سری لنکا نے بنگلہ دیش کے خلاف دوسرا ٹیسٹ جیت کر سیریز اپنے نام کر لی
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
سری لنکا نے شاندار کارکردگی کا مظاہرہ کرتے ہوئے دوسرے ٹیسٹ میچ میں بنگلا دیش کو ایک اننگز اور 78 رنز سے شکست دے کر دو میچوں کی سیریز میں فیصلہ کن برتری حاصل کر لی۔
کولمبو میں کھیلے گئے دو ٹیسٹ میچوں کی سیریز کے دوسرے اور آخری معرکے میں سری لنکا نے شاندار کارکردگی کا مظاہرہ کرتے ہوئے بنگلادیش کو اننگز اور 78 رنز سے دھول چٹا دی، یہ میچ 25 جون کو شروع ہوا تھا، جہاں بنگلادیشی کپتان نے ٹاس جیت کر پہلے بیٹنگ کا فیصلہ کیا لیکن یہ حکمت عملی خاطر خواہ نتائج نہ دے سکی۔
پہلی اننگز میں بنگلادیش کی پوری ٹیم 247 رنز پر سمٹ گئی۔ جواب میں میزبان سری لنکن ٹیم نے زبردست بیٹنگ کرتے ہوئے 458 رنز کا پہاڑ کھڑا کر دیا اور 211 رنز کی بھاری برتری حاصل کر لی۔ سری لنکن بلے باز پاتھم نسانکا نے دلکش 158 رنز کی اننگز کھیل کر ٹیم کی بنیاد مضبوط کی، جبکہ دنیش چندیمل 93 اور کشال مینڈس 84 رنز کے ساتھ نمایاں رہے۔
بنگلادیش کی جانب سے تیج الاسلام نے 5 وکٹیں حاصل کیں، نعیم حسن نے 3 اور ناہید رانا نے ایک کھلاڑی کو پویلین کی راہ دکھائی۔
دوسری اننگز میں بنگلادیش کی بیٹنگ مکمل طور پر لڑکھڑا گئی۔ سری لنکن گیند بازوں کے سامنے مہمان بلے باز بے بس دکھائی دیے اور پوری ٹیم صرف 133 رنز پر ڈھیر ہو گئی۔ اس ناکامی کے ساتھ ہی سری لنکا نے میچ اننگز اور 78 رنز سے اپنے نام کر لیا۔
سری لنکا کی فتح میں اسپنر پرابتھ جے سوریا کا کردار کلیدی رہا، جنہوں نے دوسری اننگز میں 5 شکار کیے۔ دہننجایا ڈی سلوا اور تھارندو رتنیاکے نے دو، دو وکٹیں حاصل کر کے فتح میں حصہ ڈالا۔
شاندار 158 رنز کی اننگز کھیلنے پر پاتھم نسانکا کو میچ کا بہترین کھلاڑی قرار دیا گیا، جبکہ سیریز میں 369 رنز بنا کر وہ پلیئر آف دی سیریز کے اعزاز کے بھی مستحق قرار پائے۔
.
ذریعہ
ذریعہ: Jasarat News
کلیدی لفظ: سری لنکا نے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع