مجالس عزاء و عزاداری کے دوران بلاتعطل بجلی فراہم کی جائیگی، کیسکو
اشاعت کی تاریخ: 28th, June 2025 GMT
اپنے بیان میں کیسکو نے کہا کہ کوئٹہ سمیت بلوچستان کے وہ اضلاع جہاں عزاداری ہوتی ہیں، مجالس کے دوران بلاتعطل بجلی فراہم کی جائیگی۔ اسلام ٹائمز۔ کوئٹہ الیکٹرک سپلائی کمپنی (کیسکو) نے محرم الحرام کی مناسبت پر مجالس عزاء دوران شہر کے تمام امام بارگاہوں اور عزاداری کے مقامات پر بلاتعطل بجلی کی فراہمی کے لئے خصوصی انتظامات مکمل کر لئے۔ کوئٹہ شہر میں امام بارگاہوں سے منسلک مری آباد، سید آباد، طوغی روڈ، لیاقت بازار، ویسٹرن بائی پاس، ہزارہ ٹاؤن، کرانی، غازی اور جبل نور فیڈرز پر یکم سے 10 محرم تک شام 5 بجے سے صبح 5 بجے تک 11 کلو واٹ بجلی فراہم کی جائے گی۔ اسی طرح بلوچستان کے دیگر اضلاع کے جن علاقوں میں عزاداری ہوگی، وہاں بھی مجالس عزاء کے دوران بجلی فراہم کی جائے گی۔ ان علاقوں میں ژوب سٹی، لورالائی کینٹ، ڈیرہ مراد جمالی، روجھان جمالی، اوستہ محمد، صحبت پور، جھل مگسی، گنداخہ، بھاگ، مچ، سبی، ڈھاڈر، خضدار، ڈسٹرکٹ دکی، لورالائی کے فیڈرز شامل ہیں۔ جنہیں شام 7 بجے سے صبح 5 بجے تک بجلی بلاتعطل فراہم کی جائے گی۔ کیسکو نے اس ضمن میں ایک خصوصی مرکزی کمپلین سیل کو مانیٹرنگ و ایمرجنسی کنٹرول سینٹر قرار دیا ہے، جو جلوس کے راستوں یا دیگر مقامات پر بجلی کی بندش کی صورت میں ہنگامی اقدامات کرے گا۔
.ذریعہ: Islam Times
کلیدی لفظ: بجلی فراہم کی
پڑھیں:
پیسوں کی بچت کے حوالے سے اے سی آن رکھنا زیادہ فائدہ بند یا وقتاً فوقتاً بند کرنا؟
ہم میں سے اکثر ایسے لوگ جن کے گھروں میں اے سی ہے، بجلی کے بِلوں سے تنگ آگئے ہیں لیکن کیا آپ نے کبھی سوچا ہے اے سی مسلسل چلتے رہنے سے زیادہ پیسوں کی بچت ہوتی ہے یا کبھی کبھی بند کردینے سے؟
اگر صرف پیسوں کی بچت کے زاویے سے دیکھا جائے تو عام طور پر وقتاً فوقتاً اے سی بند کرنا زیادہ فائدہ مند ہوتا ہے لیکن یہ "کیسے" اور "کب" بند کیا جائے، اس پر بھی منحصر ہے۔
دراصل اے سی کو مسلسل چلانے سے کمپریسر بار بار چلتا ہے تاکہ درجہ حرارت کو برقرار رکھ سکے اور یہ عمل بجلی زیادہ کھاتا ہے۔
اگرچہ ہر بار آن کرنے کے بعد شروع کے کچھ منٹ زیادہ بجلی لگتی ہے لیکن مسلسل آن رکھنا مجموعی طور پر زیادہ مہنگا پڑتا ہے، خاص طور پر زیادہ گھنٹوں کے لیے۔
علاوہ ازیں اگر کمرہ مناسب حد تک ٹھنڈا ہو چکا ہے تو اے سی بند کرنے سے بجلی کا میٹر تیزی سے گھومنا رک جاتا ہے۔ بار بار آن/آف کرنے سے بھی بچنا چاہیے کیونکہ ہر اسٹارٹ پر اے سی زیادہ کرنٹ کھینچتا ہے۔
اے سی میں تھرموسٹیٹ یا ٹائمر موڈ استعمال کرنا یا درجہ حرارت 25–26 پر سیٹ کریں تاکہ کمپریسر خود بخود وقفہ لے۔ اسی طرح اگر آپ کچھ گھنٹوں کے لیے کمرے میں ہیں تو درجہ حرارت معتدل (24–26 °C) رکھیں اور اے سی کو Eco یا Energy Saver موڈ پر چلائیں۔
علاوہ ازیں اگر آپ ایک سے دو گھنٹے کے لیے کمرے سے جارہے ہیں تو اے سی بند کر دیں۔ اگر آپ دن بھر گھر سے باہر رہتے ہیں تو واپسی سے 15–20 منٹ پہلے اے سی آن کردیں۔ یہ فنکشن ان اے سی ہوتا ہے جن میں سمارٹ پلگ یا ٹائمر موجود ہو۔
کارآمد فارمولا یہ ہے کہ چھوٹے وقفوں (30–60 منٹ) کے لیے اے سی آن رکھنا زیادہ سستا پڑتا ہے اور لمبے وقفوں (2 گھنٹوں) کے لیے بند کرنا بھی زیادہ فائدہ مند ہے۔
حکومت پنجاب کشمیریوں کے ساتھ ہے، وہ قوم کبھی نہیں جھکی: عظمیٰ بخاری