ملک بھر میں پری مون سون بارشوں سے اب تک کتنے افراد جاں بحق ہوئے؟
اشاعت کی تاریخ: 29th, June 2025 GMT
اسلام آباد(نیوز ڈیسک)ملک بھر میں پری مون سون بارشیں جاری ہیں، حالیہ بارشوں سے اب تک 39 افراد جاں بحق اور 63 افراد زخمی ہوئے۔
تفصیلات کے مطابق حالیہ بارشوں سے ملک بھر میں ہونے والے نقصانات کی تفصیلات سامنے آگئیں۔
بارشوں سے متعلق این ڈی ایم اے کی رپورٹ میں بتایا گیا کہ ملک بھر میں بارشوں سے اب تک 38 افراد زندگی کی بازی ہار گئے۔
حالیہ بارشوں سے پنجاب میں 8، خیبرپختونخوا میں 20 اور سندھ میں 7 افراد زندگی کی زندگی سے ہاتھ دھو بیٹھے، جاں بحق ہونے والوں میں 21 بچے، 6 خواتین اور 11 مرد شامل ہیں۔
رپورٹ میں بتایا گیا کہ بارشوں سے اب تک 63 افراد زخمی ہوئے ہیں، زخمیوں میں 27 بچے، 14 خواتین اور 22 مرد شامل ہیں جبکہ پنجاب میں حالیہ بارشوں سے 41 افراد، خیبرپختونخوا میں 6 اور سندھ میں 16 افراد زخمی ہوئے ہیں۔
حالیہ بارشوں سے پنجاب میں بیشتر مکانات کو جزوی نقصان پہنچا ہے جبکہ خیبرپختونخوا میں مکانات کو مکمل جبکہ 9 جزوی طور پرمتاثر ہوئے ہیں۔
اس کے علاوہ حالیہ بارشوں کے دوران ملک بھر میں 8 ریسکیو آپریشن کیے گئے، جن میں سے7 آپریشن خیبرپختونخوا اور ایک آپریشن گلگت بلتستان میں کیا گیا جبکہ مجموعی طور پر 132 افراد کو ریسکیو کیا گیا۔
خیبرپختونخوا میں بارشوں اور سیلاب نے تباہی مچا دی
خیبرپختونخوا میں حالیہ بارشوں، آندھی اور سیلابی صورت حال نے تباہی مچا دی۔
پی ڈی ایم اے کی ابتدائی رپورٹ کے مطابق خیبر پختونخوا میں حالیہ بارشوں اور سیلابی صورتحال کے باعث مختلف حادثات میں 20 افراد جاں بحق جبکہ 10 زخمی ہوئے۔
جاں بحق ہونے والوں میں 7 مرد، 5 خواتین اور 8 بچے شامل ہیں جبکہ زخمیوں میں 6 مرد، 3 خواتین اور ایک بچہ شامل ہے۔
پی ڈی ایم اے رپورٹ کے مطابق ضلع سوات سب سے زیادہ متاثر ہوا، جہاں 13 افراد جان کی بازی ہار گئے اور 6 زخمی ہوئے۔
بارشوں سے 57 گھروں کو نقصان پہنچا، جن میں 51 جزوی طور پر متاثر جبکہ 6 مکمل طور پر منہدم ہوگئے۔
پی ڈی ایم اے کی ریسکیو ٹیمیں متاثرہ علاقوں میں امدادی سرگرمیوں میں مصروف ہیں اور حکومت نے متاثرین کی بحالی کے لیے فوری اقدامات کی ہدایات جاری کردیں۔
کراچی میں چھتیں گرنے اور کرنٹ لگنے کے واقعات میں 8 افراد جاں بحق
کراچی میں حالیہ بارش کے باعث چھتیں گرنے اور کرنٹ لگنے کے واقعات میں 8 افراد جاں بحق اور 7 زخمی ہوگئے۔
لیاری موسٰی لین میں عمارت کی بوسیدہ مکینوں پر آگری، حادثے میں باپ اور بیٹی کی زندگیوں کے چراغ گل ہوگئے، خاتون اور بچوں سمیت گھر کے 5 افراد زخمی بھی ہوئے۔
منظور کالونی میں بھی گھر کی چھت گرنے سے کہرام مچ گیا، ایک بچہ جان کی بازی ہارگیا، باپ اور دوسرا بیٹا زخمی ہوگئے۔
نیوکراچی میں بارش کے باعث گھر میں کرنٹ لگنے 40 سالہ گلفام چل بسا، گولیمار فردوس کالونی کی ایک دکان میں کرنٹ نے 22 سالہ میر جان کی جان لے لی۔
اسی طرح سرجانی خدا کی بستی میں 21 سال کا احمد اور کورنگی بلال کالونی میں 17 سالہ مدثر بھی گھروں میں کرنٹ لگنے سے چل بسے جبکہ سائٹ ایریا لیبر اسکوائر میں بھی کرنٹ نے 22 سالہ کامران کی جان لے لی۔
لاہور کے مختلف علاقوں میں ہلکی اور تیز بارش سے موسم خوشگوار
لاہور میں کالے سیاہ بادلوں کے ساتھ تیز آندھی نے گرمی کی چھٹی کرادی، شہر کے مختلف علاقوں میں کہیں ہلکی کہیں تیز بارش سے موسم خوشگوار ہو گیا جبکہ ٹھنڈی ہوائیں چلنے سے گرمی کی چھٹی ہوگئی۔
محکمہ موسمیات کے مطابق پری مون سون کا موجودہ سلسلہ یکم جولائی تک جاری رہے گا جبکہ وزیر اعلیٰ پنجاب مریم نواز کی خصوصی ہدایات پر واسا لاہور مکمل الرٹ ہے۔
جیل روڈ، ڈیوس روڈ، گلبرگ، لکشمی چوک، قرطبہ چوک، اسلام پورہ، شاہدرہ، ایک موریہ، بھاٹی گیٹ اور گلشن راوی ک بارش ہوئی۔
ڈی جی پی ڈی ایم اے کے مطابق آئندہ 24 گھنٹوں میں بیشتر علاقوں میں مون سون بارشیں متوقع ہیں۔
ڈی جی پی ڈی ایم اے عرفان علی کاٹھیا نے شہریوں کو احتیاطی تدابیر اورآسمانی بجلی کی گرج چمک کے دوران محفوظ مقامات پر رہنے کی ہدایت کی ہے۔
وائس چیئرمین واسا چوہدری شہباز احمد، نے تمام مرکزی شاہراہوں اور انڈر پاسز کو کلیئر رکھنے کی ہدایات کردیں، بجلی کی بندش والے علاقوں میں ڈسپوزل اسٹیشنز کو جنریٹرز پر چلایا جائے جبکہ تمام ڈسپوزل اسٹیشنز کے پمپس کو آپریشنل اور سکرینوں کو صاف رکھا جائے۔
مزیدپڑھیں:مہوش حیات کو کیسے’ لائف پارٹنر‘ کی تلاش؟ اداکارہ نےبتا دیا
ذریعہ: Daily Ausaf
کلیدی لفظ: خیبرپختونخوا میں حالیہ بارشوں سے بارشوں سے اب تک میں حالیہ بارش افراد جاں بحق پی ڈی ایم اے ملک بھر میں خواتین اور علاقوں میں افراد زخمی کرنٹ لگنے زخمی ہوئے کے مطابق
پڑھیں:
مون سون کی پہلی بارش میں کراچی فارغ، کئی سڑکیں اور علاقے زیرآب،حادثات میں2 بچوں سمیت3 افراد جاں بحق
شہر قائد میں ہونے والی بارشوں کے بعد صورت حال گھمبیر ہوگئی ہے، شہر کی کئی سڑکیں اور علاقے زیر آب آگئے ہیں جبکہ مختلف حادثات میں باپ بیٹی سمیت تین افراد جاں بحق جبکہ 7 افراد زخمی ہوگئے۔
تفصیلات کے مطابق لیاری کے علاقے موسیٰ کالونی گلی نمبر 5 میں تیسری منزل کے فلیٹ کی چھت گرنے سے ملبے تلے دب کر باپ اور بیٹی جاں بحق ہوگئے۔
متوفی کی بیٹی ، بیٹا اور خاتون سمیت 5 افراد زخمی ہوگئے۔ واقعے کی اطلاع ملتے ہی اہل محلہ کی بڑی تعداد جمع ہوگئی جبکہ ایدھی کے رضا بھی موقع پر پہنچ گئے اور امدادی کاروائیوں کے دوران ملبے دب کر جاں بحق و زخمیوں کو سول اسپتال منتقل کیا۔
اس حوالے سے ایدھی حکام کا کہنا ہے کہ جاں بحق ہونے والوں کی شناخت 45 سالہ دانش اور اس کی کمسن بیٹی 3 سالہ عالمیہ کی لاشیں ضابطے کی کارروائی کے لیے سول اسپتال منتقل کی گئیں جبکہ متوفی دانش کی بیٹی 11 سالہ ایان اور بیٹا 12 سالہ دانش بھی زخمی ہوئے ہیں۔
اس کے علاوہ زخمیوں میں 4 سالہ زبیدہ ، 30 سالہ بینش اور 30 سالہ کاشف شامل ہے جنھیں سول اسپتال میں طبی امداد فراہم کی جا رہی ہے جبکہ ایدھی کے رضا کاروں کی جانب سے ملبہ ہٹانے کا کام جاری ہے۔
علاقہ مکین قادر نے بتایا کہ عمارت مخدوش ہے تاہم مجبوری کی وجہ سے لوگوں نے رہائش اختیار کی ہوئی ہے واقعہ چوتھی منزل کا فرش تیسری منزل پر بنے ہوئے ڈرائنگ روم میں گر گیا جہاں پر لوگ موجود تھے اور اس افسوسناک واقعے میں باپ اور کمسن بیٹی جاں بحق اور دیگر افراد زخمی ہوگئے۔
اس سے قبل منظور کالونی کے علاقے سیکٹر آئی گلی نمبر 1 میں دیوار سیمنٹ کی چادروں کی چھت پر گرنے کے نتیجے میں کمسن بیٹا جاں بحق جبکہ باپ اور بڑا بیٹا زخمی ہوگئے۔
واقعے کی اطلاع ملتے چھیپا کے رضا کار موقع پر پہنچ کر متوفی کی لاش ضابطے کی کارروائی کے لیے جناح اسپتال پہنچائی جہاں اس کی شناخت 2 سالہ حسن کے نام سے کی گئی جبکہ چھت گرنے سے متوفی حسن کا والد 40 سالہ رضوان اور بڑا بھائی 6 سالہ محمد حسین زخمی ہوگیا۔
اس حوالے سے چھیپا حکام کا کہنا ہے کہ واقعہ پہلی پڑوس کی دیوار کا کچھ حصہ سیمنٹ کی چاردوں سے بنی ہوئی گھر کی چھت پر گری تھی اس حوالے سے ایس ایچ او بلوچ کالونی مظہر کانگو نے بتایا کہ ابتدائی معلومات کے مطابق واقعہ دیوار گرنے کے باعث پیش آیا ہے جبکہ پولیس کی نفری بھی موقع پر پہنچ گئی ہے اور اس حوالے سے مزید معلومات حاصل کی جا رہی ہے۔
دوسری جانب شہر قائد میں بارشوں کے باعث کراچی کا حلیہ بگڑ گیا اور کئی نشیبی علاقوں میں دو ، دو فٹ سے زائد پانی کھڑا ہوگیا، جبکہ اختر کالونی اور گجر نالہ ابلنے کی وجہ سے نالے کا پانی گھروں میں داخل ہوگیا۔
اس کے علاوہ ریڈ زون میں گورنر ہاؤس، لیاقت آباد، ناظم آباد، اولڈ سٹی ایریا سمیت دیگر علاقے بھی نالوں کا منظر پیش کرنے لگے۔
اُدھر میئر کراچی نے شہر کے مختلف علاقوں کا دورہ کیا اور نکاسی کے کام پر اطمینان کا اظہار کرتے ہوئے شہریوں کو یقین دلایا کہ جن علاقوں میں پانی جمع ہے وہاں سے جلد اخراج کردیا جائے گا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی