مجالس عزاء و عزاداری کے دوران بلاتعطل بجلی فراہم کی جائیگی، کیسکو
اشاعت کی تاریخ: 28th, June 2025 GMT
اپنے بیان میں کیسکو نے کہا کہ کوئٹہ سمیت بلوچستان کے وہ اضلاع جہاں عزاداری ہوتی ہیں، مجالس کے دوران بلاتعطل بجلی فراہم کی جائیگی۔ اسلام ٹائمز۔ کوئٹہ الیکٹرک سپلائی کمپنی (کیسکو) نے محرم الحرام کی مناسبت پر مجالس عزاء دوران شہر کے تمام امام بارگاہوں اور عزاداری کے مقامات پر بلاتعطل بجلی کی فراہمی کے لئے خصوصی انتظامات مکمل کر لئے۔ کوئٹہ شہر میں امام بارگاہوں سے منسلک مری آباد، سید آباد، طوغی روڈ، لیاقت بازار، ویسٹرن بائی پاس، ہزارہ ٹاؤن، کرانی، غازی اور جبل نور فیڈرز پر یکم سے 10 محرم تک شام 5 بجے سے صبح 5 بجے تک 11 کلو واٹ بجلی فراہم کی جائے گی۔ اسی طرح بلوچستان کے دیگر اضلاع کے جن علاقوں میں عزاداری ہوگی، وہاں بھی مجالس عزاء کے دوران بجلی فراہم کی جائے گی۔ ان علاقوں میں ژوب سٹی، لورالائی کینٹ، ڈیرہ مراد جمالی، روجھان جمالی، اوستہ محمد، صحبت پور، جھل مگسی، گنداخہ، بھاگ، مچ، سبی، ڈھاڈر، خضدار، ڈسٹرکٹ دکی، لورالائی کے فیڈرز شامل ہیں۔ جنہیں شام 7 بجے سے صبح 5 بجے تک بجلی بلاتعطل فراہم کی جائے گی۔ کیسکو نے اس ضمن میں ایک خصوصی مرکزی کمپلین سیل کو مانیٹرنگ و ایمرجنسی کنٹرول سینٹر قرار دیا ہے، جو جلوس کے راستوں یا دیگر مقامات پر بجلی کی بندش کی صورت میں ہنگامی اقدامات کرے گا۔
.ذریعہ: Islam Times
کلیدی لفظ: بجلی فراہم کی
پڑھیں:
کراچی سمیت ملک بھرکےلیےبجلی کا نیا ٹیرف
اویس کیانی :کراچی سمیت ملک بھرکےلیےیکم جنوری سےبجلی کےبنیادی ٹیرف میں تبدیلی سے متعلق نیپراکل سماعت کرے گا۔
سی پی پی اے نےبجلی کمپنیوں کی جانب سےدرخواست نیپرا میں جمع کرارکھی ہے،سال2026 کےپاورپرچیز پرائس کا تخمینہ25.69 سے26.53 روپےفی یونٹ لگایا گیا ہے۔
بجلی کےنئےبنیادی ٹیرف کا اطلاق کے الیکڑک صارفین کے لیے بھی ہوگا،پاورپرچیز پرائس کی درخواست جنوری سےدسمبر2026 کے لیے دی گئی ہے،نیپراسماعت کےبعد اپنا فیصلہ وفاقی حکومت کو بھجوائے گی. اوروفاقی حکومت کی منظوری سےبجلی کے بنیادی ٹیرف کےحوالے سے فیصلہ ہوگا۔
محسن نقوی سے چینی سفیر کی ملاقات،سکیورٹی تعاون مزید مضبوط بنانے پر اتفاق
بجلی کےنئےبنیادی ٹیرف کا اطلاق کے الیکڑک صارفین کے لیے بھی ہوگا۔
ستائیسویں ترمیم کی سینیٹ میں دوبارہ آمد، اجلاس کا شیڈول تبدیل