بھارت کی کرپٹو پالیسی ناکام، بھارتی اخبار دی پرنٹ کا اعتراف
اشاعت کی تاریخ: 28th, June 2025 GMT
بھارتی اخبار دی پرنٹ نے بھارت کی کرپٹو پالیسی کی ناکامی کا اعتراف کرتے ہوئے رپورٹ کیا ہے کہ سخت حکومتی اقدامات اور 30 فیصد ٹیکس عائد کیے جانے کے نتیجے میں بھارت کی کرپٹو مارکیٹ 97 فیصد تک سکڑ چکی ہے۔ رپورٹ کے مطابق، اس پالیسی نے لاکھوں نوجوان سرمایہ کاروں کو بیرون ملک جانے پر مجبور کر دیا ہے جبکہ بھارت میں ڈیجیٹل اثاثوں سے متعلق کاروبار بری طرح متاثر ہوا ہے۔
دی پرنٹ نے اس بات کا بھی انکشاف کیا کہ بھارت کی کرپٹو پالیسی نے نوجوانوں کے لیے عالمی ڈیجیٹل مواقع کے دروازے بند کر دیے ہیں، جس کے نتیجے میں اسٹارٹ اپس اور ماہرین ترقی یافتہ ممالک کا رُخ کرنے پر مجبور ہو گئے ہیں۔ اخبار کے مطابق، اس ناکامی کے باعث بھارتی حکومت کو 60 بلین روپے کا ممکنہ ٹیکس نقصان بھی برداشت کرنا پڑا۔
یہ بھی پڑھیں: کیا پاکستان کرپٹو کرنسی میں واقعی بھارت کے مقابلے میں آگے نکل گیا ہے؟
ادھر پاکستان نے کرپٹو پالیسی کے میدان میں قابلِ ذکر پیش رفت کی ہے۔ دی پرنٹ کی رپورٹ میں بتایا گیا ہے کہ پاکستان کی جانب سے 2000 میگاواٹ کی کرپٹو مائننگ اور دنیا کے چند بڑے بٹ کوائن ریزرو کے قیام کا اعلان عالمی سطح پر پذیرائی حاصل کر رہا ہے۔ یہ اقدام امریکہ کے بعد کسی بھی ملک کی جانب سے بٹ کوائن ذخائر کے قیام کی دوسری بڑی کوشش ہے، جسے دی پرنٹ نے بھارت پر ’ڈیجیٹل سبقت‘ سے تعبیر کیا۔
رپورٹ میں مزید کہا گیا ہے کہ پاکستان نے نہ صرف بھارت کی ناکام کرپٹو حکمت عملی کو مؤثر سفارتی بیانیے میں تبدیل کیا بلکہ عالمی سرمایہ کاروں کا اعتماد بھی حاصل کیا ہے۔ بائنینس کے شریک بانی چانگ پینگ ژاؤ کی حالیہ پاکستان آمد اسی سلسلے کی کڑی تھی، جہاں انہوں نے پاکستانی حکام سے کرپٹو تعاون کے امکانات پر تبادلہ خیال کیا۔ دی پرنٹ کے مطابق، انہیں پاکستان کرپٹو کونسل کا اسٹریٹجک مشیر بھی مقرر کیا گیا ہے۔
مزید پڑھیں:پاکستان کرپٹو کونسل کا شاندار کارنامہ، مختصر وقت میں بڑی کامیابی حاصل کرلی
علاوہ ازیں، معروف امریکی ماہر بٹ کوائن مائیکل سیلر نے بھی پاکستان کی کرپٹو حکمت عملی کی کھل کر حمایت کی ہے اور بٹ کوائن ریزرو کے قیام میں تکنیکی تعاون کی پیشکش کی ہے۔
پاکستان کرپٹو کونسل کے سی ای او بلال بن ثاقب نے واشنگٹن میں امریکی سینیٹرز سے ملاقاتیں کیں، جسے دی پرنٹ نے کرپٹو ڈپلومیسی میں بڑا قدم قرار دیا۔ انہوں نے ایک پریس بیان میں بھارت کی ناکام پالیسی کے برعکس ایک کامیاب فریم ورک متعارف کروانے کا عندیہ بھی دیا۔
دی پرنٹ کے مطابق، پاکستان کی مؤثر کرپٹو حکمت عملی اب معاشی، تکنیکی اور سفارتی میدانوں میں کامیابی کی علامت بن چکی ہے، جبکہ بھارت کرپٹو سے متعلق عالمی مکالمے سے باہر ہوتا جا رہا ہے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی سینیٹرز بائنینس بٹ کوائن بٹ کوائن ریزرو بلال بن ثاقب بھارت بھارتی اخبار پاکستان کرپٹو کونسل چانگ پینگ ژاؤ دی پرنٹ کرپٹو پالیسی کرپٹو حکمت عملی مائیکل سیلر ناکام پالیسی واشنگٹن.
ذریعہ
ذریعہ: WE News
کلیدی لفظ: امریکی سینیٹرز بٹ کوائن بٹ کوائن ریزرو بلال بن ثاقب بھارت بھارتی اخبار پاکستان کرپٹو کونسل کرپٹو پالیسی کرپٹو حکمت عملی مائیکل سیلر ناکام پالیسی واشنگٹن پاکستان کرپٹو کونسل کرپٹو حکمت عملی بھارت کی کرپٹو کرپٹو پالیسی بٹ کوائن کے مطابق گیا ہے
پڑھیں:
پاکستان میں دہشتگردی کے پیچھے بھارت کا ہاتھ، ہمسایہ ملک وسائل فراہم کر رہا ہے: وزیراعظم
اسلام آباد(ڈیلی پاکستان آن لائن)وزیراعظم شہباز شریف نے کہا ہے کہ پاکستان میں دہشتگردی کے پیچھے بھارت کا ہاتھ ہے اور ہمسایہ ملک دہشتگرد عناصر کو وسائل فراہم کر رہا ہے، ملک میں دہشتگردی کا خاتمہ ہو چکا تھا، تاہم ایک منظم سازش کے تحت اسے دوبارہ فروغ دیا گیا۔
نجی ٹی وی چینل دنیا نیوز کے مطابق وزیراعظم نے بلوچستان نیشنل ورکشاپ کے شرکا سے خطاب کرتے ہوئے کہا کہ بلوچستان میں بسنے والے بلوچوں اور پشتونوں نے پاکستان کے قیام میں کلیدی کردار ادا کیا، جبکہ صوبے کی قیادت نے ہمیشہ ذاتی مفادات سے بالاتر ہو کر وفاق کی مضبوطی کے لیے کردار ادا کیا۔
اسلام آباد کچہری میں سموسے کیساتھ چٹنی نہ ملنے ویٹر اور پولیس اہلکار کے درمیان تلخ جملوں کا تبادلہ
انہوں نے کہا کہ بلوچستان کے مختلف علاقوں کے درمیان طویل فاصلے ہونے کے باعث ترقیاتی وسائل کی ضرورت نسبتاً زیادہ ہے، قومی مالیاتی کمیشن (این ایف سی) ایوارڈ میں پنجاب نے بلوچستان کے لیے بڑھ چڑھ کر حصہ ڈالا، جبکہ دیگر تینوں صوبوں نے بھی بلوچستان کا بھرپور ساتھ دیا، جو کسی احسان کے بجائے بھائی چارے کی مثال ہے۔
وزیراعظم نے بتایا کہ پنجاب نے این ایف سی ایوارڈ کے تحت بلوچستان کو 150 ارب روپے فراہم کیے، جبکہ نواز شریف کے دور حکومت میں بھی صوبے کے لیے بڑے ترقیاتی منصوبے اور وسائل مختص کیے گئے، پی ڈی ایم اور موجودہ حکومت نے بلوچستان کی ترقی کے لیے ریکارڈ فنڈز جاری کیے ہیں۔
تیسرے آپریشن کیلئے آنے والی خواتین کا مانع حمل کا آپریشن کیا جائےگا: وزیر صحت سندھ
شہباز شریف نے کہا کہ بلوچستان کے 27 ہزار ٹیوب ویلز کو شمسی توانائی پر منتقل کیا جا چکا ہے، جبکہ کسانوں کے لیے 75 ارب روپے کے منصوبے میں وفاق نے 50 ارب روپے کا حصہ ڈالا، کراچی سے چمن تک دورویہ شاہراہ کی تعمیر جاری ہے، جس پر 300 ارب روپے لاگت آئے گی اور منصوبہ آئندہ دو برس میں مکمل ہونے کی توقع ہے۔
وزیراعظم نے مستونگ حملے میں سیشن جج عبدالحکیم اور ایک اہلکار کی شہادت پر افسوس کا اظہار کرتے ہوئے کہا کہ بلوچستان کے عوام کی قربانیاں ہرگز رائیگاں نہیں جائیں گی، افواج پاکستان اور قانون نافذ کرنے والے ادارے ملک کے دفاع اور امن کے قیام کے لیے بھرپور کردار ادا کر رہے ہیں۔
افغان سرزمین سے دہشت گردی پاکستان کیلئے بڑا سکیورٹی چیلنج ہے: اسحاق ڈار
انہوں نے کہا کہ دہشتگردی کے خلاف جنگ میں 90 ہزار پاکستانی جانوں کا نذرانہ پیش کر چکے ہیں، 2018 میں دہشتگردی کا مکمل خاتمہ ہو چکا تھا، تاہم ایک منظم سازش کے تحت دہشتگردی دوبارہ سر اٹھا رہی ہے اور ان کارروائیوں میں بھارت کا کردار واضح ہے۔
وزیراعظم نے افغانستان سے مطالبہ کیا کہ وہ اپنی سرزمین پاکستان کے خلاف استعمال ہونے سے روکے، جبکہ افغان حکومت دہشتگرد عناصر کو روکنے میں مکمل طور پر ناکام رہی ہے۔
شہباز شریف نے کہا کہ پاکستان نے حالیہ عرصے میں اہم کامیابیاں حاصل کیں اور معرکۂ حق میں دشمن کو شکست فاش دی، خطے میں امن کے قیام کے لیے پاکستان کی مؤثر سفارتکاری کو عالمی سطح پر سراہا جا رہا ہے۔
پشاور ؛ پسند کی شادی کرنے والی لڑکی لڑکے کا قتل، مقدمہ درج
وزیراعظم نے فیلڈ مارشل اور نائب وزیراعظم کی خدمات کو بھی خراج تحسین پیش کرتے ہوئے کہا کہ پاکستان کی کامیابیاں دشمن کو ہضم نہیں ہو رہیں، تاہم اب وقت آ گیا ہے کہ ملک کو معاشی ترقی کی دوڑ میں آگے لے جایا جائے اور قومی خوشحالی کے سفر کو مزید تیز کیا جائے۔
بھارت سے جنگ اور افغانستان میں کارروائی خارج ازامکان نہیں، وزیردفاع