماری اصل آزمائش ہے۔
اُنہوں نے کہا کہ ٹیم نے مسلسل کامیابیوں کے بعد اعتماد حاصل کیا ہے اور اب کھلاڑی اس تاریخی موقع سے فائدہ اٹھانے کے لیے پُرعزم ہیں۔
واضح رہے کہ بھارت اب تک 8 بار ایشیا کپ ٹرافی جیت چکا ہے جبکہ پاکستان صرف 2 بار جیت سکا ہے، پاکستان آخری بار 2012ء میں چیمپئن بنا تھا۔
ایشیا کپ کی 41 سالہ تاریخ میں پاکستان اور بھارت پہلی بار فائنل کھیلیں گے جو اتوار کو دبئی انٹرنیشنل کرکٹ اسٹیڈیم میں کھیلا جائے گا۔
Post Views: 2
ملتان میں جلال پور پیر والا پر موٹروے ایم 5 کا ایک اور حصہ سیلاب میں بہہ گیا