برطانوی نوجوان اپنے ایئر پوڈز کے پیچھے پاکستان تک آ پہنچا
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
جہلم: ایک دلچسپ اور حیران کن واقعے میں انگلینڈ سے تعلق رکھنے والا یوٹیوبر اور نایاب اشیاء کا کاروباری شخص مائلس اپنے گمشدہ ائیر پوڈز کی تلاش میں پاکستان پہنچ گیا۔
ائیر پوڈز دبئی میں کلیننگ اسٹاف کے ایک بھارتی رکن نے چرائے اور بعد ازاں وہ جہلم کے ایک شہری کو فروخت کر دیے گئے۔
ڈی پی او جہلم کے مطابق مائلس نے سوشل میڈیا پلیٹ فارم ایکس (سابقہ ٹوئٹر) پر پیغام کے ذریعے پولیس کو بتایا کہ اس کے چوری شدہ ایئر پوڈز کی لوکیشن پاکستان، خصوصاً جہلم میں ظاہر ہو رہی ہے۔ پولیس نے فوری رابطہ کیا اور مذکورہ مقام تک رسائی حاصل کرلی۔
تحقیقات کے مطابق ایئر پوڈز خریدنے والا پاکستانی شہری بے قصور تھا، اس نے ایئر پوڈز لاعلمی میں خریدے تھے اور جب اسے معلوم ہوا کہ یہ چوری شدہ ہیں تو اس نے فوری طور پر انہیں پولیس کے حوالے کر دیا۔
مائلس نے بھی اس بات کی تصدیق کی کہ خریدار کا اس چوری سے کوئی تعلق نہیں، اس لیے اس کے خلاف کوئی قانونی کارروائی نہیں چاہتے۔ انہوں نے مزید بتایا کہ ان کے ایئر پوڈز مسلسل موبائل فون سے کنیکٹ تھے، جس کی مدد سے ان کی لوکیشن کا پتا چلتا رہا۔
مائلس نے اس منفرد سفر کو ایک حیرت انگیز تجربہ قرار دیا اور پاکستانی پولیس کے تعاون کو سراہا۔ ان کا کہنا تھا کہ چوری شدہ اشیاء کی تلاش میں یوں سرحد پار سفر کرنا بظاہر معمولی لگتا ہے، مگر ٹیکنالوجی کی بدولت سب کچھ ممکن ہو گیا ہے۔
.ذریعہ: Jasarat News
پڑھیں:
بی جے پی کی ووٹ چوری چھپانے کیلئے "ایس آئی آر" بنایا گیا ہے، راہل گاندھی
کانگریس لیڈر نے میڈیا سے بات کرتے ہوئے کہا کہ ووٹ چوری صاف صاف ہوئی ہے، پچیس لاکھ ووٹ چوری کئے گئے ہیں، ہر آٹھ میں سے ایک ووٹ بدلا گیا ہے۔ اسلام ٹائمز۔ پارلیمنٹ میں اپوزیشن لیڈر اور کانگریس کے رکن پارلیمنٹ راہل گاندھی نے اتوار کو بی جے پی اور الیکشن کمیشن پر سخت تنقید کرتے ہوئے دعویٰ کیا کہ ملک میں بڑے پیمانے پر "ووٹ چوری" ہو رہی ہے۔ انہوں نے کہا کہ جمہوریت اور آئین پر حملہ ہو رہا ہے اور کانگریس کے پاس اس کے مزید شواہد موجود ہیں جو وقت آنے پر پیش کئے جائیں گے۔ راہل گاندھی نے الزام لگایا کہ تقریباً 25 لاکھ ووٹ چوری کئے گئے ہیں اور دعویٰ کیا کہ ہر آٹھ میں سے ایک ووٹ میں ہیرا پھیری ہوئی ہے۔ انہوں نے میڈیا سے بات کرتے ہوئے کہا کہ ووٹ چوری صاف صاف ہوئی ہے، پچیس لاکھ ووٹ چوری کئے گئے ہیں، ہر آٹھ میں سے ایک ووٹ بدلا گیا ہے۔ انہوں نے کہا کہ ہمارے پاس جو اعداد و شمار ہیں، اس کے مطابق یہی صورتحال مدھیہ پردیش، چھتیس گڑھ اور مہاراشٹر میں بھی ہوئی ہے، یہ بی جے پی اور الیکشن کمیشن کی مشترکہ پالیسی ہے، ہمارے پاس مزید ثبوت ہیں، ہم مناسب وقت پر پیش کریں گے۔
راہل گاندھی نے مزید کہا کہ اصل مسئلہ ووٹ چوری کا ہے اور "ایس آئی آر" ایک ایسا نظام ہے جو اس چوری کو ادارہ جاتی شکل دینے اور اسے چھپانے کا طریقہ ہے۔ راہل گاندھی نے کہا کہ ہماری تفصیلی معلومات ہیں، ابھی تو بہت تھوڑا بتایا ہے، جمہوریت اور ڈاکٹر بھیم راؤ امبیڈکر کے آئین پر حملہ ہو رہا ہے اور یہ حملہ نریندر مودی، مرکزی وزیر داخلہ امت شاہ اور چیف الیکشن کمشنر گیانیش کمار کی مشترکہ شراکت سے ہو رہا ہے۔ انہوں نے کہا کہ یہ ملک کے لئے نقصاندہ ہے۔ راہل گاندھی نے حال ہی میں ہریانہ کے انتخابات میں بھی بڑے پیمانے پر دھاندلی کا الزام لگایا تھا۔ انہوں نے کہا تھا کہ اگر ووٹر لسٹ جھوٹی ہے تو پھر جمہوریت باقی نہیں رہتی۔ انہوں نے نوجوانوں سے اپیل کی کہ وہ سچ اور عدم تشدد کے ذریعے جمہوریت کو بچانے کے لئے آگے آئیں۔
ایس پی عدیل اکبر کی بیوہ کو خصوصی مراعات کا اعلان